ਚੰਡੀਗੜ੍ਹ, 24 ਫਰਵਰੀ 2025: ਦਿੱਲੀ ਵਿਧਾਨ ਸਭਾ (Delhi Assembly) ਦੇ ਇਤਿਹਾਸ ‘ਚ ਪਹਿਲੀ ਵਾਰ ਦੋ ਮਹਿਲਾਵਾਂ ਸੱਤਾਧਾਰੀ ਪਾਰਟੀ ਅਤੇ ਵਿਰੋਧੀ ਧਿਰ ‘ਚ ਉੱਚ ਅਹੁਦਿਆਂ ‘ਤੇ ਬਿਰਾਜਮਾਨ ਹੋਈਆਂ ਹਨ। ਪਹਿਲਾਂ ਸਿਰਫ਼ ਮੁੱਖ ਮੰਤਰੀ ਦਾ ਅਹੁਦਾ ਔਰਤਾਂ ਕੋਲ ਹੁੰਦਾ ਸੀ, ਪਰ ਪਹਿਲੀ ਵਾਰ ਕਿਸੇ ਔਰਤ ਨੂੰ ਵਿਰੋਧੀ ਧਿਰ ਦੀ ਆਗੂ ਨਿਯੁਕਤ ਕੀਤਾ ਗਿਆ ਹੈ।
ਭਾਜਪਾ ਨੇ ਮੁੱਖ ਮੰਤਰੀ ਅਹੁਦੇ ਲਈ ਪਹਿਲੀ ਵਾਰ ਵਿਧਾਇਕ ਰੇਖਾ ਗੁਪਤਾ (CM Rekha Gupta) ਨੂੰ ਚੁਣਿਆ ਹੈ, ਜਦੋਂ ਕਿ ਆਮ ਆਦਮੀ ਪਾਰਟੀ ਨੇ ਸਾਬਕਾ ਮੁੱਖ ਮੰਤਰੀ ਆਤਿਸ਼ੀ (Atishi) ਨੂੰ ਵਿਰੋਧੀ ਧਿਰ ਦਾ ਆਗੂ ਨਿਯੁਕਤ ਕੀਤਾ ਹੈ।
ਦਿੱਲੀ ਵਿਧਾਨ ਸਭਾ (Delhi Assembly) ‘ਚ ਸਾਲ 1993 ਤੋਂ 1998 ਤੱਕ, ਭਾਜਪਾ ਨੇ ਮਦਨ ਲਾਲ ਖੁਰਾਨਾ, ਸਾਹਿਬ ਸਿੰਘ ਅਤੇ ਚੋਣਾਂ ਤੋਂ ਕੁਝ ਮਹੀਨੇ ਪਹਿਲਾਂ ਸੁਸ਼ਮਾ ਸਵਰਾਜ ਨੂੰ ਮੁੱਖ ਮੰਤਰੀ ਬਣਾਇਆ ਸੀ। ਸੁਸ਼ਮਾ ਸਵਰਾਜ ਦਿੱਲੀ ਦੀ ਪਹਿਲੀ ਮਹਿਲਾ ਮੁੱਖ ਮੰਤਰੀ ਬਣੀ। ਇਸ ਸਮੇਂ ਦੌਰਾਨ ਵਿਰੋਧੀ ਧਿਰ ਦੇ ਆਗੂ ਕਾਂਗਰਸ ਵਿਧਾਇਕ ਜਗਪ੍ਰਕਾਸ਼ ਚੰਦਰ ਸਨ।
ਸਾਲ 1998 ‘ਚ ਸੱਤਾ ਤਬਦੀਲੀ ਤੋਂ ਬਾਅਦ, ਕਾਂਗਰਸ ਨੇ ਸ਼ੀਲਾ ਦੀਕਸ਼ਿਤ ਨੂੰ ਮੁੱਖ ਮੰਤਰੀ ਬਣਾਇਆ ਅਤੇ ਉਹ ਸਾਲ 2013 ਤੱਕ ਮੁੱਖ ਮੰਤਰੀ ਰਹੀ। ਇਸ ਸਮੇਂ ਦੌਰਾਨ, 1998 ਤੋਂ 2008 ਤੱਕ ਵਿਧਾਨ ਸਭਾ ਦੇ ਤਿੰਨ ਕਾਰਜਕਾਲਾਂ ‘ਚ ਭਾਜਪਾ ਦੇ ਪ੍ਰੋ. ਜਗਦੀਸ਼ ਮੁਖੀ ਵਿਰੋਧੀ ਧਿਰ ਦੇ ਆਗੂ ਸਨ ਅਤੇ ਸਾਲ 2008 ਤੋਂ 2013 ਤੱਕ ਭਾਜਪਾ ਨੇ ਆਪਣੇ ਸੀਨੀਅਰ ਆਗੂ ਪ੍ਰੋ. ਵਿਜੇ ਕੁਮਾਰ ਮਲਹੋਤਰਾ ਨੂੰ ਵਿਰੋਧੀ ਧਿਰ ਦੇ ਆਗੂ ਦੀ ਜ਼ਿੰਮੇਵਾਰੀ ਸੌਂਪੀ ਗਈ।
ਜਦੋਂ ਆਮ ਆਦਮੀ ਪਾਰਟੀ 2013 ‘ਚ ਸੱਤਾ ਵਿੱਚ ਆਈ ਤਾਂ ਇਸਦੇ ਆਗੂ ਅਰਵਿੰਦ ਕੇਜਰੀਵਾਲ ਮੁੱਖ ਮੰਤਰੀ ਬਣੇ ਅਤੇ ਉਹ 2024 ਦੇ ਅੱਧ ਤੱਕ ਮੁੱਖ ਮੰਤਰੀ ਰਹੇ ਅਤੇ ‘ਆਪ’ ਦੇ ਸ਼ਾਸਨ ਦੇ ਤੀਜੇ ਕਾਰਜਕਾਲ ‘ਚ ‘ਆਪ’ ਨੇ ਆਤਿਸ਼ੀ ਨੂੰ ਮੁੱਖ ਮੰਤਰੀ ਬਣਾਇਆ।
ਜਦੋਂ ਕਿ ਭਾਜਪਾ ਨੇ ਡਾ. ਹਰਸ਼ਵਰਧਨ ਨੂੰ 2013 ‘ਚ ਵਿਜੇਂਦਰ ਗੁਪਤਾ ਨੂੰ 2015 ਤੋਂ 2020 ਤੱਕ ਅਤੇ ਰਾਮਵੀਰ ਸਿੰਘ ਬਿਧੂੜੀ ਨੂੰ 2020 ਤੋਂ 2024 ਤੱਕ ਵਿਰੋਧੀ ਧਿਰ ਦਾ ਆਗੂ ਬਣਾਇਆ। ਸਾਲ 2024 ‘ਚ ਸੰਸਦ ਮੈਂਬਰ ਬਣਨ ਤੋਂ ਬਾਅਦ, ਵਿਜੇਂਦਰ ਗੁਪਤਾ ਨੂੰ ਵਿਰੋਧੀ ਧਿਰ ਦੇ ਆਗੂ ਦੀ ਜ਼ਿੰਮੇਵਾਰੀ ਸੌਂਪੀ ਗਈ।
Read More: Delhi News: ਸਾਬਕਾ ਮੁੱਖ ਮੰਤਰੀ ਆਤਿਸ਼ੀ ਦਿੱਲੀ ‘ਚ ਵਿਰੋਧੀ ਧਿਰ ਦੇ ਹੋਣਗੇ ਨੇਤਾ
