ਚੰਡੀਗੜ੍ਹ 29 ਅਗਸਤ 2024: ਗੌਤਮ ਅਡਾਨੀ (Gautam Adani) ਨੇ ਮੁਕੇਸ਼ ਅੰਬਾਨੀ ਨੂੰ ਜਾਇਦਾਦ ਦੇ ਮਾਮਲੇ ‘ਚ ਪਿੱਛੇ ਛੱਡ ਦਿੱਤਾ ਹੈ | ਹੁਰੁਨ ਇੰਡੀਆ ਦੀ ਰਿਪੋਰਟ ਮੁਤਾਬਕ 11.6 ਲੱਖ ਕਰੋੜ ਰੁਪਏ ਦੀ ਜਾਇਦਾਦ ਦੇ ਨਾਲ ਗੌਤਮ ਅਡਾਨੀ (62) ਨੇ ਮੁਕੇਸ਼ ਅੰਬਾਨੀ ਨੂੰ ਪਛਾੜ ਕੇ 2024 ਹੁਰੁਨ ਇੰਡੀਆ ਰਿਚ ਲਿਸਟ ‘ਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਹੁਰੁਨ ਇੰਡੀਆ ਦੀ ਰਿਪੋਰਟ ਮੁਤਾਬਕ ਪਿਛਲੇ ਸਾਲ ਭਾਰਤ ‘ਚ ਹਰ 5 ਦਿਨ ਬਾਅਦ ਇੱਕ ਨਵਾਂ ਅਰਬਪਤੀ ਬਣਿਆ। ਰਿਪੋਰਟ ‘ਚ ਸੰਪਤੀਆਂ ਦੀ ਗਣਨਾ 31 ਜੁਲਾਈ, 2024 ਤੱਕ ਕੀਤੀ ਗਈ ਹੈ
ਹੁਰੁਨ ਇੰਡੀਆ ਦੇ ਸੰਸਥਾਪਕ ਅਤੇ ਮੁੱਖ ਖੋਜਕਰਤਾ ਅਨਸ ਰਹਿਮਾਨ ਜੁਨੈਦ ਨੇ ਕਿਹਾ, “ਭਾਰਤ ਏਸ਼ੀਆ ਦੇ ਸੰਪਤੀ ਬਣਾਉਣ ਵਾਲੇ ਇੰਜਣ ਵਜੋਂ ਉੱਭਰ ਰਿਹਾ ਹੈ, ਚੀਨ ਨੇ ਅਰਬਪਤੀਆਂ ਦੀ ਗਿਣਤੀ ‘ਚ 25% ਦੀ ਗਿਰਾਵਟ ਦੇਖੀ ਹੈ, ਜਦੋਂ ਕਿ ਭਾਰਤ ‘ਚ 29% ਵਾਧਾ ਹੋਇਆ ਹੈ ਅਤੇ ਅਰਬਪਤੀਆਂ ਦੀ ਗਿਣਤੀ ਰਿਕਾਰਡ 334 ਤੱਕ ਪਹੁੰਚ ਗਈ ਹੈ |
ਮੁਕੇਸ਼ ਅੰਬਾਨੀ 10,14,700 ਕਰੋੜ ਰੁਪਏ ਦੀ ਸੰਪਤੀ ਦੇ ਨਾਲ 2024 ਹੁਰੁਨ ਇੰਡੀਆ ਰਿਚ ਲਿਸਟ ‘ਚ ਦੂਜੇ ਸਥਾਨ ‘ਤੇ ਹੈ। ਐਚਸੀਐਲ ਟੈਕਨਾਲੋਜੀਜ਼ ਦੇ ਸ਼ਿਵ ਨਾਦਰ ਅਤੇ ਪਰਿਵਾਰ ਇਸ ਸਾਲ 314,000 ਕਰੋੜ ਰੁਪਏ ਦੀ ਜਾਇਦਾਦ ਨਾਲ ਤੀਜੇ ਸਥਾਨ ‘ਤੇ ਹਨ।
2024 ਹੁਰੁਨ ਇੰਡੀਆ ਰਿਚ ਲਿਸਟ ‘ਚ ਸਭ ਤੋਂ ਘੱਟ ਉਮਰ ਦਾ ਵਿਅਕਤੀ 21 ਸਾਲਾ ਕੈਵਲਯ ਵੋਹਰਾ ਹੈ, ਜੋ $5 ਬਿਲੀਅਨ ਦਾ ਤੇਜ਼ ਵਣਜ ਸਟਾਰਟਅੱਪ ਜ਼ੇਪਟੋ ਚਲਾਉਂਦਾ ਹੈ। ਉਨ੍ਹਾਂ ਦੇ ਸਹਿ-ਸੰਸਥਾਪਕ 22 ਸਾਲਾ ਅਦਿਤ ਪਾਲੀਚਾ ਸੂਚੀ ‘ਚ ਦੂਜੇ ਸਭ ਤੋਂ ਨੌਜਵਾਨ ਹਨ।
