ਮੋਹਾਲੀ 22 ਜੂਨ, 2024: ਪੀਸੀਏ ਸ਼ੇਰ-ਏ-ਪੰਜਾਬ ਟੀ-20 ਕੱਪ ‘ਚ ਟ੍ਰਾਈਡੈਂਟ ਸਟਾਲੀਅਨਜ਼ ਨੇ ਆਪਣੇ ਪ੍ਰਦਰਸ਼ਨ ਨਾਲ ਸਾਰਿਆਂ ਨੂੰ ਪ੍ਰਭਾਵਿਤ ਕੀਤਾ ਹੈ। ਸਟਾਲੀਅਨਜ਼ ਟ੍ਰਾਈਡੈਂਟ ਨੇ ਇਸ ਟੀ-20 ਕੱਪ ‘ਚ 8 ਮੈਚ ਖੇਡੇ ਜਿਨ੍ਹਾਂ ‘ਚ 5 ਮੈਚ ਜਿੱਤੇ ਹਨ । ਸਟਾਲੀਅਨਜ਼ ਟੀਮ 10 ਅੰਕਾਂ ਨਾਲ ਤੀਜੇ ਸਥਾਨ ‘ਤੇ ਹੈ। ਟੀਮ ਦੀ ਕਾਮਯਾਬੀ ‘ਚ ਰਮਨਦੀਪ ਸਿੰਘ (Ramandeep Singh) ਦਾ ਵੱਡਾ ਯੋਗਦਾਨ ਹੈ ਜੋ ਉਪ ਕਪਤਾਨ ਦੀ ਭੂਮਿਕਾ ਨਿਭਾ ਰਹੇ ਹਨ । ਜਿਕਰਯੋਗ ਹੈ ਕਿ ਰਮਨਦੀਪ ਆਈਪੀਐਲ ਚੈਂਪੀਅਨ ਟੀਮ ਕੋਲਕਾਤਾ ਨਾਈਟ ਰਾਈਡਰਜ਼ ਦਾ ਹਿੱਸਾ ਰਹੇ ਚੁੱਕੇ ਹਨ ਅਤੇ ਹੁਣ ਉਹ ਟਰਾਈਡੈਂਟ ਦੇ ਨੌਜਵਾਨਾਂ ਖਿਡਾਰੀਆਂ ਨਾਲ ਆਪਣਾ ਅਨੁਭਵ ਸਾਂਝਾ ਕਰ ਰਹੇ ਹਨ |
ਰਮਨਦੀਪ ਸਿੰਘ (Ramandeep Singh) ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਇੰਡੀਅਨ ਪ੍ਰੀਮਿਅਰ ਲੀਗ (IPL) ‘ਚ ਆਤਮਵਿਸ਼ਵਾਸ ਮਿਲਿਆ ਅਤੇ ਮੈਂ ਉੱਥੋਂ ਦੇ ਸੀਨੀਅਰ ਖਿਡਾਰੀਆਂ ਤੋਂ ਬਹੁਤ ਕੁਝ ਸਿੱਖਿਆ ਹੈ । ਇਹ ਮੇਰੇ ਕਰੀਅਰ ਵਿੱਚ ਕੰਮ ਕਰ ਰਿਹਾ ਹੈ ਅਤੇ ਮੈਂ ਇਹ ਅਨੁਭਵ ਟਰਾਈਡੈਂਟ ਦੇ ਨੌਜਵਾਨ ਖਿਡਾਰੀਆਂ ਨਾਲ ਸਾਂਝਾ ਕਰ ਰਿਹਾ ਹਾਂ।
