19 ਫਰਵਰੀ 2025: ਪੰਜਾਬ ਵਿੱਚ ਜਨਮੇ ਬਲਵੀਰ ਸਿੰਘ (Balvir Singh) ਨਿਊ ਜਰਸੀ ਵਿਧਾਨ ਸਭਾ ਦੇ ਇਤਿਹਾਸ ਵਿੱਚ ਪਹਿਲੇ ਸਿੱਖ ਵਿਧਾਇਕ ਬਣ ਗਏ ਹਨ। ਸੰਯੁਕਤ ਰਾਸ਼ਟਰ ਨਾਲ ਜੁੜੀ ਸੰਸਥਾ ਯੂਨਾਈਟਿਡ ਸਿੱਖਸ ਨੇ ਉਨ੍ਹਾਂ ਨੂੰ ਵਿਧਾਇਕ ਬਣਨ ‘ਤੇ ਵਧਾਈ ਦਿੱਤੀ ਹੈ।
ਅਸੈਂਬਲੀ ਲਈ ਚੁਣੇ ਜਾਣ ਤੋਂ ਪਹਿਲਾਂ, ਬਲਵੀਰ ਸਿੰਘ ਨੇ ਬਰਲਿੰਗਟਨ ਟਾਊਨਸ਼ਿਪ ਬੋਰਡ ਆਫ਼ (Burlington Township Board of Education) ਐਜੂਕੇਸ਼ਨ (2015-2017) ਵਿੱਚ ਸੇਵਾ ਨਿਭਾਈ। ਫਿਰ ਉਹ ਬਰਲਿੰਗਟਨ ਕਾਉਂਟੀ ਬੋਰਡ ਆਫ਼ ਕਮਿਸ਼ਨਰਜ਼ ਲਈ ਚੁਣੇ ਗਏ। ਕਮਿਸ਼ਨਰ ਵਜੋਂ, ਉਸਨੇ ਕਿਫਾਇਤੀ ਰਿਹਾਇਸ਼, ਆਰਥਿਕ ਵਿਕਾਸ ਅਤੇ ਜਨਤਕ ਸਿਹਤ ਸੁਧਾਰਾਂ ਨੂੰ ਉਤਸ਼ਾਹਿਤ ਕਰਨ ਵਿੱਚ ਮੁੱਖ ਭੂਮਿਕਾ ਨਿਭਾਈ। ਉਨ੍ਹਾਂ ਦੇ ਯਤਨਾਂ ਸਦਕਾ 13 ਮਿਲੀਅਨ ਡਾਲਰ ਤੋਂ ਵੱਧ ਦਾ ਕਿਰਾਇਆ ਸਹਾਇਤਾ ਪ੍ਰੋਗਰਾਮ ਸ਼ੁਰੂ ਹੋਇਆ।
ਕਾਰੋਬਾਰਾਂ ਨੂੰ ਜ਼ੀਰੋ ਵਿਆਜ ਵਾਲੇ ਕਰਜ਼ੇ ਉਪਲਬਧ ਕਰਵਾਏ ਗਏ ਅਤੇ ਲੋੜਵੰਦਾਂ ਦੀ ਮਦਦ ਲਈ 60 ਬਿਸਤਰਿਆਂ ਵਾਲਾ ਐਮਰਜੈਂਸੀ (emergency) ਆਸਰਾ ਬਣਾਇਆ ਗਿਆ। ਬਲਵੀਰ ਸਿੰਘ ਦਾ ਜਨਮ ਹੁਸ਼ਿਆਰਪੁਰ ਵਿੱਚ ਹੋਇਆ ਸੀ। ਉਹ 14 ਸਾਲ ਦੀ ਉਮਰ ਵਿੱਚ ਆਪਣੇ ਪਰਿਵਾਰ ਨਾਲ ਅਮਰੀਕਾ ਚਲਾ ਗਿਆ। ਉੱਥੇ ਉਸਨੇ ਬਰਲਿੰਗਟਨ ਸਿਟੀ ਹਾਈ ਸਕੂਲ ਵਿੱਚ ਪੜ੍ਹਾਈ ਕੀਤੀ।
Read More: ਪ੍ਰੀਮੀਅਰ ਲੀਗ 2025 ‘ਚ ਰਾਇਲ ਚੈਲੇਂਜਰਜ਼ ਬੰਗਲੁਰੂ ਦੀ ਲਗਾਤਾਰ ਦੂਜੀ ਜਿੱਤ
