ਸਪੋਰਟਸ, 10 ਸਤੰਬਰ 2025: IND ਬਨਾਮ PAK: ਏਸ਼ੀਆ ਕੱਪ 2025 ‘ਚ 14 ਸਤੰਬਰ ਨੂੰ ਖੇਡੇ ਜਾਣ ਵਾਲੇ ਭਾਰਤ-ਪਾਕਿਸਤਾਨ ਮੈਚ ਦੀਆਂ ਟਿਕਟਾਂ ਅਜੇ ਤੱਕ ਨਹੀਂ ਵਿਕ ਰਹੀਆਂ ਹਨ। ਆਮ ਤੌਰ ‘ਤੇ ਇਸ ਹਾਈ-ਵੋਲਟੇਜ ਮੈਚ ਦੀਆਂ ਟਿਕਟਾਂ ਕੁਝ ਘੰਟਿਆਂ ‘ਚ ਵਿਕ ਜਾਂਦੀਆਂ ਹਨ, ਪਰ ਇਸ ਵਾਰ 2.5 ਲੱਖ ਰੁਪਏ ਤੋਂ ਵੱਧ ਦੀ ਕੀਮਤ ਅਤੇ ਪੈਕੇਜ ਵਿਕਰੀ ਕਾਰਨ ਟਿਕਟਾਂ ਦੀ ਮੰਗ ਘੱਟ ਗਈ ਹੈ।
ਏਸ਼ੀਆ ਕੱਪ 2025 ਦਾ ਉਤਸ਼ਾਹ ਦੁਬਈ ‘ਚ ਸਿਖਰਾਂ ‘ਤੇ ਹੈ। ਪਰ ਇੱਕ ਹੈਰਾਨੀਜਨਕ ਗੱਲ ਸਾਹਮਣੇ ਆਈ ਹੈ। 14 ਸਤੰਬਰ ਨੂੰ ਹੋਣ ਵਾਲੇ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਮੈਚ ਦੀਆਂ ਟਿਕਟਾਂ ਅਜੇ ਵੀ ਉਪਲਬੱਧ ਹਨ। ਟਿਕਟਾਂ ਦੀ ਉੱਚ ਕੀਮਤ ਅਤੇ ਪੈਕੇਜਾਂ ‘ਚ ਵਿਕਰੀ ਕਾਰਨ, ਇਸ ਵਾਰ ਟਿਕਟਾਂ ਦੀ ਮੰਗ ਘੱਟ ਹੈ।
ਆਮ ਤੌਰ ‘ਤੇ, ਭਾਰਤ ਅਤੇ ਪਾਕਿਸਤਾਨ ਮੈਚਾਂ ਦੀਆਂ ਟਿਕਟਾਂ ਕੁਝ ਘੰਟਿਆਂ ‘ਚ ਵਿਕ ਜਾਂਦੀਆਂ ਹਨ। ਪਰ ਇਸ ਵਾਰ ਟਿਕਟਾਂ ਦੀ ਉੱਚ ਕੀਮਤ ਅਤੇ ਪੈਕੇਜਾਂ ‘ਚ ਵਿਕਰੀ ਕਾਰਨ ਮੰਗ ਘੱਟ ਗਈ ਹੈ। ਟਿਕਟਿੰਗ ਪੋਰਟਲ ‘ਤੇ VIP Suites East ‘ਚ ਦੋ ਸੀਟਾਂ ਦੀ ਕੀਮਤ 257,815 ਰੁਪਏ ਹੈ। ਇਸ ਪੈਕੇਜ ‘ਚ ਬਹੁਤ ਸਾਰੀਆਂ ਸਹੂਲਤਾਂ ਹਨ। ਜਿਵੇਂ ਕਿ ਆਸਾਨ ਪਹੁੰਚ ਵਾਲੀਆਂ ਸੀਟਾਂ, ਅਸੀਮਤ ਖਾਣਾ-ਪੀਣਾ, ਪਾਰਕਿੰਗ ਪਾਸ, VIP ਕਲੱਬ/ਲਾਉਂਜ ਪਹੁੰਚ ਅਤੇ ਨਿੱਜੀ ਟਾਇਲਟ।
ਰਾਇਲ ਬਾਕਸ ਦੀ ਕੀਮਤ ਦੋ ਲੋਕਾਂ ਲਈ 230,700 ਰੁਪਏ ਹੈ। ਸਕਾਈ ਬਾਕਸ ਈਸਟ ਦੀ ਕੀਮਤ 167,851 ਰੁਪਏ ਹੈ। ਇੱਥੋਂ ਤੱਕ ਕਿ ਮੱਧ-ਪੱਧਰੀ ਸ਼੍ਰੇਣੀ ਦੀਆਂ ਟਿਕਟਾਂ ਵੀ ਮਹਿੰਗੀਆਂ ਹਨ। ਪਲੈਟੀਨਮ ਟਿਕਟਾਂ ਦੀ ਕੀਮਤ 75,659 ਰੁਪਏ ਹੈ। ਗ੍ਰੈਂਡ ਲਾਉਂਜ ਦੀ ਕੀਮਤ 41,153 ਰੁਪਏ ਹੈ। ਪੈਵੇਲੀਅਨ ਵੈਸਟ ਦੀ ਕੀਮਤ 28,174 ਰੁਪਏ ਹੈ ਅਤੇ ਸਭ ਤੋਂ ਸਸਤੀ ਜਨਰਲ ਈਸਟ ਟਿਕਟ ਵੀ ਲਗਭਗ 10,000 ਰੁਪਏ ਹੈ।
Read More: IND ਬਨਾਮ PAK: ਏਸ਼ੀਆ ਕੱਪ 2025 ‘ਚ ਸਤੰਬਰ ਮਹੀਨੇ ਮੁੜ ਭਿੜਣਗੇ ਭਾਰਤ ਤੇ ਪਾਕਿਸਤਾਨ !
