ਬਿਨਾਂ ਪੱਖਪਾਤ ਤੋਂ ਪਿੰਡਾਂ ਦਾ ਵਿਕਾਸ ਯਕੀਨੀ ਬਣਾ ਰਹੇ ਹਾਂ-ਲਾਲ ਚੰਦ ਕਟਾਰੂਚੱਕ
ਪੰਚਾਇਤ ਮੈਂਬਰਾਂ ਨੂੰ ਰਾਸ਼ੀ ਦੀ ਸੁਚੱਜੀ ਵਰਤੋਂ ਯਕੀਨੀ ਬਣਾਉਣ ਦੀ ਅਪੀਲ
ਚੰਡੀਗੜ੍ਹ/ਪਠਾਨਕੋਟ, 15 ਫ਼ਰਵਰੀ 2025 : ਪੰਜਾਬ ਦੇ ਕੈਬਨਿਟ ਮੰਤਰੀ ਲਾਲ ਚੰਦ ਕਟਾਰੂਚੱਕ ਨੇ ਅੱਜ ਪਿੰਡਾਂ ਦੇ ਵੱਖ-ਵੱਖ ਵਿਕਾਸ ਕਾਰਜਾਂ ਅਤੇ ਲੋਕਾਂ ਲਈ ਬੁਨਿਆਦੀ ਢਾਂਚਾ ਸਹੂਲਤਾਂ ਦੇ ਨਿਰਮਾਣ ਲਈ ਵਿਧਾਨ ਸਭਾ ਹਲਕਾ ਭੋਆ ਦੀਆਂ 48 ਨਵੀਆਂ ਪੰਚਾਇਤਾਂ ਨੂੰ ਕਰੀਬ 2.50 ਕਰੋੜ ਰੁਪਏ ਦੀਆਂ ਗ੍ਰਾਂਟਾਂ ਦੇ ਚੈੱਕ ਤਕਸੀਮ ਕੀਤੇ।
ਪਿੰਡ ਕਟਾਰੂਚੱਕ ਵਿਖੇ ਕਰਵਾਏ ਗਏ ਇੱਕ ਸਮਾਗਮ ਦੌਰਾਨ ਲਾਲ ਚੰਦ ਕਟਾਰੂਚੱਕ ਕੈਬਨਿਟ ਮੰਤਰੀ ਪੰਜਾਬ ਨੇ ਇਕੱਤਰ ਹੋਏ ਸਮੂਹ ਸਰਪੰਚਾਂ ਅਤੇ ਪੰਚਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਵਾਲੀ ਸਰਕਾਰ ਸੂਬੇ ਦੇ ਵਿਕਾਸ ਲਈ ਕੋਈ ਕਸਰ ਬਾਕੀ ਨਹੀਂ ਛੱਡ ਰਹੀ। ਉਨ੍ਹਾਂ ਕਿਹਾ ਕਿ ਇਸੇ ਲੜੀ ਤਹਿਤ ਪਿੰਡਾਂ ਦੇ ਵਿਕਾਸ ਲਈ ਵੱਧ ਤੋਂ ਵੱਧ ਗ੍ਰਾਂਟਾਂ ਦਿੱਤੀਆਂ ਜਾ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਮਾਨ ਸਰਕਾਰ ਵੱਲੋਂ ਅੱਜ ਪਿੰਡਾਂ ਵਿੱਚ ਮੁੱਢਲੀਆਂ ਸਹੂਲਤਾਂ ਦੇ ਵਿਕਾਸ ਲਈ ਕਰੀਬ 2.50 ਕਰੋੜ ਰੁਪਏ ਦੀ ਰਾਸ਼ੀ ਵੰਡੀ ਗਈ ਹੈ।
ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਲਾਲ ਚੰਦ ਕਟਾਰੂਚੱਕ ਕੈਬਨਿਟ ਮੰਤਰੀ ਪੰਜਾਬ ਨੇ ਕਿਹਾ ਕਿ ਸੂਬਾ ਸਰਕਾਰ ਨੇ 2022 ਵਿੱਚ ਸੱਤਾ ਸੰਭਾਲਣ ਤੋਂ ਲੈ ਕੇ ਹੁਣ ਤੱਕ ਪਿੰਡਾਂ ਦੇ ਵਿਕਾਸ ਕਾਰਜਾਂ ਨੂੰ ਤਰਜੀਹ ਦਿੱਤੀ ਹੈ ਅਤੇ ਲਗਾਤਾਰ ਪਿੰਡਾਂ ਨੂੰ ਗ੍ਰਾਂਟਾਂ ਦਿੱਤੀਆਂ ਜਾ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਪਿੰਡਾਂ ਨੂੰ ਵੰਡੀ ਗਈ 2 ਕਰੋੜ 47 ਲੱਖ ਰੁਪਏ ਦੀ ਰਾਸ਼ੀ ਨਾਲ ਵੱਖ-ਵੱਖ ਵਿਕਾਸ ਕਾਰਜਾਂ ਜਿਵੇਂ ਕਮਿਊਨਿਟੀ ਹਾਲਾਂ ਦੀ ਉਸਾਰੀ, ਗੰਦੇ ਪਾਣੀ ਦੀ ਨਿਕਾਸੀ, ਨਾਲੀਆਂ ਦਾ ਨਿਰਮਾਣ, ਸੋਲਰ ਲਾਈਟਾਂ ਲਾਉਣ, ