ਚੰਡੀਗੜ੍ਹ, 22 ਫਰਵਰੀ 2025: ਹਰਿਆਣਾ ਦੇ 4 ਜ਼ਿਲ੍ਹਿਆਂ ‘ਚ ਸੜਕਾਂ (Haryana Road) ਦੀ ਗੁਣਵੱਤਾ ਅਤੇ ਹਾਲਤ ‘ਚ ਸੁਧਾਰ ਕੀਤਾ ਜਾਵੇਗਾ | ਹਰਿਆਣਾ ਦੇ ਚਾਰ ਜ਼ਿਲ੍ਹਿਆਂ ਭਿਵਾਨੀ, ਫਤਿਹਾਬਾਦ, ਕਰਨਾਲ ਅਤੇ ਯਮੁਨਾਨਗਰ ‘ਚ ਲਗਭਗ 54.22 ਕਰੋੜ ਰੁਪਏ ਦੀ ਲਾਗਤ ਨਾਲ 886 ਕਿਲੋਮੀਟਰ ਲੰਬਾਈ ਦੀਆਂ 373 ਸੜਕਾਂ ਦਾ ਨਵੀਨੀਕਰਨ ਕੀਤਾ ਜਾਵੇਗਾ।
ਇਸ ਲਈ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਪ੍ਰਸ਼ਾਸਕੀ ਪ੍ਰਵਾਨਗੀ ਦੇ ਦਿੱਤੀ ਹੈ। ਸੜਕੀ ਨੈੱਟਵਰਕ (Haryana Road) ਅਤੇ ਸੰਪਰਕ ‘ਚ ਸੁਧਾਰ ਦੇ ਨਾਲ, ਲੋਕਾਂ ਨੂੰ ਬਹੁਤ ਸਾਰੇ ਲਾਭ ਮਿਲਣਗੇ ਅਤੇ ਆਵਾਜਾਈ ਆਸਾਨ ਹੋ ਜਾਵੇਗੀ।
ਵਿਸਤ੍ਰਿਤ ਜਾਣਕਾਰੀ ਦਿੰਦੇ ਹੋਏ ਮੁੱਖ ਮੰਤਰੀ ਦੇ ਵਧੀਕ ਮੁੱਖ ਸਕੱਤਰ ਡਾ. ਸਾਕੇਤ ਕੁਮਾਰ ਨੇ ਕਿਹਾ ਕਿ ਜ਼ਿਲ੍ਹਾ ਭਿਵਾਨੀ ‘ਚ 11 ਸੜਕਾਂ ਦੀ ਵਿਸ਼ੇਸ਼ ਮੁਰੰਮਤ ਕੀਤੀ ਜਾਵੇਗੀ, ਜਿਨ੍ਹਾਂ ਦੀ ਕੁੱਲ ਲੰਬਾਈ 47.7 ਕਿਲੋਮੀਟਰ ਹੈ। ਇਸ ਤੋਂ ਇਲਾਵਾ, 18.6 ਕਿਲੋਮੀਟਰ ਲੰਬਾਈ ਦੀਆਂ 4 ਸੜਕਾਂ ਦਾ ਸੁਧਾਰ ਕਰਨਾ ਸ਼ਾਮਲ ਹੈ।
Read More: Haryana: ਹਰਿਆਣਾ ਸਰਕਾਰ ਨੇ ਚੌਕੀਦਾਰਾਂ ਦੀ ਤਨਖਾਹ ‘ਚ ਕੀਤਾ ਵਾਧਾ, ਜਾਣੋ ਵੇਰਵਾ
