ਸਪੋਰਟਸ, 22 ਦਸੰਬਰ 2025: IND W ਬਨਾਮ SL W: ਭਾਰਤੀ ਮਹਿਲਾ ਟੀਮ ਨੇ ਵਨਡੇ ਵਿਸ਼ਵ ਕੱਪ 2025 ਜਿੱਤਣ ਤੋਂ ਬਾਅਦ ਆਪਣੀ ਲੈਅ ਬਣਾਈ ਰੱਖੀ ਅਤੇ ਪਹਿਲੇ ਟੀ-20 ਮੈਚ ‘ਚ ਸ੍ਰੀਲੰਕਾ ਨੂੰ ਇੱਕ ਪਾਸੜ ਢੰਗ ਨਾਲ ਹਰਾਇਆ ਹੈ। ਭਾਰਤ ਨੇ ਬੱਲੇਬਾਜ਼ੀ ਅਤੇ ਗੇਂਦਬਾਜ਼ੀ ਦੋਵਾਂ ‘ਚ ਵਧੀਆ ਪ੍ਰਦਰਸ਼ਨ ਕੀਤਾ, ਪਰ ਫੀਲਡਿੰਗ ਨਿਰਾਸ਼ਾਜਨਕ ਰਹੀ। ਭਾਰਤੀ ਖਿਡਾਰੀਆਂ ਨੇ ਪਹਿਲੇ ਟੀ-20 ਮੈਚ ‘ਚ ਕਈ ਕੈਚ ਛੱਡੇ। ਹਾਲਾਂਕਿ, ਭਾਰਤੀ ਗੇਂਦਬਾਜ਼ਾਂ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ | ਦੂਜਾ ਟੀ-20 ਮੈਚ ਭਲਕੇ ਵਿਸ਼ਾਖਾਪਟਨਮ ‘ਚ ਸ਼ਾਮ 7:00 ਵਜੇ ਖੇਡਿਆ ਜਾਵੇਗਾ |
ਭਾਰਤੀ ਟੀਮ ਦੀ ਖ਼ਰਾਬ ਫੀਲਡਿੰਗ
ਪਿਛਲੇ ਮਹੀਨੇ ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ, ਭਾਰਤੀ ਟੀਮ ਨੇ ਬੱਲੇਬਾਜ਼ੀ ਅਤੇ ਗੇਂਦਬਾਜ਼ੀ ਦੋਵਾਂ ‘ਚ ਵਧੀਆ ਪ੍ਰਦਰਸ਼ਨ ਕੀਤਾ, ਸ਼੍ਰੀਲੰਕਾ ਨੂੰ ਅੱਠ ਵਿਕਟਾਂ ਨਾਲ ਹਰਾਇਆ ਸੀ। ਭਾਰਤੀ ਟੀਮ ਨੇ ਸ਼੍ਰੀਲੰਕਾ ਨੂੰ ਛੇ ਵਿਕਟਾਂ ‘ਤੇ 121 ਦੌੜਾਂ ‘ਤੇ ਰੋਕ ਦਿੱਤਾ, ਪਰ ਉਨ੍ਹਾਂ ਦੀ ਫੀਲਡਿੰਗ ਉਮੀਦਾਂ ਤੋਂ ਘੱਟ ਸੀ, ਅਤੇ ਉਨ੍ਹਾਂ ਨੇ ਕਈ ਕੈਚ ਛੱਡੇ।
ਕਪਤਾਨ ਹਰਮਨਪ੍ਰੀਤ ਕੌਰ ਨੇ ਮੈਚ ਤੋਂ ਬਾਅਦ ਕਿਹਾ, “ਅਸੀਂ ਆਪਣੀ ਫੀਲਡਿੰਗ ‘ਤੇ ਕੰਮ ਕਰ ਰਹੇ ਹਾਂ। ਮੈਨੂੰ ਨਹੀਂ ਪਤਾ ਕਿ ਅਸੀਂ ਇੰਨੀ ਵਾਰ ਕੈਚ ਕਿਉਂ ਛੱਡ ਰਹੇ ਹਾਂ। ਮੈਦਾਨ ਗਿੱਲਾ ਸੀ, ਪਰ ਇਹ ਕੋਈ ਬਹਾਨਾ ਨਹੀਂ ਹੈ। ਇਹ ਅਜਿਹੀ ਚੀਜ਼ ਹੈ ਜਿਸ ‘ਤੇ ਸਾਨੂੰ ਗੰਭੀਰਤਾ ਨਾਲ ਵਿਚਾਰ ਕਰਨ ਦੀ ਲੋੜ ਹੈ। ਅਸੀਂ ਅਗਲੇ ਮੈਚ ‘ਚ ਇੱਕ ਬਿਹਤਰ ਰਣਨੀਤੀ ਲੈ ਕੇ ਆਵਾਂਗੇ।”
ਵਿਸ਼ਵ ਕੱਪ ਦੀ ਸਫਲਤਾ ਤੋਂ ਬਾਅਦ, ਭਾਰਤੀ ਟੀਮ ਨੂੰ ਛੇ ਹਫ਼ਤਿਆਂ ਦਾ ਬ੍ਰੇਕ ਮਿਲਿਆ। ਇਸ ਤੋਂ ਬਾਅਦ, ਭਾਰਤੀ ਟੀਮ ਨੇ ਬੰਗਲੁਰੂ ਦੇ ਸੈਂਟਰ ਆਫ਼ ਐਕਸੀਲੈਂਸ ਵਿਖੇ ਇੱਕ ਹਫ਼ਤੇ ਦੇ ਕੈਂਪ ‘ਚ ਹਿੱਸਾ ਲਿਆ। ਫੀਲਡਿੰਗ ‘ਚ ਥੋੜ੍ਹੀ ਜਿਹੀ ਕਮੀ ਦੀ ਉਮੀਦ ਸੀ, ਅਤੇ ਕਪਤਾਨ ਦਾ ਮੰਨਣਾ ਹੈ ਕਿ ਟੀਮ ਬਹੁਤ ਛੇਤੀ ਆਪਣੀ ਲੈਅ ਮੁੜ ਪ੍ਰਾਪਤ ਕਰ ਲਵੇਗੀ। ਕਾਗਜ਼ਾਂ ‘ਤੇ ਵੀ ਭਾਰਤੀ ਟੀਮ ਮਜ਼ਬੂਤ ਦਿਖਾਈ ਦਿੰਦੀ ਹੈ, ਜਿਸਦੀ ਬੱਲੇਬਾਜ਼ੀ ਅਤੇ ਗੇਂਦਬਾਜ਼ੀ ਦੋਵੇਂ ਕਾਫ਼ੀ ਮਜ਼ਬੂਤ ਹਨ। ਫਾਰਮ ‘ਚ ਚੱਲ ਰਹੀ ਜੇਮੀਮਾ ਰੌਡਰਿਗਜ਼ ਨੇ ਟੀ-20ਆਈ ‘ਚ ਆਪਣਾ ਪ੍ਰਭਾਵਸ਼ਾਲੀ ਵਿਸ਼ਵ ਕੱਪ ਪ੍ਰਦਰਸ਼ਨ ਜਾਰੀ ਰੱਖਿਆ।
