ਦੇਸ਼, 28 ਜੁਲਾਈ 2025: ਸੰਸਦ ‘ਚ ‘ਆਪ੍ਰੇਸ਼ਨ ਸੰਧੂਰ’ ‘ਤੇ ਇੱਕ ਵਿਸ਼ੇਸ਼ ਚਰਚਾ ਦੌਰਾਨ, ਕੇਂਦਰੀ ਮੰਤਰੀ ਰਾਜੀਵ ਰੰਜਨ ਸਿੰਘ ਨੇ ਵੀ ਲੋਕ ਸਭਾ ‘ਚ ਆਪਣੇ ਵਿਚਾਰ ਰੱਖੇ। ਇਸ ਦੌਰਾਨ, ਉਨ੍ਹਾਂ ਨੇ ਵਿਰੋਧੀ ਪਾਰਟੀਆਂ ਦੇ ਦੋਸ਼ਾਂ ਦਾ ਜਵਾਬ ਦਿੱਤਾ ਅਤੇ ਕੇਂਦਰ ਸਰਕਾਰ ਦੀ ਕਾਰਵਾਈ ਦਾ ਸਮਰਥਨ ਕੀਤਾ।
ਉਨ੍ਹਾਂ ਨੇ ਕਾਂਗਰਸ ਸੰਸਦ ਮੈਂਬਰ ਗੌਰਵ ਗੋਗੋਈ ਦੇ ਹਰ ਸਵਾਲ ਦਾ ਜਵਾਬ ਦਿੱਤਾ ਅਤੇ ਉਨ੍ਹਾਂ ਦੇ ਸਾਰੇ ਦੋਸ਼ਾਂ ਨੂੰ ਰੱਦ ਕਰ ਦਿੱਤਾ। ਪੰਚਾਇਤੀ ਰਾਜ ਮੰਤਰੀ ਰਾਜੀਵ ਰੰਜਨ ਸਿੰਘ ਨੇ ਕਿਹਾ ਕਿ ਗੌਰਵ ਗੋਗੋਈ ਨੇ ਇੱਕ ਵੀ ਕੰਮ ਦੀ ਗੱਲ ਨਹੀਂ ਕੀਤੀ। ਉਨ੍ਹਾਂ ਨੇ ਇੱਕ ਵਾਰ ਵੀ ਫੌਜ ਦੀ ਬਹਾਦਰੀ ਅਤੇ ਹਿੰਮਤ ਦੀ ਪ੍ਰਸ਼ੰਸਾ ਨਹੀਂ ਕੀਤੀ। ਤੁਹਾਡੀਆਂ ਨਜ਼ਰਾਂ ‘ਚ ਸੈਨਿਕਾਂ ਦੀ ਕੋਈ ਮਹੱਤਤਾ ਨਹੀਂ ਹੈ।
ਉਨ੍ਹਾਂ ਕਿਹਾ ਕਿ ਅੱ.ਤ.ਵਾਦੀ ਘਟਨਾ ਅੱਜ ਦੀ ਨਹੀਂ ਹੈ, 2004 ਤੋਂ 2014 ਤੱਕ ਦੇਸ਼ ‘ਚ ਅੱ.ਤ.ਵਾਦ ਵਧਿਆ-ਫੁੱਲਿਆ। 2004 ਤੋਂ 2014 ਤੱਕ, ਅੱ.ਤ.ਵਾਦੀ ਘਟਨਾਵਾਂ ‘ਚ 615 ਜਣੇ ਮਾਰੇ ਗਏ ਅਤੇ ਹਜ਼ਾਰਾਂ ਲੋਕ ਜ਼ਖਮੀ ਹੋਏ। ਤੁਸੀਂ ਪੁੱਛ ਰਹੇ ਹੋ ਕਿ ਪਹਿਲਗਾਮ ‘ਚ ਅੱ.ਤ.ਵਾਦੀ ਕਿਵੇਂ ਦਾਖਲ ਹੋਏ। ਮੁੰਬਈ ‘ਚ 26/11 ਦੇ ਹਮਲੇ ‘ਚ ਅੱ.ਤ.ਵਾ.ਦੀ ਕਿੱਥੋਂ ਆਏ? ਤੁਹਾਨੂੰ ਇਹ ਦੱਸਣਾ ਚਾਹੀਦਾ ਸੀ। ਤੁਹਾਡੇ ‘ਚ ਨਾ ਤਾਂ ਅੱ.ਤ.ਵਾਦ ਨਾਲ ਲੜਨ ਦੀ ਹਿੰਮਤ ਸੀ ਅਤੇ ਨਾ ਹੀ ਕਾਰਵਾਈ ਕਰਨ ਦੀ ਹਿੰਮਤ ਸੀ, ਤੁਸੀਂ ਸਿਰਫ ਹੰਝੂ ਵਹਾਏ।
