ਚੰਡੀਗੜ੍ਹ, 9 ਅਗਸਤ 2024: ਹਰਿਆਣਾ (Haryana) ਸਰਕਾਰ ਨੇ ਗਰੁੱਪ-ਏ ਅਤੇ ਗਰੁੱਪ-ਬੀ ਦੀਆਂ ਅਸਾਮੀਆਂ ਲਈ ਨਿਯੁਕਤੀ ਅਧਿਕਾਰੀਆਂ ਨੂੰ ਹਰਿਆਣਾ ਲੋਕ ਸੇਵਾ ਕਮਿਸ਼ਨ (HPSC) ਪੋਰਟਲ ਰਾਹੀਂ ਆਪਣੇ ਮੰਗ ਪੱਤਰ ਅਪਲੋਡ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਆਨਲਾਈਨ ਮੰਗ ਪੱਤਰ ਨੂੰ ਪਲੇਟਫਾਰਮ https://rps.hpsc.gov ‘ਤੇ ਦੇਖਿਆ ਜਾ ਸਕਦਾ ਹੈ।
ਮੁੱਖ ਸਕੱਤਰ (Haryana) ਦੇ ਦਫ਼ਤਰ ਵੱਲੋਂ ਜਾਰੀ ਪੱਤਰ ਅਨੁਸਾਰ ਗਰੁੱਪ-ਏ ਅਤੇ ਗਰੁੱਪ-ਬੀ ਦੀਆਂ ਅਸਾਮੀਆਂ ਲਈ ਮੰਗ ਪੱਤਰ ਇਸ ਸਮੇਂ ਵੱਖ-ਵੱਖ ਵਿਭਾਗਾਂ, ਬੋਰਡਾਂ ਅਤੇ ਕਾਰਪੋਰੇਸ਼ਨਾਂ ਦੁਆਰਾ ਔਫਲਾਈਨ ਮੋਡ ‘ਚ HPSC ਨੂੰ ਭੇਜੇ ਜਾ ਰਹੇ ਹਨ। ਇਨ੍ਹਾਂ ਫਾਰਮਾਂ ਦੀ ਸਮੀਖਿਆ ਦੌਰਾਨ ਕਮਿਸ਼ਨ ਨੇ ਕਈ ਊਣਤਾਈਆਂ ਨੋਟ ਕੀਤੀਆਂ ਹਨ, ਜਿਸ ਕਾਰਨ ਇਨ੍ਹਾਂ ਫਾਰਮਾਂ ਨੂੰ ਦਰੁਸਤ ਕਰਨ ਲਈ ਸਬੰਧਤ ਵਿਭਾਗਾਂ ਨੂੰ ਵਾਪਸ ਭੇਜ ਦਿੱਤਾ ਗਿਆ ਹੈ। ਇਹ ਪ੍ਰਕਿਰਿਆ ਭਰਤੀ ਦੀ ਸਮਾਂ ਸੀਮਾ ‘ਚ ਕਾਫ਼ੀ ਦੇਰੀ ਕਰਦੀ ਹੈ।
ਭਰਤੀ ਪ੍ਰਕਿਰਿਆ ਨੂੰ ਤੇਜ਼ ਕਰਨ ਲਈ, ਕਮਿਸ਼ਨ ਨੇ ਫਾਰਮ ‘ਚ ਤਰੁੱਟੀਆਂ ਨੂੰ ਘਟਾਉਣ ਲਈ ਸੁਰੱਖਿਆ ਉਪਾਵਾਂ ਦੇ ਨਾਲ ਇੱਕ ਔਨਲਾਈਨ ਮੰਗ ਪੋਰਟਲ ਤਿਆਰ ਕੀਤਾ ਹੈ। ਸਾਰੇ ਪ੍ਰਸ਼ਾਸਕੀ ਸਕੱਤਰਾਂ ਨੂੰ ਇਹ ਯਕੀਨੀ ਬਣਾਉਣ ਲਈ ਨਿਰਦੇਸ਼ ਦਿੱਤੇ ਗਏ ਹਨ ਕਿ ਨਿਯੁਕਤੀ ਅਧਿਕਾਰੀ ਐਚਪੀਐਸਸੀ ਪੋਰਟਲ https://rps.hpsc.gov ਰਾਹੀਂ ਗਰੁੱਪ-ਏ ਅਤੇ ਗਰੁੱਪ-ਬੀ ਦੀਆਂ ਅਸਾਮੀਆਂ ਲਈ ਆਪਣੇ ਇੰਡੈਂਟ ਅੱਪਲੋਡ ਅਤੇ ਜਮ੍ਹਾਂ ਕਰਵਾਉਣ।
