ਸਪੋਰਟਸ, 04 ਅਕਤੂਬਰ 2025: IND ਬਨਾਮ WI: ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਪਹਿਲਾ ਮੈਚ ਅਹਿਮਦਾਬਾਦ ‘ਚ ਖੇਡਿਆ ਜਾ ਰਿਹਾ ਹੈ। ਭਾਰਤ ਨੇ ਆਪਣੀ ਪਹਿਲੀ ਪਾਰੀ 448/5 ‘ਤੇ ਐਲਾਨ ਦਿੱਤੀ। ਪਹਿਲੇ ਟੈਸਟ ਮੈਚ ਦਾ ਸ਼ਨੀਵਾਰ ਨੂੰ ਮੈਚ ਦਾ ਤੀਜਾ ਦਿਨ ਹੈ ਅਤੇ ਪਹਿਲਾ ਸੈਸ਼ਨ ਚੱਲ ਰਿਹਾ ਹੈ। ਵੈਸਟਇੰਡੀਜ਼ ਆਪਣੀ ਦੂਜੀ ਪਾਰੀ ‘ਚ 1 ਵਿਕਟ ‘ਤੇ 12 ਦੌੜਾਂ ਬਣਾ ਚੁੱਕਾ ਹੈ। ਜੌਨ ਕੈਂਪਬੈਲ ਕ੍ਰੀਜ਼ ‘ਤੇ ਹਨ।
ਇੱਕ ਦਿਨ ਪਹਿਲਾਂ ਸ਼ੁੱਕਰਵਾਰ ਨੂੰ, ਭਾਰਤ ਨੇ ਪਹਿਲੀ ਪਾਰੀ ‘ਚ 286 ਦੌੜਾਂ ਬਣਾਈਆਂ ਸਨ। ਟੀਮ 5 ਵਿਕਟਾਂ ‘ਤੇ 448 ਦੌੜਾਂ ‘ਤੇ ਪਹੁੰਚ ਗਈ ਸੀ। ਆਲਰਾਊਂਡਰ ਰਵਿੰਦਰ ਜਡੇਜਾ 104 ਅਤੇ ਵਾਸ਼ਿੰਗਟਨ ਸੁੰਦਰ 9 ਦੌੜਾਂ ‘ਤੇ ਨਾਬਾਦ ਰਹੇ। ਧਰੁਵ ਜੁਰੇਲ (125 ਦੌੜਾਂ) ਅਤੇ ਕੇਐਲ ਰਾਹੁਲ (100 ਦੌੜਾਂ) ਨੇ ਸੈਂਕੜੇ ਲਗਾਏ। ਵੈਸਟਇੰਡੀਜ਼ ਮੈਚ ਦੇ ਪਹਿਲੇ ਦਿਨ ਸਿਰਫ਼ 162 ਦੌੜਾਂ ਹੀ ਬਣਾ ਸਕਿਆ ਸੀ।
ਭਾਰਤ ਦੇ ਕੇਐਲ ਰਾਹੁਲ, ਧਰੁਵ ਜੁਰੇਲ ਅਤੇ ਰਵਿੰਦਰ ਜਡੇਜਾ ਨੇ ਸੈਂਕੜੇ ਲਗਾਏ। ਇਹ ਇਸ ਸਾਲ ਤੀਜਾ ਮੌਕਾ ਹੈ ਜਦੋਂ ਟੀਮ ਨੇ ਇੱਕ ਪਾਰੀ ‘ਚ ਤਿੰਨ ਸੈਂਕੜੇ ਲਗਾਏ ਹਨ। ਰਾਹੁਲ ਨੇ ਪਾਰੀ ਦੀ ਸ਼ੁਰੂਆਤ ਕਰਦੇ ਹੋਏ ਆਪਣਾ 10ਵਾਂ ਸੈਂਕੜਾ ਲਗਾਇਆ। ਜਡੇਜਾ ਨੇ ਸਭ ਤੋਂ ਵੱਧ ਟੈਸਟ ਛੱਕੇ ਲਗਾਉਣ ‘ਚ ਐਮਐਸ ਧੋਨੀ ਨੂੰ ਪਿੱਛੇ ਛੱਡ ਦਿੱਤਾ। ਜੁਰੇਲ ਭਾਰਤ ਲਈ ਟੈਸਟ ਸੈਂਕੜਾ ਲਗਾਉਣ ਵਾਲਾ 12ਵਾਂ ਵਿਕਟਕੀਪਰ ਵੀ ਬਣਿਆ।
ਸ਼ੁੱਕਰਵਾਰ ਨੂੰ, ਤਿੰਨ ਭਾਰਤੀ ਬੱਲੇਬਾਜ਼ਾਂ – ਕੇਐਲ ਰਾਹੁਲ, ਧਰੁਵ ਜੁਰੇਲ ਅਤੇ ਰਵਿੰਦਰ ਜਡੇਜਾ – ਨੇ ਵੈਸਟਇੰਡੀਜ਼ ਵਿਰੁੱਧ ਅਹਿਮਦਾਬਾਦ ਟੈਸਟ ‘ਚ ਸੈਂਕੜੇ ਲਗਾਏ। ਤਿੰਨਾਂ ਨੇ ਆਪਣੇ ਸੈਂਕੜੇ ਵੱਖ-ਵੱਖ ਤਰੀਕਿਆਂ ਨਾਲ ਮਨਾਏ। ਰਾਹੁਲ ਨੇ ਸੀਟੀ ਵਜਾਈ, ਜਡੇਜਾ ਨੇ ਆਪਣਾ ਬੱਲਾ ਤਲਵਾਰ ਵਾਂਗ ਘੁਮਾਇਆ, ਅਤੇ ਧਰੁਵ ਜੁਰੇਲ ਨੇ ਆਪਣਾ ਸੈਂਕੜਾ ਬਣਾਉਣ ਤੋਂ ਬਾਅਦ ਭਾਰਤੀ ਫੌਜ ਨੂੰ ਸਲਾਮ ਕੀਤਾ।
Read More: IND ਬਨਾਮ WI: ਅਹਿਮਦਾਬਾਦ ਟੈਸਟ ਦੇ ਦੂਜੇ ਦਿਨ ਖੇਡ ਸਮਾਪਤ, ਰਵਿੰਦਰ ਜਡੇਜਾ ਨੇ ਵੀ ਜੜਿਆ ਸੈਂਕੜਾ
