ਸਪੋਰਟਸ, 31 ਅਕਤੂਬਰ 2025: IND ਬਨਾਮ AUS 2nd T20: ਆਸਟ੍ਰੇਲੀਆ ਦੇ ਕਪਤਾਨ ਮਿਸ਼ੇਲ ਮਾਰਸ਼ ਨੇ ਟਾਸ ਜਿੱਤ ਕੇ ਭਾਰਤ ਵਿਰੁੱਧ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਆਸਟ੍ਰੇਲੀਆ ਨੇ ਆਪਣੀ ਪਲੇਇੰਗ ਇਲੈਵਨ ਵਿੱਚ ਇੱਕ ਬਦਲਾਅ ਕੀਤਾ। ਭਾਰਤ ਇਸ ਮੈਚ ਲਈ ਕੋਈ ਬਦਲਾਅ ਨਹੀਂ ਕੀਤਾ। ਇਸਦਾ ਮਤਲਬ ਹੈ ਕਿ ਅਰਸ਼ਦੀਪ ਸਿੰਘ ਇਸ ਮੈਚ ‘ਚ ਵੀ ਨਹੀਂ ਖੇਡੇਗਾ।
ਭਾਰਤ ਅਤੇ ਆਸਟ੍ਰੇਲੀਆ ਦੋਵਾਂ ਦੇ ਖਿਡਾਰੀਆਂ ਨੇ ਇਸ ਮੈਚ ਵਿੱਚ ਕਾਲੀਆਂ ਬਾਂਹਾਂ ‘ਤੇ ਪੱਟੀ ਬੰਨ੍ਹੀ ਹੋਈ ਸੀ। ਨੌਜਵਾਨ ਆਸਟ੍ਰੇਲੀਆਈ ਖਿਡਾਰੀ ਬੇਨ ਆਸਟਿਨ ਦੀ ਗੇਂਦ ਲੱਗਣ ਕਾਰਨ ਮੌਤ ਹੋ ਗਈ, ਅਤੇ ਦੋਵਾਂ ਟੀਮਾਂ ਨੇ ਉਨ੍ਹਾਂ ਨੂੰ ਸ਼ਰਧਾਜਲੀ ਦੇਣ ਲਈ ਬਾਹਾਂ ‘ਤੇ ਕਾਲੀਆਂ ਪੱਟੀਆਂ ਬੰਨ੍ਹਣ ਦਾ ਫੈਸਲਾ ਕੀਤਾ।
ਰਿੰਕੂ ਸਿੰਘ, ਵਾਸ਼ਿੰਗਟਨ ਸੁੰਦਰ, ਜਿਤੇਸ਼ ਸ਼ਰਮਾ, ਅਰਸ਼ਦੀਪ ਸਿੰਘ ਅਤੇ ਨਿਤੀਸ਼ ਰੈੱਡੀ ਇਸ ਮੈਚ ‘ਚ ਭਾਰਤ ਲਈ ਨਹੀਂ ਖੇਡ ਰਹੇ ਸਨ। ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ.ਸੀ.ਸੀ.ਆਈ.) ਨੇ ਬਾਅਦ ਵਿੱਚ ਐਲਾਨ ਕੀਤਾ ਕਿ ਜ਼ਖਮੀ ਨਿਤੀਸ਼ ਪਹਿਲੇ ਤਿੰਨ ਟੀ-20 ਮੈਚਾਂ ਲਈ ਉਪਲਬੱਧ ਨਹੀਂ ਹੋਵੇਗਾ। ਨਿਤੀਸ਼ ਨੂੰ ਆਸਟ੍ਰੇਲੀਆ ਵਿਰੁੱਧ ਦੂਜੇ ਮੈਚ ਦੌਰਾਨ ਸੱਟ ਲੱਗੀ ਸੀ ਅਤੇ ਉਹ ਅਜੇ ਤੱਕ ਠੀਕ ਨਹੀਂ ਹੋਇਆ ਹੈ।
ਦੂਜੇ ਮੈਚ ਤੋਂ ਪਹਿਲਾਂ ਭਾਰਤ ਲਈ ਇੱਕ ਸਕਾਰਾਤਮਕ ਸੰਕੇਤ ਸੂਰਿਆਕੁਮਾਰ ਯਾਦਵ ਦਾ ਫਾਰਮ ‘ਚ ਵਾਪਸ ਆਉਣਾ ਹੈ। ਮੁੱਖ ਕੋਚ ਗੌਤਮ ਗੰਭੀਰ ਨੂੰ ਵਿਸ਼ਵ ਕੱਪ ਤੋਂ ਪਹਿਲਾਂ ਉਸਦੀ ਟੀਮ ਤੋਂ ਨਿਡਰ ਖੇਡ ਦੀ ਉਮੀਦ ਹੈ, ਅਤੇ ਸੂਰਿਆਕੁਮਾਰ ਦਾ ਫਾਰਮ ਇਸਦੇ ਲਈ ਮਹੱਤਵਪੂਰਨ ਹੋਵੇਗਾ। ਗੰਭੀਰ ਚਾਹੁੰਦਾ ਹੈ ਕਿ ਉਸਦੀ ਟੀਮ ਨਿਯਮਿਤ ਤੌਰ ‘ਤੇ 250, 260 ਅਤੇ ਇਸ ਤੋਂ ਵੱਧ ਸਕੋਰ ਕਰੇ। ਭਾਰਤੀ ਬੱਲੇਬਾਜ਼ਾਂ ਦੇ ਹਾਲ ਹੀ ਦੇ ਹਮਲਾਵਰ ਪ੍ਰਦਰਸ਼ਨ ਦਰਸਾਉਂਦੇ ਹਨ ਕਿ ਉਨ੍ਹਾਂ ਨੇ ਗੰਭੀਰ ਦੇ ਦਰਸ਼ਨ ਨੂੰ ਪੂਰੀ ਤਰ੍ਹਾਂ ਸਮਝ ਲਿਆ ਹੈ।
Read More: IND ਬਨਾਮ AUS: ਸੈਮੀਫਾਈਨਲ ਮੈਚ ‘ਚ ਬਾਹਾਂ ‘ਤੇ ਕਾਲੀਆਂ ਪੱਟੀਆਂ ਬੰਨ੍ਹ ਕੇ ਉਤਰੀਆਂ ਆਸਟ੍ਰੇਲੀਆ-ਭਾਰਤ ਦੀ ਖਿਡਾਰਨਾ
