ਇੰਗਲੈਂਡ, 04 ਜੁਲਾਈ 2025: IND ਬਨਾਮ ENG 2Nd Test Match: ਭਾਰਤ ਦੀ ਪਹਿਲੀ ਪਾਰੀ ਦੂਜੇ ਦਿਨ 587 ਦੌੜਾਂ ‘ਤੇ ਆਲ ਆਊਟ ਹੋ ਗਈ ਅਤੇ ਭਾਰਤ ਨੇ ਇੰਗਲੈਂਡ ਦੀਆਂ ਤਿੰਨ ਵਿਕਟਾਂ ਲੈ ਕੇ ਚੰਗੀ ਸ਼ੁਰੂਆਤ ਕੀਤੀ। ਹਾਲਾਂਕਿ, ਹੈਰੀ ਬਰੂਕ ਅਤੇ ਜੋ ਰੂਟ ਨੇ ਚੌਥੀ ਵਿਕਟ ਲਈ 52 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਇੰਗਲੈਂਡ ਦੀ ਕਮਾਨ ਸੰਭਾਲੀ। ਦਿਨ ਦੀ ਖੇਡ ਖਤਮ ਹੋਣ ਤੱਕ, ਇੰਗਲੈਂਡ ਨੇ ਪਹਿਲੀ ਪਾਰੀ ‘ਚ ਤਿੰਨ ਵਿਕਟਾਂ ‘ਤੇ 77 ਦੌੜਾਂ ਬਣਾ ਲਈਆਂ ਹਨ ਅਤੇ ਅਜੇ ਵੀ ਭਾਰਤ ਤੋਂ 510 ਦੌੜਾਂ ਨਾਲ ਪਿੱਛੇ ਹੈ।
ਬਰਮਿੰਘਮ ‘ਚ ਦੂਜੇ ਟੈਸਟ ਦੇ ਤੀਜੇ ਦਿਨ ਭਾਰਤੀ ਆਲਰਾਊਂਡਰ ਰਵਿੰਦਰ ਜਡੇਜਾ (Ravindra Jadeja) ਨੇ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਦੇ ਨਵੇਂ ਨਿਯਮਾਂ ਦੀ ਉਲੰਘਣਾ ਕੀਤੀ ਹੈ, ਜਿਸ ਨੂੰ ਲੈ ਕੇ ਉਨ੍ਹਾਂ ‘ਤੇ ਕਾਰਵਾਈ ਹੋ ਸਕਦੀ ਹੈ | ਬੀਸੀਸੀਆਈ ਨੇ ਆਸਟ੍ਰੇਲੀਆ ਦੌਰੇ ਤੋਂ ਬਾਅਦ ਇੱਕ ਨਿਯਮ ਬਣਾਇਆ ਸੀ ਕਿ ਕੋਈ ਵੀ ਖਿਡਾਰੀ ਇਕੱਲਾ ਮੈਦਾਨ ‘ਤੇ ਨਹੀਂ ਆਵੇਗਾ ਅਤੇ ਨਹੀਂ ਜਾਵੇਗਾ, ਸਾਰੇ ਖਿਡਾਰੀ ਟੀਮ ਬੱਸ ਦੇ ਨਾਲ ਇਕੱਠੇ ਜਾਣਗੇ। ਪਰ ਜਡੇਜਾ ਨੇ ਇਸ ਨਿਯਮ ਨੂੰ ਤੋੜਿਆ ਅਤੇ ਵੀਰਵਾਰ ਨੂੰ ਉਹ ਬਰਮਿੰਘਮ ਦੇ ਐਜਬੈਸਟਨ ਮੈਦਾਨ ‘ਤੇ ਪਹਿਲਾਂ ਹੀ ਮੈਦਾਨ ‘ਤੇ ਪਹੁੰਚ ਗਿਆ ਅਤੇ ਬੱਲੇਬਾਜ਼ੀ ਦਾ ਅਭਿਆਸ ਕੀਤਾ।
ਦਰਅਸਲ, ਜਦੋਂ ਬੁੱਧਵਾਰ ਨੂੰ ਐਜਬੈਸਟਨ ਟੈਸਟ ਮੈਚ ਦੇ ਪਹਿਲੇ ਦਿਨ ਦਾ ਖੇਡ ਖਤਮ ਹੋਇਆ, ਤਾਂ ਰਵਿੰਦਰ ਜਡੇਜਾ (Ravindra Jadeja) ਸ਼ੁਭਮਨ ਗਿੱਲ ਦੇ ਨਾਲ ਨਾਬਾਦ ਵਾਪਸ ਪਰਤਿਆ। ਇਹ ਟੈਸਟ ਮੈਚ ਜਡੇਜਾ ਲਈ ਬਹੁਤ ਮਹੱਤਵਪੂਰਨ ਸੀ ਕਿਉਂਕਿ ਲੀਡਜ਼ ‘ਚ ਭਾਰਤੀ ਟੀਮ ਦੀ ਹਾਰ ਤੋਂ ਬਾਅਦ, ਕ੍ਰਿਕਟ ਮਾਹਰ ਟੀਮ ‘ਚ ਉਨ੍ਹਾਂ ਦੀ ਜਗ੍ਹਾ ਬਾਰੇ ਸਵਾਲ ਉਠਾ ਰਹੇ ਸਨ।
ਇਸੇ ਲਈ ਜਦੋਂ ਜਡੇਜਾ 41 ਦੌੜਾਂ ਬਣਾ ਕੇ ਨਾਬਾਦ ਵਾਪਸ ਆਇਆ, ਤਾਂ ਉਹ ਇਸ ਪਾਰੀ ਨੂੰ ਵੱਡਾ ਬਣਾਉਣਾ ਚਾਹੁੰਦਾ ਸੀ। ਇਸੇ ਲਈ ਉਹ ਸਵੇਰੇ ਛੇਤੀ ਉੱਠਿਆ ਅਤੇ ਟੀਮ ਬੱਸ ਦੀ ਉਡੀਕ ਕੀਤੇ ਬਿਨਾਂ ਸਟੇਡੀਅਮ ਲਈ ਰਵਾਨਾ ਹੋ ਗਿਆ। ਜਿੱਥੇ ਉਨ੍ਹਾਂ ਨੇ ਸਥਾਨਕ ਗੇਂਦਬਾਜ਼ਾਂ ਨਾਲ ਨੈੱਟ ‘ਤੇ ਲਗਭਗ 40 ਮਿੰਟ ਬੱਲੇਬਾਜ਼ੀ ਕੀਤੀ। ਬਾਅਦ ‘ਚ ਉਨ੍ਹਾਂ ਨੇ ਆਪਣੀ ਪਾਰੀ ਨੂੰ 41 ਦੌੜਾਂ ਤੋਂ ਵਧਾ ਕੇ 89 ਦੌੜਾਂ ਕਰ ਦਿੱਤਾ।
Read More: IND ਬਨਾਮ ENG: ਇੰਗਲੈਂਡ ‘ਚ ਦੋਹਰਾ ਸੈਂਕੜਾ ਲਗਾਉਣ ਵਾਲੇ ਸ਼ੁਭਮਨ ਗਿੱਲ ਤੀਜੇ ਭਾਰਤੀ ਕਪਤਾਨ