ਉਨ੍ਹਾਂ ਨੇ ਉਪ-ਕਪਤਾਨ ਹੋਣ ਦੇ ਨਾਤੇ ਮੈਂ ਖਿਡਾਰੀਆਂ ਨੂੰ ਦੱਸਦਾ ਹਾਂ ਕਿ ਵੱਖ-ਵੱਖ ਸਥਿਤੀਆਂ ਦਾ ਸਾਹਮਣਾ ਕਿਵੇਂ ਕਰਨਾ ਹੈ। ਦਬਾਅ ਵਿੱਚ ਕਿਵੇਂ ਖੇਡਣਾ ਹੈ ਅਤੇ ਕਿਵੇਂ ਬਾਹਰ ਆਉਣਾ ਹੈ। ਮੈਂ ਉਨ੍ਹਾਂ ਦੇ ਸਾਰੇ ਸਵਾਲਾਂ ਦੇ ਜਵਾਬ ਦੇਣ ਲਈ ਉਪਲਬਧ ਹਾਂ। ਅਸੀਂ ਤਕਨੀਕ, ਸ਼ਾਟ, ਪਲੈਨਿੰਗ ਆਦਿ ਬਾਰੇ ਖੁੱਲ੍ਹ ਕੇ ਗੱਲ ਕਰਦੇ ਹਾਂ, ਤਾਂ ਜੋ ਉਨ੍ਹਾਂ ‘ਤੇ ਕੋਈ ਮਾਨਸਿਕ ਦਬਾਅ ਨਾ ਪਵੇ।
ਆਖਰੀ ਓਵਰ ‘ਚ ਲਗਾਏ 5 ਛੱਕਿਆਂ ਦੇ ਬਾਰੇ ‘ਚ ਰਮਨਦੀਪ ਨੇ ਕਿਹਾ ਕਿ ਮੇਰੀ ਪਲਾਨਿੰਗ ਸੀ ਕਿ ਮੈਂ ਆਖਰੀ ਓਵਰ ਖੁਦ ਖੇਡਾਂ ਅਤੇ ਟੀਮ ਲਈ ਵੱਧ ਤੋਂ ਵੱਧ ਦੌੜਾਂ ਬਣਾਵਾਂ। ਮੀਂਹ ਕਾਰਨ ਸਾਨੂੰ ਬੱਲੇਬਾਜ਼ੀ ਕਰਨ ਲਈ ਸਿਰਫ਼ ਇੱਕ ਓਵਰ ਮਿਲਿਆ ਅਤੇ ਮੈਨੂੰ ਉਸ ਵਿੱਚ ਆਪਣਾ ਸਰਵੋਤਮ ਪ੍ਰਦਰਸ਼ਨ ਕਰਨਾ ਸੀ। ਮੈਂ 5 ਛੱਕੇ ਲਗਾਏ ਅਤੇ ਟੀਮ ਨੂੰ ਸਕੋਰ ਦਿੱਤਾ ਜਿਸ ਨਾਲ ਅਸੀਂ ਸਟ੍ਰਾਈਕਰਾਂ ਦਾ ਸਾਹਮਣਾ ਕਰ ਸਕੇ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਸਟਾਲੀਅਨਜ਼ ਟੀਮ ਦੀ ਲੋੜ ਮੁਤਾਬਕ ਹੀ ਬੱਲੇਬਾਜ਼ੀ ਕਰਦਾ ਹਾਂ। ਇਸ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਮੈਂ ਫਿਨਿਸ਼ਰ ਦੇ ਤੌਰ ‘ਤੇ ਖੇਡ ਰਿਹਾ ਹਾਂ ਜਾਂ ਮਿਡਲ ਆਰਡਰ ਜਾਂ ਫਿਰ ਟਾਪ ਆਰਡਰ ‘ਚ। ਇਹ ਸਭ ਮਹੱਤਵਪੂਰਨ ਹੈ ਕਿ ਟੀਮ ਕਿਸ ਸਥਿਤੀ ਵਿੱਚ ਹੈ ਅਤੇ ਮੈਨੂੰ ਕਿਵੇਂ ਖੇਡਣਾ ਚਾਹੀਦਾ ਹੈ ।
