ਫਤਿਹਗੜ੍ਹ ਸਾਹਿਬ, 14 ਅਕਤੂਬਰ 2023: ਪਿਛਲੇ ਦਿਨੀ ਗੋਬਿੰਦਗੜ (Gobindgarh) ਵਿੱਚ ਸੇਲ ਪ੍ਰਚੇਜ ਦੀਆਂ ਪੇਮੈਂਟਾਂ ਇਕੱਠੀਆਂ ਕੀਤੀਆਂ 23 ਲੱਖ 15 ਹਜਾਰ ਰੁਪਏ ਨਗਦੀ ਦੀ ਖੋਹਣ ਵਾਲੇ 3 ਜਣਿਆਂ ਨੂੰ ਗੋਬਿੰਦਗੜ ਪੁਲਿਸ ਨੇ ਕਾਬੂ ਕੀਤਾ ਹੈ | ਐੱਸ.ਐੱਸ.ਪੀ ਡਾ. ਰਵਜੋਤ ਗਰੇਵਾਲ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਰਾਹੁਲ ਰੋਜ਼ਾਨਾ ਦੀ ਤਰ੍ਹਾਂ ਮੰਡੀ ਗੋਬਿੰਦਗੜ ਵਿੱਚ ਸੇਲ ਪ੍ਰਚੇਜ ਦੀਆਂ ਪੇਮੈਂਟਾਂ ਇਕੱਠੀਆਂ ਕੀਤੀ ਰਕਮ 23 ਲੱਖ 15 ਹਜਾਰ ਰੁਪਏ ਅਪਣੇ ਦਫਤਰ ਜਮ੍ਹਾ ਕਰਵਾ ਕੇ ਬਹਾਨਾ ਲਗਾ ਕੇ ਬਾਹਰ ਚਲਾ ਗਿਆ |
ਜਦੋਂ ਸ਼ੁਸੀਲ ਨਾਂ ਦਾ ਵਿਅਕਤੀ 23 ਲੱਖ ਦੀ ਰਕਮ ਬੈਂਕ ਵਿੱਚ ਜਮ੍ਹਾ ਕਰਵਾਉਣ ਲਈ ਨਸਰਾਲੀ ਤੋਂ ਮੁੜਨ ਲੱਗਾ, ਤਾਂ ਉਸ ਕੋਲੋਂ ਪਿਸਤੌਲ ਦੀ ਨੋਕ ‘ਤੇ ਰਾਹੁਲ ਅਤੇ ਹੋਰ ਦੋ ਸਾਥੀਆਂ ਨੇ ਪੈਸਿਆਂ ਨਾਲ ਭਰਿਆ ਬੈਗ ਖੋਹ ਲਿਆ ਅਤੇ ਫ਼ਰਾਰ ਹੋ ਗਏ | ਮੁਦੱਈ ਸੁਸ਼ੀਲ ਕੁਮਾਰ ਦੇ ਬਿਆਨ ਦਰਜ ਕਰਵਾਇਆ ਸੀ। ਇਸ ਉਪਰੰਤ ਪੁਲਿਸ ਪਾਰਟੀਆਂ ਦਾ ਗਠਨ ਕਰਕੇ ਮੁਲਜ਼ਮਾਂ ਨੂੰ ਟਰੇਸ ਕਰਨ ਲਈ ਉਪਰਾਲੇ ਕੀਤੇ ਗਏ । ਮੁੱਢਲੀ ਤਫਤੀਸ਼ ਤੋਂ ਰਾਹੁਲ, ਰਾਜਾ ਸਿੰਘ ਤੇ ਵੀਰ ਕੁਮਾਰ ਨੂੰ ਗ੍ਰਿਫਤਾਰ ਕਰਕੇ ਉਨ੍ਹਾਂ ਪਾਸੋਂ ਖੋਹ ਕੀਤੀ ਰਕਮ ਵਿੱਚੋਂ 14 ਲੱਖ ਰੁਪਏ ਬਰਾਮਦ ਕਰ ਲਏ ਹਨ | ਵਾਰਦਾਤ ਵਿੱਚ ਵਰਤਿਆ ਗਿਆ ਦੇਸੀ ਪਿਸਤੌਲ ਅਤੇ ਇੱਕ ਐਕਟਿਵਾ ਬਰਾਮਦ ਕੀਤੀ ਗਈ ਹੈ।
