ਚੰਡੀਗੜ੍ਹ, 10 ਸਤੰਬਰ 2024: ਭਾਜਪਾ ਨੇ ਮੰਗਲਵਾਰ ਨੂੰ ਹਰਿਆਣਾ ਵਿਧਾਨ ਸਭਾ ਚੋਣਾਂ ਲਈ 21 ਉਮੀਦਵਾਰਾਂ ਦੀ ਦੂਜੀ ਸੂਚੀ ਜਾਰੀ ਕਰ ਦਿੱਤੀ ਹੈ। ਭਾਜਪਾ ਨੇ ਜੁਲਾਨਾ ਸੀਟ ਤੋਂ ਇੱਕ ਨੌਜਵਾਨ ਅਤੇ ਨਵਾਂ ਚਿਹਰਾ ਉਤਾਰਿਆ ਹੈ। ਭਾਜਪਾ ਨੇ ਜੁਲਾਨਾ ਸੀਟ ਤੋਂ ਕਾਂਗਰਸ ਦੀ ਉਮੀਦਵਾਰ ਬੀਬੀ ਭਲਵਾਨ ਵਿਨੇਸ਼ ਫੋਗਾਟ (Vinesh Phogat) ਖ਼ਿਲਾਫ ਕੈਪਟਨ ਯੋਗੇਸ਼ ਬੈਰਾਗੀ ਨੂੰ ਮੈਦਾਨ ‘ਚ ਉਤਾਰਿਆ ਹੈ।

ਕੈਪਟਨ ਯੋਗੇਸ਼ ਬੈਰਾਗੀ ਡੇਢ ਸਾਲ ਪਹਿਲਾਂ ਸਿਆਸਤ ‘ਚ ਆਏ ਸਨ। ਇਸ ਤੋਂ ਪਹਿਲਾਂ ਉਹ ਏਅਰ ਇੰਡੀਆ ਵਿੱਚ ਸੀਨੀਅਰ ਕਪਤਾਨ ਵਜੋਂ ਕੰਮ ਕਰ ਰਹੇ ਸਨ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਆਪਣਾ ਆਦਰਸ਼ ਮੰਨਣ ਵਾਲੇ ਕੈਪਟਨ ਯੋਗੇਸ਼ ਨੇ ਭਾਜਪਾ ਵਿੱ’ਚ ਸ਼ਾਮਲ ਹੋ ਕੇ ਆਪਣਾ ਸਿਆਸੀ ਸਫ਼ਰ ਸ਼ੁਰੂ ਕੀਤਾ ਹੈ।

ਜੁਲਾਨਾ ਵਿਧਾਨ ਸਭਾ ਹਲਕੇ ‘ਚ ਭਾਜਪਾ ਦਾ ਇਹ ਕਦਮ ਅਹਿਮ ਮੰਨਿਆ ਜਾ ਰਿਹਾ ਹੈ। ਖਾਸ ਤੌਰ ‘ਤੇ ਜਦੋਂ ਵਿਨੇਸ਼ ਫੋਗਾਟ (Vinesh Phogat), ਜੋ ਕਿ ਇੱਕ ਨਾਮੀ ਭਲਵਾਨ ਹੈ ਅਤੇ ਰਾਜਨੀਤੀ ‘ਚ ਪ੍ਰਵੇਸ਼ ਕਰ ਚੁੱਕੀ ਹੈ | ਇਸ ਖੇਤਰ ‘ਚ ਆਪਣੀ ਦਾਅਵੇਦਾਰੀ ਪੇਸ਼ ਕਰ ਰਹੀ ਹੈ।