ਰਮਨਦੀਪ ਸਿੰਘ ਬੱਲੇਬਾਜ਼ੀ, ਗੇਂਦਬਾਜ਼ੀ ਅਤੇ ਫੀਲਡਿੰਗ ‘ਚ ਮਹਾਰਤ ਹਾਸਲ ਹੈ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਕਿਸੇ ਇੱਕ ਗੱਲ ਵੱਲ ਧਿਆਨ ਨਹੀਂ ਦਿੰਦਾ ਕਿਉਂਕਿ ਮੈਨੂੰ ਇਹ ਖੇਡ ਬਹੁਤ ਪਸੰਦ ਹੈ। ਮੈਂ ਤਿੰਨਾਂ ਚੀਜ਼ਾਂ ਵਿੱਚ ਚੰਗਾ ਪ੍ਰਦਰਸ਼ਨ ਕਰਨਾ ਚਾਹੁੰਦਾ ਹਾਂ, ਤਾਂ ਜੋ ਮੇਰੀ ਟੀਮ ਜਿੱਤੇ। ਮੈਂ ਮੈਚ ਤੋਂ ਪਹਿਲਾਂ ਕਿਸੇ ਵੀ ਚੀਜ਼ ਦੀ ਤਿਆਰੀ ਨਹੀਂ ਕਰਦਾ, ਮੇਰੇ ਕੋਲ ਇੱਕ ਰੁਟੀਨ ਹੈ। ਮੈਂ ਮੈਚ ਤੋਂ ਪਹਿਲਾਂ ਜਿੰਮ ‘ਚ ਗਤੀਸ਼ੀਲਤਾ ਅਤੇ ਸਥਿਰਤਾ ਨਾਲ ਆਪਣੇ ਆਪ ਨੂੰ ਤਿਆਰ ਕਰਦਾ ਹਾਂ। ਇਸ ਤੋਂ ਬਾਅਦ ਮੈਂ ਮੈਦਾਨ ‘ਤੇ ਜਾ ਕੇ ਚੰਗਾ ਅਭਿਆਸ ਕਰਦਾ ਹਾਂ ਅਤੇ ਟੀਮ ਨਾਲ ਮੈਚ ਲਈ ਖੁਦ ਨੂੰ ਤਿਆਰ ਕਰਦਾ ਹਾਂ। ਮੈਚ ਤੋਂ ਪਹਿਲਾਂ ਇਹ ਮੇਰਾ ਰੁਟੀਨ ਹੈ।
ਪ੍ਰਭਸਿਮਰਨ ਨਾਲ ਬੋਨਡਿੰਗ ਬਾਰੇ ਰਮਨਦੀਪ ਨੇ ਕਿਹਾ ਕਿ ਮੇਰਾ ਉਨ੍ਹਾਂ ਨਾਲ ਛੋਟੇ ਭਰਾ ਵਰਗਾ ਰਿਸ਼ਤਾ ਹੈ। ਸਾਡੇ ਵਿਚਕਾਰ ਚੰਗਾ ਸੰਤੁਲਨ ਹੈ ਅਤੇ ਅਸੀਂ ਇਸਨੂੰ ਕਾਇਮ ਰੱਖਦੇ ਹਾਂ। ਮੈਚ ਦੌਰਾਨ ਜੇਕਰ ਉਹ ਮੈਨੂੰ ਕੁਝ ਕਹਿੰਦਾ ਹੈ ਤਾਂ ਮੈਂ ਸੁਣਦਾ ਹਾਂ ਅਤੇ ਜਦੋਂ ਮੈਂ ਉਸ ਨੂੰ ਕੁਝ ਕਹਿੰਦਾ ਹਾਂ ਤਾਂ ਉਹ ਕਰਦਾ ਹੈ। ਇਹ ਰਿਸ਼ਤਾ ਇੱਕ ਚੰਗਾ ਟੀਮ ਬੋਨਡਿੰਗ ਬਣਾਉਂਦਾ ਹੈ ਅਤੇ ਸਾਡਾ ਧਿਆਨ ਵੱਧ ਤੋਂ ਵੱਧ ਨੌਜਵਾਨ ਖਿਡਾਰੀਆਂ ਦੀ ਮੱਦਦ ਕਰਨਾ ਹੈ। ਬਜ਼ੁਰਗਾਂ ਅਤੇ ਨੌਜਵਾਨਾਂ ਵਿਚਕਾਰ ਇਸ ਤਰ੍ਹਾਂ ਦਾ ਸੰਤੁਲਨ ਹੀ ਸਾਡੀ ਟੀਮ ਨੂੰ ਅੱਗੇ ਲਿਜਾ ਰਿਹਾ ਹੈ।
