ਸਪੋਰਟਸ, 04 ਅਗਸਤ 2025: IND ਬਨਾਮ ENG: ਸ਼ੁਭਮਨ ਗਿੱਲ ਦੀ ਅਗਵਾਈ ‘ਚ ਭਾਰਤੀ ਟੀਮ ਨੇ ਇੰਗਲੈਂਡ ਵਿਰੁੱਧ ਪੰਜਵਾਂ ਟੈਸਟ ਮੈਚ ਛੇ ਦੌੜਾਂ ਨਾਲ ਜਿੱਤ ਕੇ ਸੀਰੀਜ਼ 2-2 ਨਾਲ ਬਰਾਬਰ ਕਰ ਲਈ। ਭਾਰਤ ਦੀ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ 2025-2027 ਦੇ ਨਵੇਂ ਚੱਕਰ ‘ਚ ਦੀ ਪਹਿਲੀ ਟੈਸਟ ਸੀਰੀਜ਼ ਸੀ।
ਇੰਨਾ ਹੀ ਨਹੀਂ, ਭਾਰਤ ਸ਼ੁਭਮਨ ਗਿੱਲ ਦੀ ਅਗਵਾਈ ‘ਚ ਇਸ ਦੌਰੇ ‘ਤੇ ਗਿਆ ਸੀ, ਜੋ ਪਹਿਲੀ ਵਾਰ ਲਾਲ ਗੇਂਦ ਦੇ ਫਾਰਮੈਟ ‘ਚ ਕਪਤਾਨੀ ਕਰ ਰਿਹਾ ਸੀ। ਭਾਰਤ ਨੇ ਭਾਵੇਂ ਇੰਗਲੈਂਡ ‘ਚ ਟੈਸਟ ਸੀਰੀਜ਼ ਨਹੀਂ ਜਿੱਤੀ ਹੋਵੇ, ਪਰ ਇਸਨੇ ਇੱਕ ਰੋਮਾਂਚਕ ਮੈਚ ਜਿੱਤ ਕੇ ਮੇਜ਼ਬਾਨ ਟੀਮ ਦੇ ਮੂੰਹੋਂ ਜਿੱਤ ਖੋਹ ਲਈ।
ਪੰਜਵੇਂ ਟੈਸਟ ‘ਚ ਜਿੱਤ ਨਾਲ WTC ਪੁਆਇੰਟ ਟੇਬਲ ‘ਚ ਭਾਰਤ ਨੂੰ ਫਾਇਦਾ ਹੋਇਆ ਹੈ। ਓਵਲ ਟੈਸਟ ਤੋਂ ਪਹਿਲਾਂ, ਭਾਰਤ WTC ਪੁਆਇੰਟ ਟੇਬਲ ‘ਚ ਚੌਥੇ ਸਥਾਨ ‘ਤੇ ਸੀ, ਪਰ ਹੁਣ ਇਹ ਤੀਜੇ ਸਥਾਨ ‘ਤੇ ਆ ਗਿਆ ਹੈ, ਜਦੋਂ ਕਿ ਇੰਗਲੈਂਡ ਦੀ ਟੀਮ ਚੌਥੇ ਸਥਾਨ ‘ਤੇ ਖਿਸਕ ਗਈ ਹੈ।
ਭਾਰਤ ਦੇ ਇਸ ਸਮੇਂ ਪੰਜ ਮੈਚਾਂ ਦੀ ਟੈਸਟ ਸੀਰੀਜ਼ ‘ਚ ਦੋ ਮੈਚ ਜਿੱਤੇ ਅਤੇ ਦੋ ਮੈਚ ਹਰ ਗਏ ਸਨ | ਇਸਦੇ ਨਾਲ ਹੀ ਭਾਰਤ ਦੇ ਇੱਕ ਮੈਚ ਡਰਾਅ ਨਾਲ 28 ਅੰਕ ਹਨ, ਜਦੋਂ ਕਿ ਇਸਦਾ PCT 46.67 ਹੈ। ਆਸਟ੍ਰੇਲੀਆ ਭਾਰਤ ਤੋਂ ਅੱਗੇ ਸਿਖਰ ‘ਤੇ ਹੈ ਅਤੇ ਸ਼੍ਰੀਲੰਕਾ ਦੂਜੇ ਸਥਾਨ ‘ਤੇ ਹੈ। ਆਸਟ੍ਰੇਲੀਆ ਨੇ ਤਿੰਨ ਮੈਚ ਖੇਡੇ ਹਨ ਅਤੇ ਤਿੰਨੋਂ ਜਿੱਤੇ ਹਨ। ਇਸ ਦੇ ਨਾਲ ਹੀ, ਸ਼੍ਰੀਲੰਕਾ ਨੇ ਮੌਜੂਦਾ WTC ਚੱਕਰ ‘ਚ ਦੋ ਮੈਚ ਖੇਡੇ ਹਨ, ਜਿਨ੍ਹਾਂ ‘ਚੋਂ ਇੱਕ ਜਿੱਤਿਆ ਹੈ ਅਤੇ ਇੱਕ ਡਰਾਅ ਰਿਹਾ ਹੈ। ਇੰਗਲੈਂਡ ਦੀ ਟੀਮ ਨੇ ਪੰਜ ‘ਚੋਂ ਦੋ ਮੈਚ ਜਿੱਤੇ ਹਨ |
ਪੰਜਵੇਂ ਦਿਨ ਇੰਗਲੈਂਡ ਨੂੰ ਜਿੱਤਣ ਲਈ 35 ਦੌੜਾਂ ਦੀ ਲੋੜ ਸੀ ਅਤੇ ਭਾਰਤ ਨੂੰ ਚਾਰ ਵਿਕਟਾਂ ਦੀ ਲੋੜ ਸੀ। ਸਿਰਾਜ ਨੇ ਅੱਜ ਤਿੰਨ ਵਿਕਟਾਂ ਲਈਆਂ, ਜਦੋਂ ਕਿ ਪ੍ਰਸਿਧ ਕ੍ਰਿਸ਼ਨਾ ਨੇ ਇੱਕ ਵਿਕਟ ਲਈ। ਸਿਰਾਜ ਨੇ ਪਾਰੀ ‘ਚ ਪੰਜ ਵਿਕਟਾਂ ਲਈਆਂ, ਜਦੋਂ ਕਿ ਪ੍ਰਸਿਧ ਕ੍ਰਿਸ਼ਨਾ ਨੇ ਚਾਰ ਵਿਕਟਾਂ ਲਈਆਂ। ਆਕਾਸ਼ ਦੀਪ ਨੇ ਇੱਕ ਵਿਕਟ ਲਈ।
Read More: Ind ਬਨਾਮ Eng: ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਆਖਰੀ ਟੈਸਟ ਮੈਚ ਦਾ ਚੌਥਾ ਦਿਨ, 374 ਦੌੜਾਂ ਦਾ ਦਿੱਤਾ ਟੀਚਾ
