ਸਪੋਰਟਸ, 11 ਅਕਤੂਬਰ 2025: IND ਬਨਾਮ WI 2nd Test Match: ਭਾਰਤ ਨੇ ਵੈਸਟਇੰਡੀਜ਼ ਖ਼ਿਲਾਫ ਦੂਜੇ ਟੈਸਟ ‘ਚ ਮਜ਼ਬੂਤ ਸ਼ੁਰੂਆਤ ਕੀਤੀ ਹੈ। ਦੂਜੇ ਦਿਨ ਦੁਪਹਿਰ ਦੇ ਖਾਣੇ ਤੱਕ ਭਾਰਤੀ ਟੀਮ ਨੇ ਪਹਿਲੀ ਪਾਰੀ ‘ਚ 4 ਵਿਕਟਾਂ ‘ਤੇ 427 ਦੌੜਾਂ ਬਣਾਈਆਂ ਹਨ। ਫਿਲਹਾਲ ਕਪਤਾਨ ਸ਼ੁਭਮਨ ਗਿੱਲ ਅਤੇ ਧਰੁਵ ਜੁਰੇਲ ਕ੍ਰੀਜ਼ ‘ਤੇ ਹਨ।
ਨਿਤੀਸ਼ ਕੁਮਾਰ ਰੈੱਡੀ (43 ਦੌੜਾਂ) ਨੂੰ ਜੈਡੇਨ ਸੀਲਜ਼ ਨੇ ਜੋਮੇਲ ਵਾਰਿਕਨ ਦੀ ਗੇਂਦ ‘ਤੇ ਕੈਚ ਕੀਤਾ, ਜੋ ਉਸਦੀ ਤੀਜੀ ਵਿਕਟ ਸੀ। ਉਨ੍ਹਾਂ ਨੇ ਪਹਿਲੇ ਦਿਨ ਕੇਐਲ ਰਾਹੁਲ (38 ਦੌੜਾਂ) ਅਤੇ ਸਾਈ ਸੁਦਰਸ਼ਨ (87 ਦੌੜਾਂ) ਨੂੰ ਵੀ ਆਊਟ ਕੀਤਾ। ਓਪਨਰ ਯਸ਼ਸਵੀ ਜੈਸਵਾਲ 175 ਦੌੜਾਂ ਬਣਾਉਣ ਤੋਂ ਬਾਅਦ ਰਨ ਆਊਟ ਹੋ ਗਿਆ।
ਸ਼ਨੀਵਾਰ ਨੂੰ ਭਾਰਤ ਨੇ 318/2 ‘ਤੇ ਖੇਡ ਸ਼ੁਰੂ ਕੀਤੀ। ਯਸ਼ਸਵੀ ਜੈਸਵਾਲ ਨੇ 173 ਦੌੜਾਂ ਬਣਾਈਆਂ ਅਤੇ ਕਪਤਾਨ ਸ਼ੁਭਮਨ ਗਿੱਲ ਨੇ 20 ਦੌੜਾਂ ਬਣਾਈਆਂ ਸਨ। ਦਿੱਲੀ ਟੈਸਟ ਦੇ ਦੂਜੇ ਦਿਨ 26 ਓਵਰਾਂ ਦੇ ਪਹਿਲੇ ਸੈਸ਼ਨ ‘ਚ ਭਾਰਤੀ ਟੀਮ ਨੇ 109 ਦੌੜਾਂ ਬਣਾਉਂਦੇ ਹੋਏ 2 ਵਿਕਟਾਂ ਗੁਆ ਦਿੱਤੀਆਂ।
102ਵੇਂ ਓਵਰ ‘ਚ ਭਾਰਤੀ ਕਪਤਾਨ ਸ਼ੁਭਮਨ ਗਿੱਲ ਅਤੇ ਨਿਤੀਸ਼ ਕੁਮਾਰ ਰੈਡੀ ਨੇ ਪੰਜਾਹ ਦੀ ਸਾਂਝੇਦਾਰੀ ਕੀਤੀ। ਗਿੱਲ ਨੇ ਜਸਟਿਨ ਗ੍ਰੀਵਜ਼ ਦੇ ਓਵਰ ਦੀ ਤੀਜੀ ਗੇਂਦ ‘ਤੇ ਛੱਕਾ ਲਗਾਇਆ, ਜਿਸ ਨਾਲ ਸਾਂਝੇਦਾਰੀ 50 ਦੇ ਪਾਰ ਪਹੁੰਚ ਗਈ।
Read More: IND ਬਨਾਮ WI: ਵੈਸਟਇੰਡੀਜ਼ ਖ਼ਿਲਾਫ ਦੂਜੇ ਟੈਸਟ ‘ਚ ਯਸ਼ਸਵੀ ਜੈਸਵਾਲ ਨੇ ਜੜਿਆ ਸੈਂਕੜਾ