ਉਨ੍ਹਾਂ ਕਿਹਾ ਕਿ ਕਾਂਗਰਸ ਨੇ ਅੱ.ਤ.ਵਾਦ ਨੂੰ ਵਧਣ-ਫੁੱਲਣ ਦਿੱਤਾ। ਯੂਪੀਏ ‘ਚ ਅੱ.ਤਵਾਦ ਵਿਰੁੱਧ ਲੜਨ ਦੀ ਹਿੰਮਤ ਨਹੀਂ ਸੀ। ਤੁਸੀਂ ਸਿਰਫ਼ ਰਸਮੀ ਕਾਰਵਾਈਆਂ ਕੀਤੀਆਂ ਅਤੇ ਮਗਰਮੱਛ ਦੇ ਹੰਝੂ ਵਹਾਏ। ਤੁਸੀਂ ਮੁੰਬਈ ਘਟਨਾ ਦੇ ਮੁੱਖ ਮਾਸਟਰਮਾਈਂਡ ਨੂੰ ਨਹੀਂ ਲਿਆ ਸਕੇ। ਭਾਜਪਾ ਉਸਨੂੰ ਭਾਰਤ ਲੈ ਆਈ। ਭਾਰਤ ਨੇ ਪਹਿਲੀ ਵਾਰ 2016 ‘ਚ ਅੱ.ਤ.ਵਾਦ ਵਿਰੁੱਧ ਲੜਾਈ ਸ਼ੁਰੂ ਕੀਤੀ।
ਪ੍ਰਧਾਨ ਮੰਤਰੀ ਨੇ ਅੱ.ਤ.ਵਾਦੀਆਂ ਦੇ ਘਰਾਂ ‘ਚ ਵੜ ਕੇ ਉਨ੍ਹਾਂ ਨੂੰ ਮਾਰਨ ਦਾ ਪ੍ਰਣ ਲਿਆ ਅਤੇ ਕੰਮ ਸ਼ੁਰੂ ਕੀਤਾ। ਉੜੀ ਤੋਂ ਬਾਅਦ ਅਸੀਂ ਸਰਜੀਕਲ ਸਟ੍ਰਾਈਕ ਕੀਤੀ। ਪੁਲਵਾਮਾ ਹਮਲੇ ਤੋਂ ਬਾਅਦ, ਮੋਦੀ ਸਰਕਾਰ ਨੇ ਹਵਾਈ ਹਮਲਾ ਕੀਤਾ। ਕਾਂਗਰਸ ਪ੍ਰਧਾਨ ਮੰਤਰੀ ਮੋਦੀ ਨੂੰ ਸਿਖਾ ਰਹੀ ਹੈ। ਕਾਂਗਰਸ ਨੇ ਅੱ.ਤ.ਵਾਦ ਵਿਰੁੱਧ ਕਿੰਨੀਆਂ ਲੜਾਈਆਂ ਲੜੀਆਂ? ਕਾਂਗਰਸ ਨੇ ਕਦੇ ਕੁਝ ਨਹੀਂ ਕੀਤਾ। ਉਨ੍ਹਾਂ ਕਿਹਾ ਕਿ ਦੇਸ਼ ਦੀ ਏਕਤਾ ਅਤੇ ਅਖੰਡਤਾ ਨਾਲ ਮਜ਼ਾਕ ਨਾ ਬਣਾਓ |
Read More: ਕਾਂਗਰਸ ਆਗੂ ਗੌਰਵ ਗੋਗੋਈ ਦਾ ਰਾਜਨਾਥ ਸਿੰਘ ਨੂੰ ਸਵਾਲ, “ਅੱ.ਤ.ਵਾ.ਦੀ ਪਹਿਲਗਾਮ ਕਿਵੇਂ ਆਏ”
