ਚੰਡੀਗੜ੍ਹ, 8 ਨਵੰਬਰ 2024: ਤਮਿਲ ਸੁਪਰਸਟਾਰ ਸੂਰਿਆ ਦੀ ਫਿਲਮ ਕੰਗੂਵਾ (Kanguva) ਨੂੰ ਸੈਂਸਰ ਬੋਰਡ ਨੇ ਪਾਸ ਕਰ ਦਿੱਤਾ ਹੈ | ਫੈਨ ਲੰਮੇ ਸਮੇਂ ਤੋਂ ਤਮਿਲ ਸੁਪਰਸਟਾਰ ਸੂਰਿਆ ਦੀ ਫਿਲਮ ਕੰਗੂਵਾ ਦਾ ਇੰਤਜ਼ਾਰ ਕਰ ਰਹੇ ਹਨ। ਪਹਿਲਾਂ ਇਹ ਫਿਲਮ ਅਕਤੂਬਰ ‘ਚ ਰਿਲੀਜ਼ ਹੋਣੀ ਸੀ ਪਰ ਬਾਅਦ ‘ਚ ਇਸ ਦੀ ਤਾਰੀਖ਼ ਟਾਲ ਦਿੱਤੀ ਗਈ ਸੀ। ਹੁਣ ਇਹ ਫਿਲਮ 14 ਨਵੰਬਰ ਨੂੰ ਵੱਡੇ ਪਰਦੇ ‘ਤੇ ਦਸਤਕ ਦੇਣ ਜਾ ਰਹੀ ਹੈ।
ਫਿਲਮ ਕੰਗੂਵਾ (Kanguva) ਦਾ ਨਿਰਦੇਸ਼ਨ ਸ਼ਿਵਾ ਨੇ ਕੀਤਾ ਹੈ। ਫਿਲਮ ਦੀ ਰਿਲੀਜ਼ ਡੇਟ ਨੇੜੇ ਆਉਣ ਨਾਲ ਹੁਣ ਇਸ ਨੂੰ ਸੈਂਸਰ ਬੋਰਡ ਨੇ ਪਾਸ ਕਰ ਦਿੱਤਾ ਹੈ। ਇਸ ਦੀ ਜਾਣਕਾਰੀ ਖੁਦ ਫਿਲਮ ਦੇ ਮੇਕਰਸ ਨੇ ਸੋਸ਼ਲ ਮੀਡੀਆ ਰਾਹੀਂ ਦਿੱਤੀ ਹੈ। ਫਿਲਮ ਨੂੰ ਸੈਂਸਰ ਬੋਰਡ ਆਫ ਫਿਲਮ ਸਰਟੀਫਿਕੇਸ਼ਨ ਦੁਆਰਾ U/A ਸਰਟੀਫਿਕੇਟ ਦਿੱਤਾ ਗਿਆ ਹੈ।
ਪ੍ਰੋਡਕਸ਼ਨ ਹਾਊਸ ਨੇ ਪੋਸਟ ਕੀਤਾ, “ਇੱਕ ਅਨੋਖਾ ਸਾਹਸ ਸਾਡੇ ਸਾਰਿਆਂ ਦਾ ਇੰਤਜ਼ਾਰ ਕਰ ਰਿਹਾ ਹੈ। ਸਾਡੀ ਸ਼ਾਨਦਾਰ ਰਚਨਾ ਕੰਗੁਵਾ ਨੂੰ ਇੱਕ U/A ਸਰਟੀਫਿਕੇਟ ਦਿੱਤਾ ਗਿਆ ਹੈ। ਇਸਨੂੰ 3D ‘ਚ ਅਨੁਭਵ ਕਰਨ ਲਈ ਤਿਆਰ ਰਹੋ।”
ਕੇ ਗਿਆਨਵੇਲ ਰਾਜਾ ਦੇ ਸਟੂਡੀਓ ਗ੍ਰੀਨ ਦੁਆਰਾ ਨਿਰਮਿਤ, ਫਿਲਮ ਵਿੱਚ ਬੌਬੀ ਦਿਓਲ, ਦਿਸ਼ਾ ਪਟਾਨੀ, ਮਰੁਣਾਲ ਠਾਕੁਰ, ਯੋਗੀ ਬਾਬੂ, ਕੋਵਈ ਸਰਲਾ ਅਤੇ ਰੈਡਿਨ ਕਿੰਗਸਲੇ ਨੇ ਕੰਮ ਕੀਤਾ ਹੈ। ‘ਕੰਗੂਵਾ’ ਦਾ ਸੰਗੀਤ ਦੇਵੀ ਸ੍ਰੀ ਪ੍ਰਸਾਦ ਨੇ ਦਿੱਤਾ ਹੈ।
