ਅਹਿਮਦਾਬਾਦ, 22 ਮਈ 2025: GT ਬਨਾਮ LSG: ਗੁਜਰਾਤ ਟਾਈਟਨਜ਼ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ। ਗੁਜਰਾਤ ਦੇ ਕਪਤਾਨ ਸ਼ੁਭਮਨ ਗਿੱਲ ਨੇ ਕਿਹਾ ਕਿ ਉਨ੍ਹਾਂ ਨੇ ਪਲੇਇੰਗ 11 ‘ਚ ਕੋਈ ਬਦਲਾਅ ਨਹੀਂ ਕੀਤਾ ਹੈ।
ਲਖਨਊ ਸੁਪਰ ਜਾਇੰਟਸ ਦੇ ਕਪਤਾਨ ਰਿਸ਼ਭ ਪੰਤ ਨੇ ਕਿਹਾ ਕਿ ਉਨ੍ਹਾਂ ਦੀ ਟੀਮ ਅੱਜ ਦੇ ਮੈਚ (GT ਬਨਾਮ LSG) ‘ਚ ਇੱਕ ਬਦਲਾਅ ਨਾਲ ਉਤਰੀ ਹੈ। ਆਕਾਸ਼ ਸਿੰਘ ਖੇਡਦੇ ਨਜ਼ਰ ਆਉਣਗੇ। ਆਈਪੀਐਲ 2025 ਦਾ 64ਵਾਂ ਮੈਚ ਗੁਜਰਾਤ ਟਾਈਟਨਸ (GT) ਅਤੇ ਲਖਨਊ ਸੁਪਰ ਜਾਇੰਟਸ (LSG) ਵਿਚਕਾਰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ‘ਚ ਖੇਡਿਆ ਜਾ ਰਿਹਾ ਹੈ।
ਲਖਨਊ ਦੀ ਬੱਲੇਬਾਜ਼ੀ ‘ਚ ਟੀਮ ਆਪਣੇ ਵਿਦੇਸ਼ੀ ਕ੍ਰਿਕਟਰਾਂ ਮਿਸ਼ੇਲ ਮਾਰਸ਼, ਏਡਨ ਮਾਰਕਰਾਮ ਅਤੇ ਨਿਕੋਲਸ ਪੂਰਨ ‘ਤੇ ਨਿਰਭਰ ਰਹੀ ਹੈ। ਸ਼ੁਰੂਆਤੀ ਪ੍ਰਦਰਸ਼ਨ ਤੋਂ ਬਾਅਦ ਪੂਰਨ ਅਗਲੇ ਕੁਝ ਮੈਚਾਂ ‘ਚ ਉਹੀ ਫਾਰਮ ਨਹੀਂ ਦਿਖਾ ਸਕਿਆ। ਪੰਤ ਦੀ ਬੱਲੇਬਾਜ਼ੀ ਫਾਰਮ ਨੇ ਟੀਮ ਲਈ ਸਭ ਤੋਂ ਵੱਧ ਸਮੱਸਿਆਵਾਂ ਖੜ੍ਹੀਆਂ ਕੀਤੀਆਂ। ਪੰਤ ਪੂਰੇ ਸੀਜ਼ਨ ਦੌਰਾਨ ਪ੍ਰਦਰਸ਼ਨ ਨਹੀਂ ਕਰ ਸਕਿਆ ਅਤੇ ਮੱਧਕ੍ਰਮ ਦੀ ਅਸਫਲਤਾ ਨੇ ਲਖਨਊ ਦੀਆਂ ਮੁਸ਼ਕਿਲਾਂ ਵਧਾ ਦਿੱਤੀਆਂ। ਪੰਤ ਨੇ ਇਸ ਸੀਜ਼ਨ ‘ਚ ਸਿਰਫ਼ ਇੱਕ ਅਰਧ ਸੈਂਕੜਾ ਹੀ ਲਗਾਇਆ ਹੈ।
ਇਸ ਦੇ ਨਾਲ ਹੀ ਰਿਸ਼ਭ ਪੰਤ ਦੀ ਕਪਤਾਨੀ ਹੇਠ ਲਖਨਊ ਕੋਲ ਹੁਣ ਗੁਆਉਣ ਲਈ ਕੁਝ ਨਹੀਂ ਹੈ। ਹੁਣ ਰਿਸ਼ਭ ਨੂੰ ਸਨਮਾਨ ਲਈ ਲੜਨਾ ਪਵੇਗਾ। ਇਸਦੇ ਨਾਲ ਹੀ ਨਜ਼ਰਾਂ ਕਪਤਾਨ ਰਿਸ਼ਭ ਪੰਤ ‘ਤੇ ਹੋਣਗੀਆਂ। ਇੰਗਲੈਂਡ ਦੌਰੇ ਤੋਂ ਪਹਿਲਾਂ ਉਹ ਹਰ ਕੀਮਤ ‘ਤੇ ਆਪਣੇ ਬੱਲੇ ਨਾਲ ਆਪਣੀ ਫਾਰਮ ਮੁੜ ਪ੍ਰਾਪਤ ਕਰਨ ਦੀ ਪੂਰੀ ਕੋਸ਼ਿਸ਼ ਕਰੇਗਾ। ਪਲੇਆਫ ‘ਚ ਚੋਟੀ ਦੇ ਦੋ ਲਈ ਮੁਕਾਬਲਾ ਵੀ ਦਿਲਚਸਪ ਹੈ। ਰਾਇਲ ਚੈਲੇਂਜਰਜ਼ ਬੰਗਲੁਰੂ ਅਤੇ ਪੰਜਾਬ ਕਿੰਗਜ਼ ਦੇ ਬਰਾਬਰ 17 ਅੰਕ ਹਨ। ਗੁਜਰਾਤ ਸਮੇਤ ਤਿੰਨੋਂ ਟੀਮਾਂ ਨੂੰ ਦੋ-ਦੋ ਮੈਚ ਖੇਡਣੇ ਹਨ।
Read More: MI ਬਨਾਮ DC: ਮੁੰਬਈ ਇੰਡੀਅਨਜ਼ IPL 2025 ਦੇ ਪਲੇਆਫ ‘ਚ ਪਹੁੰਚਣ ਵਾਲੀ ਚੌਥੀ ਟੀਮ ਬਣੀ
