ਸਪੋਰਟਸ, 23 ਅਕਤੂਬਰ 2025: IND ਬਨਾਮ AUS: ਭਾਰਟੀ ਟੀਮ ਦੇ ਓਪਨਿੰਗ ਬੱਲੇਬਾਜ਼ ਰੋਹਿਤ ਸ਼ਰਮਾ (Rohit Sharma) ਨੇ ਐਡੀਲੇਡ ਓਵਲ ‘ਚ ਆਪਣੇ ਵਨਡੇ ਕਰੀਅਰ ‘ਚ ਦੋ ਮਹੱਤਵਪੂਰਨ ਉਪਲਬੱਧੀਆਂ ਹਾਸਲ ਕੀਤੀਆਂ ਹਨ। ਰੋਹਿਤ ਨੇ ਪਾਰੀ ਦੀ ਪੰਜਵੀਂ ਗੇਂਦ ‘ਤੇ ਆਪਣਾ ਖਾਤਾ ਖੋਲ੍ਹਿਆ, ਜਿਸ ਨਾਲ ਭਾਰਤ ਦੇ ਸਾਬਕਾ ਕਪਤਾਨ ਸੌਰਵ ਗਾਂਗੁਲੀ ਨੂੰ ਰਿਕਾਰਡ ਸੂਚੀ ‘ਚ ਪਛਾੜ ਦਿੱਤਾ।
ਫਿਰ ਉਨ੍ਹਾਂ ਨੂੰ ਪਾਰੀ ਦਾ ਦੂਜਾ ਦੌੜਾਂ ਜੋੜਨ ਲਈ ਸੱਤ ਗੇਂਦਾਂ ਦਾ ਇੰਤਜ਼ਾਰ ਕਰਨਾ ਪਿਆ, ਜੋਸ਼ ਹੇਜ਼ਲਵੁੱਡ ਦੇ ਗੇਂਦ ‘ਤੇ ਚੌਕਾ ਮਾਰ ਕੇ ਇੱਕ ਵਿਲੱਖਣ ਰਿਕਾਰਡ ਪ੍ਰਾਪਤ ਕੀਤਾ। ਰੋਹਿਤ ਹੁਣ ਆਸਟ੍ਰੇਲੀਆ ‘ਚ ਖੇਡੀ ਗਈ ਦੁਵੱਲੀ ਵਨਡੇ ਸੀਰੀਜ਼ ‘ਚ ਆਸਟ੍ਰੇਲੀਆ ਵਿਰੁੱਧ 1,000 ਦੌੜਾਂ ਬਣਾਉਣ ਵਾਲਾ ਪਹਿਲਾ ਅਤੇ ਇਕਲੌਤਾ ਬੱਲੇਬਾਜ਼ ਬਣ ਗਿਆ ਹੈ।
ਆਸਟ੍ਰੇਲੀਆ ‘ਚ ਆਸਟ੍ਰੇਲੀਆ ਵਿਰੁੱਧ 1,000 ਵਨਡੇ ਦੌੜਾਂ
ਰੋਹਿਤ ਸ਼ਰਮਾ ਆਸਟ੍ਰੇਲੀਆ ਵਿੱਚ ਆਸਟ੍ਰੇਲੀਆ ਵਿਰੁੱਧ ਦੁਵੱਲੀ ਵਨਡੇ ਸੀਰੀਜ਼ ਵਿੱਚ 1,000 ਦੌੜਾਂ ਬਣਾਉਣ ਵਾਲਾ ਇਕਲੌਤਾ ਭਾਰਤੀ ਖਿਡਾਰੀ ਬਣ ਗਿਆ ਹੈ। ਉਨ੍ਹਾਂ ਨੇ ਜੋਸ਼ ਹੇਜ਼ਲਵੁੱਡ ਦੇ ਗੇਂਦ ‘ਤੇ ਚੌਕਾ ਮਾਰ ਕੇ ਇਹ ਉਪਲਬੱਧੀ ਹਾਸਲ ਕੀਤੀ। ਇਸ ਸੂਚੀ ‘ਚ ਦੂਜਾ ਭਾਰਤੀ ਬੱਲੇਬਾਜ਼ ਵਿਰਾਟ ਕੋਹਲੀ ਹੈ, ਜਿਸਨੇ ਇੱਥੇ 802 ਦੌੜਾਂ ਬਣਾਈਆਂ ਹਨ। ਜੇਕਰ ਉਹ ਇਸ ਸੀਰੀਜ਼ ਦੇ ਪਹਿਲੇ ਦੋ ਮੈਚਾਂ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਾ, ਤਾਂ ਉਹ ਰੋਹਿਤ ਸ਼ਰਮਾ ਦੇ ਨਾਲ 1,000 ਦੌੜਾਂ ਬਣਾ ਸਕਦਾ ਸੀ, ਪਰ ਵਿਰਾਟ ਤਿੰਨ ਮੈਚਾਂ ਦੀ ਸੀਰੀਜ਼ ਦੇ ਪਹਿਲੇ ਦੋ ਮੈਚਾਂ ‘ਚ ਆਪਣਾ ਖਾਤਾ ਵੀ ਨਹੀਂ ਖੋਲ੍ਹ ਸਕਿਆ।
ਸੌਰਵ ਗਾਂਗੁਲੀ ਨੂੰ ਪਿੱਛੇ ਛੱਡਿਆ
ਰੋਹਿਤ ਸ਼ਰਮਾ (Rohit Sharma) ਨੇ ਓਪਨਿੰਗ ਬੱਲੇਬਾਜ਼ ਵਜੋਂ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦੇ ਮਾਮਲੇ ‘ਚ ਸੌਰਵ ਗਾਂਗੁਲੀ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਸੌਰਵ ਗਾਂਗੁਲੀ ਦੇ ਕੋਲ 236 ਵਨਡੇ ਮੈਚਾਂ ‘ਚ 9146 ਦੌੜਾਂ ਬਣਾਉਣ ਦਾ ਰਿਕਾਰਡ ਹੈ। ਰੋਹਿਤ ਪਹਿਲਾਂ ਹੀ ਪਰਥ ਵਨਡੇ ‘ਚ ਆਪਣੇ ਰਿਕਾਰਡ ਦੀ ਬਰਾਬਰੀ ਕਰ ਚੁੱਕਾ ਸੀ | ਰੋਹਿਤ ਨੇ ਓਪਨਰ ਵਜੋਂ ਆਪਣੇ 186ਵੇਂ ਮੈਚ ‘ਚ ਇਹ ਉਪਲਬੱਧੀ ਹਾਸਲ ਕੀਤੀ।
ਸਚਿਨ ਤੇਂਦੁਲਕਰ ਦਾ ਨਾਮ ਸੂਚੀ ‘ਚ ਸਭ ਤੋਂ ਉੱਪਰ
ਸਚਿਨ ਤੇਂਦੁਲਕਰ ਹੁਣ ਭਾਰਤੀ ਓਪਨਿੰਗ ਬੱਲੇਬਾਜ਼ਾਂ ਵਿੱਚ ਸਭ ਤੋਂ ਅੱਗੇ ਹੈ, ਜਿਸਨੇ ਓਪਨਰ ਵਜੋਂ ਵਨਡੇ ਵਿੱਚ 15,310 ਦੌੜਾਂ ਬਣਾਈਆਂ ਹਨ। ਉਸ ਤੋਂ ਬਾਅਦ ਸ਼੍ਰੀਲੰਕਾ ਦੇ ਸਨਥ ਜੈਸੂਰੀਆ (12740 ਦੌੜਾਂ) ਦੂਜੇ ਸਥਾਨ ‘ਤੇ, ਵੈਸਟਇੰਡੀਜ਼ ਦੇ ਕ੍ਰਿਸ ਗੇਲ (10179 ਦੌੜਾਂ) ਤੀਜੇ ਸਥਾਨ ‘ਤੇ ਅਤੇ ਆਸਟ੍ਰੇਲੀਆ ਦੇ ਐਡਮ ਗਿਲਕ੍ਰਿਸਟ (9200 ਦੌੜਾਂ) ਚੌਥੇ ਸਥਾਨ ‘ਤੇ ਹਨ।
Read more: IND ਬਨਾਮ AUS: ਵਿਰਾਟ ਕੋਹਲੀ ਵਨਡੇ ਕਰੀਅਰ ‘ਚ ਪਹਿਲੀ ਵਾਰ ਲਗਾਤਾਰ ਦੋ ਮੈਚਾਂ ‘ਚ ਜ਼ੀਰੋ ‘ਤੇ ਆਊਟ
