ਪਾਸਪੋਰਟ ਰੈਂਕਿੰਗ

Passport Ranking India: ਭਾਰਤ ਨੇ ਆਪਣੀ ਪਾਸਪੋਰਟ ਰੈਂਕਿੰਗ ‘ਚ ਕੀਤਾ ਸੁਧਾਰ, ਜਾਣੋ ਨਵੀਂ ਰੈਂਕਿੰਗ

ਦੇਸ਼, 23 ਜੁਲਾਈ 2025: Indian Passport Ranking: ਜਨਵਰੀ 2025 ਤੋਂ ਭਾਰਤ ਨੇ ਆਪਣੀ ਪਾਸਪੋਰਟ ਰੈਂਕਿੰਗ ‘ਚ ਵੱਡਾ ਸੁਧਾਰ ਦਰਜ ਕੀਤਾ ਹੈ, ਜੋ 85ਵੇਂ ਸਥਾਨ ਤੋਂ 77ਵੇਂ ਸਥਾਨ ‘ਤੇ ਪਹੁੰਚ ਗਿਆ ਹੈ। ਭਾਰਤ ਨੇ ਪਾਸਪੋਰਟ ਰੈਂਕਿੰਗ ‘ਚ ਅੱਠ ਸਥਾਨ ਦੀ ਛਾਲ਼ ਮਾਰੀ ਹੈ | ਭਾਰਤ ਨੇ 59 ਦੇਸ਼ਾਂ ਤੱਕ ਵੀਜ਼ਾ ਪਹੁੰਚ ਪ੍ਰਾਪਤ ਕੀਤੀ ਹੈ। ਹੈਨਲੇ ਪਾਸਪੋਰਟ ਇੰਡੈਕਸ ਦੀ ਰੈਂਕਿੰਗ ‘ਚ ਇਸਦੀ ਪੁਸ਼ਟੀ ਕੀਤੀ ਗਈ ਹੈ।

ਇਸਦੇ ਨਾਲ ਹੀ ਪਾਸਪੋਰਟ ਰੈਂਕਿੰਗ ‘ਚ ਸਿੰਗਾਪੁਰ ‘ਚ ਚੋਟੀ ਦੇ ਸਥਾਨ ਬਰਕਰਾਰ ਹੈ, ਸਿੰਗਾਪੁਰ ਨੂੰ ਦੁਨੀਆ ਭਰ ਦੇ 227 ਸਥਾਨਾਂ ‘ਚੋਂ 193 ਸਥਾਨਾਂ ਤੱਕ ਵੀਜ਼ਾ-ਮੁਕਤ ਪਹੁੰਚ ਦਿੱਤੀ ਹੈ। ਜੁਲਾਈ 2025 ‘ਚ ਜਾਰੀ ਰੈਂਕਿੰਗ ਇੰਟਰਨੈਸ਼ਨਲ ਏਅਰ ਟ੍ਰਾਂਸਪੋਰਟ ਐਸੋਸੀਏਸ਼ਨ (IATA) ਦੇ ਵਿਸ਼ੇਸ਼ ਡੇਟਾ ‘ਤੇ ਆਧਾਰਿਤ ਹੈ | ਏਸ਼ੀਆਈ ਗੁਆਂਢੀ ਜਾਪਾਨ ਅਤੇ ਦੱਖਣੀ ਕੋਰੀਆ ਦੂਜੇ ਸਥਾਨ ‘ਤੇ ਹਨ, ਜਿੱਥੇ ਹਰੇਕ 190 ਸਥਾਨਾਂ ਤੱਕ ਵੀਜ਼ਾ-ਮੁਕਤ ਪਹੁੰਚ ਕੀਤਾ ਹੈ।

ਨਵੀਂ ਪਾਸਪੋਰਟ ਰੈਂਕਿੰਗ ‘ਚ ਸਾਊਦੀ ਅਰਬ ਨੂੰ ਵੀ ਫਾਇਦਾ ਹੋਇਆ ਹੈ। ਇਸ ਦੇ ਵੀਜ਼ਾ-ਮੁਕਤ ਸਥਾਨਾਂ ‘ਚ ਚਾਰ ਸਥਾਨਾਂ ਦਾ ਸੁਧਾਰ ਹੋਇਆ ਹੈ। ਦੇਸ਼ ਦੀ ਦਰਜਾਬੰਦੀ ਚਾਰ ਸਥਾਨਾਂ ਉੱਪਰ ਚੜ੍ਹ ਕੇ 91 ਸਥਾਨਾਂ ਨਾਲ 54ਵੇਂ ਸਥਾਨ ‘ਤੇ ਪਹੁੰਚ ਗਈ ਹੈ। ਰੈਂਕਿੰਗ ‘ਚ ਬ੍ਰਿਟੇਨ ਅਤੇ ਅਮਰੀਕਾ ਦੀ ਦਰਜਾਬੰਦੀ ਹੇਠਾਂ ਆ ਗਈ ਹੈ। ਯੂਨਾਈਟਿਡ ਕਿੰਗਡਮ 6ਵੇਂ ਸਥਾਨ ‘ਤੇ ਡਿੱਗ ਗਿਆ ਹੈ, ਜੋ 186 ਦੇਸ਼ਾਂ ਨੂੰ ਵੀਜ਼ਾ-ਮੁਕਤ ਪਹੁੰਚ ਪ੍ਰਦਾਨ ਕਰਦਾ ਹੈ।

ਸੰਯੁਕਤ ਰਾਜ ਅਮਰੀਕਾ ਹੁਣ 182 ਸਥਾਨਾਂ ਤੱਕ ਪਹੁੰਚ ਦੇ ਨਾਲ 10ਵੇਂ ਸਥਾਨ ‘ਤੇ ਹੈ। ਪਿਛਲੇ ਦਹਾਕੇ ਦੌਰਾਨ ਦੋਵਾਂ ਦੇਸ਼ਾਂ ਦੀ ਦਰਜਾਬੰਦੀ ‘ਚ ਲਗਾਤਾਰ ਗਿਰਾਵਟ ਆਈ ਹੈ। ਇਹ ਧਿਆਨ ਦੇਣ ਯੋਗ ਹੈ ਕਿ ਇਹ ਪਹਿਲੀ ਵਾਰ ਹੈ ਜਦੋਂ ਅਮਰੀਕਾ ਪਾਸਪੋਰਟ ਦਰਜਾਬੰਦੀ ਦੇ ਮਾਮਲੇ ‘ਚ ਚੋਟੀ ਦੇ 10 ‘ਚੋਂ ਬਾਹਰ ਹੋਣ ਦਾ ਖ਼ਤਰਾ ਹੈ।

Read More: Passport Ranking: ਭਾਰਤ ਨੇ ਪਾਸਪੋਰਟ ਰੈਂਕਿੰਗ ‘ਚ 77ਵਾਂ ਸਥਾਨ ਕੀਤਾ ਹਾਸਲ

Scroll to Top