ਸਪੋਰਟਸ, 22 ਮਾਰਚ 2026: ਭਾਰਤੀ ਟੀਮ ਜੂਨ 2026 ‘ਚ ਆਇਰਲੈਂਡ ਦਾ ਦੌਰਾ ਕਰੇਗੀ, ਜਿੱਥੇ ਦੋਵੇਂ ਟੀਮਾਂ ਦੋ ਮੈਚਾਂ ਦੀ ਟੀ-20 ਅੰਤਰਰਾਸ਼ਟਰੀ ਸੀਰੀਜ਼ ਖੇਡਣਗੀਆਂ। ਬੀਸੀਸੀਆਈ ਨੇ ਸ਼ਨੀਵਾਰ ਨੂੰ ਇਸ ਦੌਰੇ ਦਾ ਸ਼ਡਿਊਲ ਐਲਾਨਿਆ। ਭਾਰਤ ਆਇਰਲੈਂਡ ਖ਼ਿਲਾਫ਼ 26 ਜੂਨ ਅਤੇ 28 ਜੂਨ ਨੂੰ ਦੋ ਟੀ20 ਮੈਚ ਖੇਡੇਗੀ |
ਇਹ ਲੜੀ ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਭਾਰਤ ਦੀ ਪਹਿਲੀ ਟੀ-20 ਅੰਤਰਰਾਸ਼ਟਰੀ ਸੀਰੀਜ਼ ਹੋਵੇਗੀ। ਭਾਰਤ ਨੇ 8 ਮਾਰਚ ਨੂੰ ਅਹਿਮਦਾਬਾਦ ‘ਚ ਨਿਊਜ਼ੀਲੈਂਡ ਨੂੰ 96 ਦੌੜਾਂ ਨਾਲ ਹਰਾ ਕੇ ਖਿਤਾਬ ਜਿੱਤਿਆ।
ਭਾਰਤ ਨੇ ਪਿਛਲੇ ਅੱਠ ਸਾਲਾਂ (2018, 2022 ਅਤੇ 2023) ‘ਚ ਤਿੰਨ ਵਾਰ ਆਇਰਲੈਂਡ ਦਾ ਦੌਰਾ ਕੀਤਾ ਹੈ। ਇਹ ਦੌਰਾ ਆਇਰਲੈਂਡ ਲਈ 2026 ਦੇ ਵਿਅਸਤ ਸ਼ਡਿਊਲ ਦਾ ਹਿੱਸਾ ਹੈ, ਜਿਸ ‘ਚ ਨਿਊਜ਼ੀਲੈਂਡ ਵਿਰੁੱਧ ਇੱਕ ਟੈਸਟ ਮੈਚ ਅਤੇ ਅਫਗਾਨਿਸਤਾਨ ਵਿਰੁੱਧ ਪੰਜ ਵਨਡੇ ਮੈਚ ਵੀ ਸ਼ਾਮਲ ਹਨ।
ਭਾਰਤ ਅਤੇ ਆਇਰਲੈਂਡ ਵਿਚਕਾਰ ਹੁਣ ਤੱਕ ਤਿੰਨ ਟੀ-20 ਅੰਤਰਰਾਸ਼ਟਰੀ ਸੀਰੀਜ਼ ਖੇਡੀ ਜਾ ਚੁੱਕੀ ਹੈ। ਭਾਰਤ ਨੇ 2018 ਅਤੇ 2022 ‘ਚ ਦੋਵਾਂ ਟੂਰ ਨੂੰ 2-0 ਨਾਲ ਕਲੀਨ ਸਵੀਪ ਕੀਤਾ। 2023 ‘ਚ ਤਿੰਨ ਮੈਚਾਂ ਦੀ ਸੀਰੀਜ਼ ‘ਚ, ਭਾਰਤ ਨੇ ਵੀ 2-0 ਨਾਲ ਜਿੱਤ ਪ੍ਰਾਪਤ ਕੀਤੀ, ਇੱਕ ਮੈਚ ਰੱਦ ਕਰ ਦਿੱਤਾ ਗਿਆ। ਤਿੰਨੋਂ ਸੀਰੀਜ਼ ਆਇਰਲੈਂਡ ‘ਚ ਖੇਡੀਆਂ ਗਈਆਂ ਸਨ।
ਭਾਰਤ ਅਫਗਾਨਿਸਤਾਨ ਵਿਰੁੱਧ ਵੀ ਖੇਡੇਗੀ
ਆਈਪੀਐਲ ਤੋਂ ਬਾਅਦ, ਭਾਰਤੀ ਟੀਮ ਜੂਨ ‘ਚ ਅਫਗਾਨਿਸਤਾਨ ਵਿਰੁੱਧ ਇੱਕ ਸੀਰੀਜ਼ ਖੇਡੇਗੀ। ਇਸਦੀ ਸ਼ੁਰੂਆਤ 6 ਜੂਨ ਨੂੰ ਇੱਕ ਟੈਸਟ ਮੈਚ ਨਾਲ ਹੋਵੇਗੀ। ਇਸ ਤੋਂ ਬਾਅਦ ਦੋਵਾਂ ਟੀਮਾਂ ਵਿਚਕਾਰ ਤਿੰਨ ਵਨਡੇ ਮੈਚ ਹੋਣਗੇ। ਪਹਿਲਾ ਵਨਡੇ 14 ਜੂਨ ਨੂੰ ਧਰਮਸ਼ਾਲਾ ਵਿੱਚ, ਦੂਜਾ 17 ਜੂਨ ਨੂੰ ਲਖਨਊ ‘ਚ ਅਤੇ ਤੀਜਾ 20 ਜੂਨ ਨੂੰ ਚੇਨਈ ਵਿੱਚ ਖੇਡਿਆ ਜਾਵੇਗਾ।
ਭਾਰਤ ਇੰਗਲੈਂਡ ਦਾ ਵੀ ਦੌਰਾ ਕਰੇਗਾ
ਭਾਰਤ ਇਸ ਸਾਲ ਇੰਗਲੈਂਡ ਦਾ ਦੌਰਾ ਕਰੇਗਾ। ਦੋਵਾਂ ਟੀਮਾਂ ਵਿਚਕਾਰ ਅੱਠ ਵ੍ਹਾਈਟ-ਬਾਲ ਮੈਚ ਖੇਡੇ ਜਾਣਗੇ। ਭਾਰਤ ਜੁਲਾਈ ਵਿੱਚ ਪੰਜ ਟੀ-20 ਅਤੇ ਤਿੰਨ ਵਨਡੇ ਖੇਡਣ ਲਈ ਇੰਗਲੈਂਡ ਦਾ ਦੌਰਾ ਕਰੇਗਾ।
Read More: SA ਬਨਾਮ NZ Result: ਨਿਊਜ਼ੀਲੈਂਡ ਨੇ ਦੱਖਣੀ ਅਫਰੀਕਾ ਨੂੰ ਤੀਜੇ ਟੀ-20 ‘ਚ 8 ਵਿਕਟਾਂ ਨਾਲ ਹਰਾਇਆ
