ਸਪੋਰਟਸ, 16 ਜੁਲਾਈ 2025: ਇੰਗਲੈਂਡ ਕ੍ਰਿਕਟ ਟੀਮ (England cricket team) ਨੂੰ ਭਾਰਤ ਖ਼ਿਲਾਫ ਲਾਰਡਜ਼ ਟੈਸਟ ‘ਚ ਹੌਲੀ ਓਵਰ ਰੇਟ ਕਾਰਨ ਦੋ ਅੰਕ ਗੁਆਉਣੇ ਪਏ ਹਨ। ਇਸ ਦੇ ਨਾਲ ਹੀ ਟੀਮ ਨੂੰ ਆਪਣੀ ਮੈਚ ਫੀਸ ਦਾ 10 ਫੀਸਦੀ ਜੁਰਮਾਨਾ ਵੀ ਦੇਣਾ ਪਵੇਗਾ। ਇੰਗਲੈਂਡ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (WTC) ਦੇ ਅੰਕ ਸੂਚੀ ‘ਚ ਤੀਜੇ ਸਥਾਨ ‘ਤੇ ਪਹੁੰਚ ਗਿਆ ਹੈ। ਇਸ ਦੇ ਨਾਲ ਹੀ ਭਾਰਤ ਚੌਥੇ ਸਥਾਨ ‘ਤੇ ਹੈ।
ਇਸ ਟੈਸਟ ਮੈਚ ‘ਚ ਇੰਗਲੈਂਡ ਨੇ ਭਾਰਤ ਨੂੰ 22 ਦੌੜਾਂ ਨਾਲ ਹਰਾਇਆ, ਪਰ ਮੈਚ ਰੈਫਰੀ ਰਿਚੀ ਰਿਚਰਡਸਨ ਨੇ ਪਾਇਆ ਕਿ ਇੰਗਲੈਂਡ ਨੇ ਨਿਰਧਾਰਤ ਸਮੇਂ ‘ਚ ਦੋ ਓਵਰ ਘੱਟ ਸੁੱਟੇ। ਇੰਗਲੈਂਡ ਟੀਮ ਦੇ ਸਾਰੇ ਖਿਡਾਰੀਆਂ ਨੂੰ ਉਨ੍ਹਾਂ ਦੀ ਮੈਚ ਫੀਸ ਦਾ 10 ਫੀਸਦੀ ਜੁਰਮਾਨਾ ਲਗਾਇਆ ਗਿਆ। ਇਸ ਦੇ ਨਾਲ ਹੀ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ‘ਚ ਇੰਗਲੈਂਡ ਦੇ 2 ਅੰਕ ਕੱਟੇ ਗਏ ਹਨ। ਹਾਲਾਂਕਿ, ਕਪਤਾਨ ਬੇਨ ਸਟੋਕਸ ਨੇ ਇਸ ਗਲਤੀ ਨੂੰ ਸਵੀਕਾਰ ਕਰ ਲਿਆ, ਇਸ ਲਈ ਰਸਮੀ ਸੁਣਵਾਈ ਦੀ ਕੋਈ ਲੋੜ ਨਹੀਂ ਸੀ।
ICC ਨਿਯਮਾਂ ਮੁਤਾਬਕ ਖਿਡਾਰੀਆਂ ਦੀ ਮੈਚ ਫੀਸ ਦਾ 5 ਫੀਸਦੀ ਹਰ ਓਵਰ ਘੱਟ ਕਰਨ ਲਈ ਕੱਟਿਆ ਜਾਂਦਾ ਹੈ। ਇਸਦੇ ਨਾਲ ਹੀ ਹਰ ਓਵਰ ਲਈ 1 WTC ਅੰਕ ਕੱਟਿਆ ਜਾਂਦਾ ਹੈ।
ਇੰਗਲੈਂਡ ਦੇ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ‘ਚ ਅੰਕ 24 ਤੋਂ ਘਟ ਕੇ 22 ਹੋ ਗਏ। ਉਨ੍ਹਾਂ ਦਾ ਜਿੱਤ ਫ਼ੀਸਦ (PCT) 66.67 ਫੀਸਦੀ ਤੋਂ ਘਟ ਕੇ 61.11 ਫੀਸਦੀ ਹੋ ਗਿਆ। ਇਸ ਨਾਲ ਸ਼੍ਰੀਲੰਕਾ (66.67%) ਦੂਜੇ ਸਥਾਨ ‘ਤੇ ਆ ਗਿਆ ਹੈ।
ਆਸਟ੍ਰੇਲੀਆ ਪਹਿਲੇ ਸਥਾਨ ‘ਤੇ ਹੈ, ਆਸਟ੍ਰੇਲੀਆ ਨੇ ਸਾਰੇ 3 ਮੈਚ ਜਿੱਤ ਕੇ PCT 100 ਫੀਸਦੀ ਬਣਾਇਆ ਹੋਇਆ ਹੈ। ਭਾਰਤ ਇਸ ਸਮੇਂ 33.33 ਫੀਸਦੀ ਦੇ PCT ਨਾਲ ਚੌਥੇ ਸਥਾਨ ‘ਤੇ ਹੈ। ਇੰਗਲੈਂਡ ਕ੍ਰਿਕਟ ਬੋਰਡ (ECB) ਨੇ ਚੌਥੇ ਟੈਸਟ ਲਈ ਇੰਗਲੈਂਡ ਟੀਮ ਦਾ ਐਲਾਨ ਕੀਤਾ ਹੈ। ਦੂਜੇ ਆਪਸੀ ਖੱਬੇ ਹੱਥ ਦੇ ਸਪਿਨਰ ਲੀਅਮ ਡਾਸਨ ਦੀ 8 ਸਾਲ ਬਾਅਦ ਟੀਮ ‘ਚ ਵਾਪਸੀ ਹੋਈ ਹੈ। ਲਾਰਡਸ ‘ਚ ਖੇਡੇ ਗਏ ਤੀਜੇ ਟੈਸਟ ਦੌਰਾਨ ਬਸ਼ੀਰ ਦੇ ਖੱਬੇ ਹੱਥ ਦੀ ਛੋਟੀ ਉਂਗਲੀ ‘ਚ ਫ੍ਰੈਕਚਰ ਹੋ ਗਿਆ ਸੀ। ਇਸ ਹਫ਼ਤੇ ਉਸਦੀ ਉਂਗਲੀ ਦੀ ਸਰਜਰੀ ਹੋਵੇਗੀ।
Read More: IND ਬਨਾਮ ENG: ਇੰਗਲੈਂਡ ਖ਼ਿਲਾਫ ਲਾਰਡਸ ਟੈਸਟ ‘ਚ ਭਾਰਤ ਦੀ ਹਾਰ ਦੇ 7 ਵੱਡੇ ਕਾਰਨ
