4 ਜੂਨ 2025: ਸਾਊਦੀ ਅਰਬ (Saudi Arabia) ਵਿੱਚ ਅੱਜ ਤੋਂ ਹੱਜ ਯਾਤਰਾ ਸ਼ੁਰੂ ਹੋਵੇਗੀ। ਇਸ ਲਈ ਐਤਵਾਰ ਤੱਕ 14 ਲੱਖ ਰਜਿਸਟਰਡ (registred) ਸ਼ਰਧਾਲੂ ਮੱਕਾ ਪਹੁੰਚ ਚੁੱਕੇ ਹਨ, ਜਦੋਂ ਕਿ ਲੱਖਾਂ ਲੋਕ ਅਜੇ ਆਉਣੇ ਬਾਕੀ ਹਨ। ਇਹ ਯਾਤਰਾ ਇਸਲਾਮੀ ਕੈਲੰਡਰ ਦੇ 12ਵੇਂ ਮਹੀਨੇ (2025 ਵਿੱਚ 4-9 ਜੂਨ) ਜ਼ੀਲ-ਹਿੱਜਾਹ ਦੀ 8 ਤੋਂ 12 ਤਰੀਕ ਦੇ ਵਿਚਕਾਰ ਹੁੰਦੀ ਹੈ।
ਹੱਜ ਮੁਸਲਮਾਨਾਂ ਦਾ ਇੱਕ ਅਧਿਆਤਮਿਕ ਅਤੇ ਲਾਜ਼ਮੀ ਧਾਰਮਿਕ ਫਰਜ਼ ਹੈ। ਸਰੀਰਕ, ਵਿੱਤੀ ਅਤੇ ਮਾਨਸਿਕ ਤੌਰ ‘ਤੇ ਸਮਰੱਥ ਅਤੇ ਸਿਹਤਮੰਦ ਹਰ ਮੁਸਲਮਾਨ (muslman) ਲਈ ਆਪਣੀ ਜ਼ਿੰਦਗੀ ਵਿੱਚ ਘੱਟੋ-ਘੱਟ ਇੱਕ ਵਾਰ ਹੱਜ ਕਰਨਾ ਲਾਜ਼ਮੀ ਹੈ।
ਹੱਜ ਇਸਲਾਮ ਦੇ ਪੰਜ ਮੂਲ ਥੰਮ੍ਹਾਂ ਵਿੱਚੋਂ ਇੱਕ ਹੈ। ਹਰ ਸਾਲ ਦੁਨੀਆ ਭਰ ਤੋਂ ਲਗਭਗ 25 ਲੱਖ ਮੁਸਲਮਾਨ ਇਸ ਪਵਿੱਤਰ ਯਾਤਰਾ ਵਿੱਚ ਹਿੱਸਾ ਲੈਂਦੇ ਹਨ। ਇਸ ਸਾਲ ਭਾਰਤ ਤੋਂ ਲਗਭਗ 1.75 ਲੱਖ ਲੋਕ ਮੱਕਾ ਪਹੁੰਚਣਗੇ।
ਹੱਜ ਦੌਰਾਨ, ਮੁਸਲਮਾਨ ਕਾਬਾ (ਬੈਤੁੱਲਾ) ਦੀ ਪਰਿਕਰਮਾ ਕਰਦੇ ਹਨ ਅਤੇ ਅੱਲ੍ਹਾ ਦੀ ਪੂਜਾ ਵਿੱਚ ਸਮਾਂ ਬਿਤਾਉਂਦੇ ਹਨ। ਹੱਜ ਮੁਸਲਮਾਨਾਂ ਲਈ ਪਾਪਾਂ ਤੋਂ ਮੁਕਤੀ, ਅਧਿਆਤਮਿਕ ਸ਼ੁੱਧਤਾ ਅਤੇ ਅੱਲ੍ਹਾ ਦੇ ਨੇੜੇ ਆਉਣ ਦਾ ਇੱਕ ਮੌਕਾ ਹੈ।
Read More: Saudi Arabia: ਸਾਊਦੀ ਅਰਬ ‘ਚ ਹੱਜ ਯਾਤਰਾ ਦੌਰਾਨ 1301 ਸ਼ਰਧਾਲੂਆਂ ਦੀ ਗਈ ਜਾਨ
