11 ਜੁਲਾਈ 2025: ਹਰਿਆਣਾ ਦੇ ਗੁਰੂਗ੍ਰਾਮ (gurugram) ਵਿੱਚ ਇੱਕ ਬਿਲਡਰ ਪਿਤਾ ਨੇ ਆਪਣੀ ਸਾਬਕਾ ਰਾਸ਼ਟਰੀ ਪੱਧਰ ਦੀ ਟੈਨਿਸ ਖਿਡਾਰਨ ਧੀ ਰਾਧਿਕਾ ਯਾਦਵ (25) ਦੀ ਪਿੱਠ ਵਿੱਚ ਗੋਲੀ ਮਾਰ ਕੇ ਉਸਦਾ ਕਤਲ ਕਰ ਦਿੱਤਾ। ਘਟਨਾ ਸਮੇਂ ਪਿਤਾ ਅਤੇ ਧੀ ਘਰ ਵਿੱਚ ਇਕੱਲੇ ਸਨ। ਰਾਧਿਕਾ ਰਸੋਈ ਵਿੱਚ ਖਾਣਾ ਬਣਾ ਰਹੀ ਸੀ, ਜਦੋਂ ਪਿਤਾ ਨੇ ਲਾਇਸੈਂਸੀ ਰਿਵਾਲਵਰ ਨਾਲ ਉਸ ‘ਤੇ ਤਿੰਨ ਗੋਲੀਆਂ ਚਲਾਈਆਂ।
ਉਥੇ ਹੀ ਜਦੋਂ ਗੁਆਂਢੀਆਂ ਨੇ ਗੋਲੀਬਾਰੀ ਦੀ ਆਵਾਜ਼ ਸੁਣੀ ਤਾਂ ਉਹ ਮੌਕੇ ‘ਤੇ ਪਹੁੰਚ ਗਏ। ਰਾਧਿਕਾ (radhika) ਦੀ ਲਾਸ਼ ਖੂਨ ਨਾਲ ਲੱਥਪੱਥ ਰਸੋਈ ਵਿੱਚ ਪਈ ਮਿਲੀ ਅਤੇ ਉਸਦਾ ਪਿਤਾ ਵੀ ਨੇੜੇ ਹੀ ਬੈਠਾ ਸੀ। ਇਸ ਤੋਂ ਬਾਅਦ ਰਾਧਿਕਾ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ।
ਉਥੇ ਹੀ ਦੂਜੇ ਪਾਸੇ, ਸੂਚਨਾ ਮਿਲਦੇ ਹੀ ਪੁਲਿਸ ਵੀ ਮੌਕੇ ‘ਤੇ ਪਹੁੰਚ ਗਈ। ਪੁਲਿਸ ਨੇ ਦੋਸ਼ੀ ਪਿਤਾ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਮੌਕੇ ਤੋਂ ਲਾਇਸੈਂਸੀ ਰਿਵਾਲਵਰ ਵੀ ਬਰਾਮਦ ਕਰ ਲਿਆ ਗਿਆ ਹੈ। ਚਾਚੇ ਦੀ ਸ਼ਿਕਾਇਤ ‘ਤੇ ਪੁਲਿਸ ਨੇ ਕਤਲ ਦਾ ਮਾਮਲਾ ਦਰਜ ਕਰ ਲਿਆ ਹੈ।
ਦੱਸ ਦੇਈਏ ਕਿ ਪੁਲਿਸ ਵੱਲੋਂ ਕੀਤੀ ਗਈ ਸ਼ੁਰੂਆਤੀ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਰਾਧਿਕਾ ਇੱਕ ਟੈਨਿਸ ਅਕੈਡਮੀ ਚਲਾਉਂਦੀ ਸੀ, ਜਿਸਦੀ ਚੰਗੀ ਕਮਾਈ ਸੀ। ਲੋਕ ਉਸਦੇ ਪਿਤਾ ਨੂੰ ਤਾਅਨੇ ਮਾਰਦੇ ਸਨ ਕਿ ਉਹ ਉਸਦੀ ਧੀ ਦੀ ਕਮਾਈ ਖਾ ਰਿਹਾ ਹੈ।ਵੀਰਵਾਰ ਨੂੰ, ਇਸ ਤੋਂ ਨਾਰਾਜ਼ ਪਿਤਾ ਨੇ ਉਸਨੂੰ ਟੈਨਿਸ ਅਕੈਡਮੀ ਬੰਦ ਕਰਨ ਲਈ ਕਿਹਾ। ਪਰ ਰਾਧਿਕਾ ਸਹਿਮਤ ਨਹੀਂ ਹੋਈ ਅਤੇ ਦੋਵਾਂ ਵਿਚਕਾਰ ਬਹਿਸ ਹੋ ਗਈ। ਜਿਸ ਤੋਂ ਬਾਅਦ ਉਸਦੇ ਪਿਤਾ ਨੇ ਗੁੱਸੇ ਵਿੱਚ ਆ ਕੇ ਉਸਨੂੰ ਗੋਲੀ ਮਾਰ ਦਿੱਤੀ।
Read More: Gurugram: ਰੇਡੀਓ ਜੌਕੀ’ ਸਿਮਰਨ ਸਿੰਘ ਦੀ ਮੌਤ ਮਾਮਲੇ ‘ਚ ਵੱਡੀ ਅਪਡੇਟ, ਅਗਲੀ ਜਾਂਚ ਬੰਦ
