ਚੰਡੀਗੜ੍ਹ, 09 ਮਾਰਚ 2023: ਗੁਜਰਾਤ ਜਾਇੰਟਸ ਦੀ ਕਪਤਾਨ ਬੇਥ ਮੁਨੀ (Beth Mooney) ਨੂੰ ਮਹਿਲਾ ਪ੍ਰੀਮਿਅਰ ਲੀਗ ਤੋਂ ਬਾਹਰ ਹੋ ਗਈ ਹੈ। ਉਨ੍ਹਾਂ ਦੀ ਹੁਣ ਥਾਂ ਸਨੇਹ ਰਾਣਾ (Sneh Rana) ਟੀਮ ਦੀ ਕਪਤਾਨੀ ਕਰੇਗੀ | ਗੁਜਰਾਤ ਫ੍ਰੈਂਚਾਇਜ਼ੀ ਨੇ ਸਨੇਹ ਰਾਣਾ ਦੀ ਥਾਂ ਆਸਟ੍ਰੇਲੀਆਈ ਆਲਰਾਊਂਡਰ ਐਸ਼ਲੇ ਗਾਰਡਨਰ ਨੂੰ ਨਵਾਂ ਉਪ-ਕਪਤਾਨ ਨਿਯੁਕਤ ਕੀਤਾ ਹੈ। ਮੁਨੀ ਪਹਿਲੇ ਮੈਚ ‘ਚ ਬੱਲੇਬਾਜ਼ੀ ਕਰਦੇ ਹੋਏ ਜ਼ਖਮੀ ਹੋ ਕੇ ਰਿਟਾਇਰ ਹੋ ਗਈ ਸੀ। ਮੈਚ ਦੌਰਾਨ ਉਨ੍ਹਾਂ ਦੇ ਗੋਡੇ ‘ਤੇ ਸੈੱਟ ਲੱਗੀ ਸੀ । ਇਸ ਤੋਂ ਬਾਅਦ ਟੀਮ ਦੀ ਕਮਾਨ ਉਪ ਕਪਤਾਨ ਸਨੇਹ ਰਾਣਾ ਦੇ ਹੱਥ ਦੇ ਦਿੱਤੀ ਸੀ। ਇਸਦੇ ਨਾਲ ਹੀ ਲੌਰਾ ਵੋਲਵਾਰਡ ਨੂੰ ਮੁਨੀ ਦੀ ਥਾਂ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ। ਫ੍ਰੈਂਚਾਇਜ਼ੀ ਨੇ ਵੀਰਵਾਰ ਨੂੰ ਮੀਡੀਆ ਰਿਲੀਜ਼ ‘ਚ ਇਹ ਜਾਣਕਾਰੀ ਦਿੱਤੀ।
ਜਿਕਰਯੋਗ ਹੈ ਕਿ ਬੇਥ ਮੁਨੀ ਨੂੰ (ਵੀਪੀਐੱਲ) WPL ਖਿਡਾਰੀਆਂ ਦੀ ਨਿਲਾਮੀ ਵਿੱਚ ਗੁਜਰਾਤ ਫ੍ਰੈਂਚਾਇਜ਼ੀ ਨੇ 2 ਕਰੋੜ ਰੁਪਏ ਵਿੱਚ ਖਰੀਦਿਆ ਸੀ। ਉਨ੍ਹਾਂ ਦੇ ਨਾਲ ਹਮਵਤਨ ਐਸ਼ਲੇ ਗਾਰਡਨਰ, ਜਾਰਜੀਆ ਵੇਅਰਹੈਮ ਅਤੇ ਐਨਾਬੈਲ ਸਦਰਲੈਂਡ ਚੰਗੀ ਕੀਮਤ ਵਿਚ ਖਰੀਦ ਕੇ ਟੀਮ ਵਿੱਚ ਸ਼ਾਮਲ ਕੀਤਾ ਸੀ।
