ਚੰਡੀਗੜ੍ਹ, 29 ਸਤੰਬਰ 2023: ਹਾਂਗਜ਼ੂ ਏਸ਼ਿਆਈ ਖੇਡਾਂ ਵਿੱਚ ਭਾਰਤੀ ਮਹਿਲਾ ਹਾਕੀ (hockey) ਟੀਮ ਦਾ ਜੇਤੂ ਸਫ਼ਰ ਜਾਰੀ ਹੈ। ਪੂਲ-ਏ ਦੇ ਆਪਣੇ ਦੂਜੇ ਮੈਚ ਵਿੱਚ ਭਾਰਤੀ ਟੀਮ ਨੇ ਮਲੇਸ਼ੀਆ ਨੂੰ 6-0 ਨਾਲ ਹਰਾਇਆ। ਇਸ ਜਿੱਤ ਨਾਲ ਸਵਿਤਾ ਪੂਨੀਆ ਦੀ ਅਗਵਾਈ ਵਾਲੀ ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਸੈਮੀਫਾਈਨਲ ‘ਚ ਪਹੁੰਚਣ ਦਾ ਆਪਣਾ ਦਾਅਵਾ ਮਜ਼ਬੂਤ ​​ਕਰ ਲਿਆ ਹੈ। ਭਾਰਤ ਨੇ ਚਾਰ ਮੈਦਾਨੀ ਗੋਲ ਕਰਦੇ ਹੋਏ ਪੈਨਲਟੀ ਕਾਰਨਰ ‘ਤੇ ਡਰੈਗ ਫਲਿੱਕਾਂ ਤੋਂ ਦੋ ਗੋਲ ਕੀਤੇ। ਇਸ ਮੈਚ ਵਿੱਚ ਭਾਰਤ ਲਈ ਵੈਸ਼ਨਵੀ, ਨਿਸ਼ਾ, ਦੀਪ ਗ੍ਰੇਸ ਇਕਾ, ਮੋਨਿਕਾ, ਸੰਗੀਤਾ ਅਤੇ ਲਾਲਰੇਮਸਿਆਮੀ ਨੇ ਗੋਲ ਕੀਤੇ।