ਸਪੋਰਟਸ, 06 ਅਕਤੂਬਰ 2025: Bernard Julian passes away: ਵੈਸਟਇੰਡੀਜ਼ ਦੇ ਸਾਬਕਾ ਆਲਰਾਊਂਡਰ ਬਰਨਾਰਡ ਜੂਲੀਅਨ ਦਾ ਸ਼ਨੀਵਾਰ (5 ਅਕਤੂਬਰ) ਨੂੰ ਉੱਤਰੀ ਤ੍ਰਿਨੀਦਾਦ ਦੇ ਵਾਲਸਾਲ ਸ਼ਹਿਰ ਵਿੱਚ 75 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਉਹ 1975 ਦੀ ਵਿਸ਼ਵ ਕੱਪ ਜੇਤੂ ਟੀਮ ਦਾ ਹਿੱਸਾ ਸਨ। ਜੂਲੀਅਨ ਨੇ 24 ਟੈਸਟ ਅਤੇ 12 ਵਨਡੇ ਮੈਚ ਖੇਡੇ, 68 ਵਿਕਟਾਂ ਲਈਆਂ ਅਤੇ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ 952 ਦੌੜਾਂ ਬਣਾਈਆਂ।
1975 ਦੇ ਵਿਸ਼ਵ ਕੱਪ ‘ਚ ਜੂਲੀਅਨ ਨੇ ਗਰੁੱਪ ਪੜਾਅ ਵਿੱਚ ਸ਼੍ਰੀਲੰਕਾ ਵਿਰੁੱਧ 20 ਦੌੜਾਂ ਦੇ ਕੇ 4 ਵਿਕਟਾਂ ਲਈਆਂ। ਫਿਰ ਉਨ੍ਹਾਂ ਨੇ ਸੈਮੀਫਾਈਨਲ ‘ਚ ਨਿਊਜ਼ੀਲੈਂਡ ਵਿਰੁੱਧ 27 ਦੌੜਾਂ ਦੇ ਕੇ 4 ਵਿਕਟਾਂ ਲਈਆਂ। ਜੂਲੀਅਨ ਨੇ ਫਾਈਨਲ ‘ਚ ਆਸਟ੍ਰੇਲੀਆ ਵਿਰੁੱਧ 37 ਗੇਂਦਾਂ ‘ਚ ਨਾਬਾਦ 26 ਦੌੜਾਂ ਵੀ ਬਣਾਈਆਂ।
ਅਚਾਨਕ ਖਤਮ ਹੋਇਆ ਅੰਤਰਰਾਸ਼ਟਰੀ ਕਰੀਅਰ
ਉਹ 1970 ਤੋਂ 1977 ਤੱਕ ਇੰਗਲਿਸ਼ ਕਾਉਂਟੀ ਟੀਮ, ਕੈਂਟ ਲਈ ਵੀ ਖੇਡਿਆ। ਹਾਲਾਂਕਿ, ਉਸਦਾ ਅੰਤਰਰਾਸ਼ਟਰੀ ਕਰੀਅਰ 1982-83 ‘ਚ ਦੱਖਣੀ ਅਫਰੀਕਾ ਦੇ ਦੌਰੇ ‘ਤੇ ਖਤਮ ਹੋ ਗਿਆ ਸੀ। ਉਸ ਸਮੇਂ, ਦੱਖਣੀ ਅਫਰੀਕਾ ‘ਚ ਰੰਗਭੇਦ ਆਪਣੇ ਸਿਖਰ ‘ਤੇ ਸੀ। ਉਹ ਦੱਖਣੀ ਅਫਰੀਕਾ ਦੇ ਦੌਰੇ ‘ਤੇ ਗਈ ਬਾਗ਼ੀ ਵੈਸਟ ਇੰਡੀਜ਼ ਟੀਮ ਦਾ ਹਿੱਸਾ ਸੀ।
ਇੱਕ ਬਿਆਨ ‘ਚ ਵੈਸਟ ਇੰਡੀਜ਼ ਕ੍ਰਿਕਟ ਬੋਰਡ (CWI) ਦੇ ਪ੍ਰਧਾਨ ਡਾ. ਕਿਸ਼ੋਰ ਸ਼ੈਲੋ ਨੇ ਕਿਹਾ, “ਬਰਨਾਰਡ ਜੂਲੀਅਨ ਦਾ ਸਨਮਾਨ ਕਰਦੇ ਹੋਏ, ਸਾਨੂੰ ਉਸ ਸਮੇਂ ਦੀਆਂ ਘਟਨਾਵਾਂ ਨੂੰ ਸਮਝਦਾਰੀ ਨਾਲ ਦੇਖਣਾ ਚਾਹੀਦਾ ਹੈ, ਨਾ ਕਿ ਬਹਿਸ ਨਾਲ। ਅਸੀਂ ਉਨ੍ਹਾਂ ਦੇ ਪਰਿਵਾਰ ਅਤੇ ਅਜ਼ੀਜ਼ਾਂ ਪ੍ਰਤੀ ਆਪਣੀ ਡੂੰਘੀ ਸੰਵੇਦਨਾ ਪ੍ਰਗਟ ਕਰਦੇ ਹਾਂ। ਕ੍ਰਿਕਟ ਵੈਸਟ ਇੰਡੀਜ਼ ਹਮੇਸ਼ਾ ਉਨ੍ਹਾਂ ਦੇ ਯੋਗਦਾਨ ਨੂੰ ਯਾਦ ਰੱਖੇਗਾ। ਉਨ੍ਹਾਂ ਦੁਆਰਾ ਛੱਡੀ ਗਈ ਵਿਰਾਸਤ ਹਮੇਸ਼ਾ ਲਈ ਜੀਵਿਤ ਰਹੇਗੀ।”
Read More: AUS ਬਨਾਮ NZ: ਆਸਟ੍ਰੇਲੀਆ ਨੇ ਨਿਊਜ਼ੀਲੈਂਡ ਨੂੰ ਤੀਜੇ ਟੀ-20 ਮੈਚ ‘ਚ ਹਰਾਇਆ, ਮਿਸ਼ੇਲ ਮਾਰਸ਼ ਨੇ ਜੜਿਆ ਸੈਂਕੜਾ
