ਬਿਹਾਰ, 04 ਨਵੰਬਰ 2025: ਆਰਜੇਡੀ ਆਗੂ ਅਤੇ ਮਹਾਂਗਠਜੋੜ ਦੇ ਮੁੱਖ ਮੰਤਰੀ ਦੇ ਚਿਹਰੇ ਤੇਜਸਵੀ ਯਾਦਵ ਨੇ ਮੰਗਲਵਾਰ ਨੂੰ ਪਟਨਾ ‘ਚ ਇੱਕ ਪ੍ਰੈਸ ਕਾਨਫਰੰਸ ਕੀਤੀ ਅਤੇ ਕਈ ਵੱਡੇ ਚੋਣ ਵਾਅਦੇ ਕੀਤੇ। ਤੇਜਸਵੀ ਯਾਦਵ ਨੇ ਕਿਹਾ ਕਿ ਜੇਕਰ ਉਨ੍ਹਾਂ ਦੀ ਸਰਕਾਰ ਬਣਦੀ ਹੈ, ਤਾਂ ਔਰਤਾਂ ਨੂੰ ਮਾਈ ਬਹਿਨ ਮਾਨ ਯੋਜਨਾ ਤਹਿਤ ₹30,000 ਮਿਲਣਗੇ।
ਤੇਜਸਵੀ ਨੇ ਕਿਹਾ ਕਿ ਮਕਰ ਸੰਕ੍ਰਾਂਤੀ 14 ਜਨਵਰੀ ਨੂੰ, ਪੂਰੇ ਸਾਲ ਲਈ ₹30,000 ਔਰਤਾਂ ਦੇ ਖਾਤਿਆਂ ‘ਚ ਟ੍ਰਾਂਸਫਰ ਕੀਤੇ ਜਾਣਗੇ। ਔਰਤਾਂ ਨੂੰ ਪੰਜ ਸਾਲਾਂ ‘ਚ ਕੁੱਲ ₹1.5 ਲੱਖ ਮਿਲਣਗੇ। ਤੇਜਸਵੀ ਨੇ ਇਹ ਵੀ ਐਲਾਨ ਕੀਤਾ ਕਿ ਬਿਹਾਰ ਦੀਆਂ ਜੀਵਿਕਾ ਦੀਦੀਆਂ ਨੂੰ ਸਥਾਈ ਬਣਾਇਆ ਜਾਵੇਗਾ ਅਤੇ ਪ੍ਰਤੀ ਮਹੀਨਾ ₹30,000 ਦਿੱਤੇ ਜਾਣਗੇ। ਬਿਹਾਰ ਵਿਧਾਨ ਸਭਾ ਚੋਣਾਂ ਦੇ ਪਹਿਲੇ ਪੜਾਅ ਦੇ 121 ਵਿਧਾਨ ਸਭਾ ਹਲਕਿਆਂ ‘ਚ ਚੋਣ ਪ੍ਰਚਾਰ ਮੰਗਲਵਾਰ ਸ਼ਾਮ 5 ਵਜੇ ਖਤਮ ਹੋ ਜਾਵੇਗਾ।
ਇਸ ਦੌਰਾਨ ਚੋਣ ਕਮਿਸ਼ਨ ਨੇ ਕੇਂਦਰੀ ਮੰਤਰੀ ਲੱਲਨ ਸਿੰਘ ਦੇ ਵੋਟ ਨਾ ਦੇਣ ਦੇ ਬਿਆਨ ‘ਤੇ ਜਵਾਬ ਮੰਗਣ ਲਈ ਇੱਕ ਨੋਟਿਸ ਜਾਰੀ ਕੀਤਾ। ਸੋਮਵਾਰ ਨੂੰ, ਲੱਲਨ ਸਿੰਘ ਨੇ ਮੋਕਾਕਾ ਤੋਂ ਉਮੀਦਵਾਰ ਅਨੰਤ ਸਿੰਘ ਲਈ ਇੱਕ ਰੈਲੀ ਅਤੇ ਰੋਡ ਸ਼ੋਅ ਕੀਤਾ ਹੈ। ਲੱਲਨ ਸਿੰਘ ਨੇ ਕਿਹਾ, “ਇੱਥੇ ਕੁਝ ਆਗੂ ਹਨ ਜਿਨ੍ਹਾਂ ਨੂੰ ਚੋਣਾਂ ਵਾਲੇ ਦਿਨ ਬਾਹਰ ਜਾਣ ਦੀ ਇਜਾਜ਼ਤ ਨਹੀਂ ਹੋਣੀ ਚਾਹੀਦੀ। ਉਨ੍ਹਾਂ ਨੂੰ ਆਪਣੇ ਘਰਾਂ ‘ਚ ਬੰਦ ਕਰ ਦਿਓ।
ਇਸ ਭਾਸ਼ਣ ਤੋਂ ਬਾਅਦ, ਆਰਜੇਡੀ ਨੇ ਦੋਸ਼ ਲਗਾਇਆ ਕਿ ਲੱਲਨ ਸਿੰਘ ਗਰੀਬਾਂ ਨੂੰ ਵੋਟ ਪਾਉਣ ਤੋਂ ਰੋਕ ਰਿਹਾ ਹੈ। ਜੇਡੀਯੂ ਨੇ ਇਸ ਦੋਸ਼ ਤੋਂ ਇਨਕਾਰ ਕੀਤਾ। ਬਾਅਦ ‘ਚ ਚੋਣ ਕਮਿਸ਼ਨ (ਈਸੀ) ਕੋਲ ਸ਼ਿਕਾਇਤ ਦਰਜ ਕਰਵਾਈ ਗਈ। ਚੋਣ ਕਮਿਸ਼ਨ ਨੇ ਲੱਲਨ ਸਿੰਘ ਨੂੰ ਨੋਟਿਸ ਜਾਰੀ ਕੀਤਾ ਅਤੇ ਜਵਾਬ ਮੰਗਿਆ।
Read more: Bihar Election: NDA ਨੇ ਜਾਰੀ ਕੀਤਾ ਮੈਨੀਫੈਸਟੋ, ਲਾਗੂ ਕੀਤੀ ਜਾਵੇਗੀ ਕਿਸਾਨ ਸਨਮਾਨ ਨਿਧੀ ਯੋਜਨਾ
