ਚੰਡੀਗੜ੍ਹ, 20 ਜੂਨ 2025: IND ਬਨਾਮ ENG 1st Test Match: ਯਸ਼ਸਵੀ ਜੈਸਵਾਲ ਤੋਂ ਬਾਅਦ ਕਪਤਾਨ ਸ਼ੁਭਮਨ ਗਿੱਲ ਨੇ ਵੀ ਇੰਗਲੈਂਡ ਵਿਰੁੱਧ ਪਹਿਲੇ ਟੈਸਟ ਮੈਚ ਦੀ ਪਹਿਲੀ ਪਾਰੀ ‘ਚ ਅਰਧ ਸੈਂਕੜਾ ਜੜਿਆ ਹੈ। ਗਿੱਲ ਨੇ 56 ਗੇਂਦਾਂ ‘ਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ। ਸ਼ੁਭਮਨਗਿੱਲ ਅਤੇ ਯਸ਼ਸਵੀ ਵਿਚਕਾਰ ਤੀਜੀ ਵਿਕਟ ਲਈ ਇੱਕ ਵਧੀਆ ਸਾਂਝੇਦਾਰੀ ਹੈ, ਜਿਸ ਕਾਰਨ ਭਾਰਤ ਦਾ ਸਕੋਰ 190 ਦੌੜਾਂ ਨੂੰ ਪਾਰ ਕਰ ਗਿਆ ਹੈ।
ਗਿੱਲ ਅਤੇ ਯਸ਼ਸਵੀ ਨੇ ਹੁਣ ਤੱਕ ਤੀਜੀ ਵਿਕਟ ਲਈ 100+ ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਹੈ। ਜਦੋਂ ਕਿ ਯਸ਼ਸਵੀ ਆਪਣੇ ਸੈਂਕੜੇ ਵੱਲ ਵੱਧ ਰਹੇ ਹਨ | ਭਾਰਤੀ ਟੀਮ ਨੇ ਇੰਗਲੈਂਡ ਵਿਰੁੱਧ ਪਹਿਲੇ ਟੈਸਟ ਮੈਚ ਦੇ ਪਹਿਲੇ ਦਿਨ ਦੁਪਹਿਰ ਦੇ ਖਾਣੇ ਤੱਕ ਦੋ ਵਿਕਟਾਂ ਗੁਆ ਦਿੱਤੀਆਂ ਹਨ। ਯਸ਼ਸਵੀ ਜੈਸਵਾਲ ਅਤੇ ਕੇਐਲ ਰਾਹੁਲ ਨੇ ਭਾਰਤੀ ਟੀਮ ਨੂੰ ਚੰਗੀ ਸ਼ੁਰੂਆਤ ਦਿੱਤੀ ਅਤੇ ਪਹਿਲੀ ਵਿਕਟ ਲਈ 91 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਸੀ।
ਇਸ ਸਾਂਝੇਦਾਰੀ ਨੂੰ ਬ੍ਰਾਇਡਨ ਕਾਰਸੇ ਨੇ ਕੇਐਲ ਨੂੰ ਆਊਟ ਕਰਕੇ ਤੋੜਿਆ। ਰਾਹੁਲ ਦੇ ਆਊਟ ਹੋਣ ਤੋਂ ਬਾਅਦ, ਸਾਈ ਸੁਦਰਸ਼ਨ ਕ੍ਰੀਜ਼ ‘ਤੇ ਆਏ। ਸੁਦਰਸ਼ਨ ਨੇ ਇਸ ਮੈਚ ਵਿੱਚ ਆਪਣਾ ਡੈਬਿਊ ਕੀਤਾ ਹੈ, ਪਰ ਉਹ ਪਹਿਲੀ ਪਾਰੀ ਵਿੱਚ ਅਸਫਲ ਰਹੇ ਅਤੇ ਖਾਤਾ ਖੋਲ੍ਹੇ ਬਿਨਾਂ ਆਊਟ ਹੋ ਗਏ। ਭਾਰਤ ਨੇ ਦੁਪਹਿਰ ਦੇ ਖਾਣੇ ਤੱਕ ਦੋ ਵਿਕਟਾਂ ‘ਤੇ 92 ਦੌੜਾਂ ਬਣਾ ਲਈਆਂ ਸਨ।
Read More: IND ਬਨਾਮ ENG: ਟੈਸਟ ਡੈਬਿਊ ‘ਚ ਸਾਈ ਸੁਦਰਸ਼ਨ ਬਿਨਾਂ ਖਾਤਾ ਖੋਲ੍ਹੇ ਆਊਟ, ਭਾਰਤ ਨੇ ਗੁਆਈਆਂ 2 ਵਿਕਟਾਂ
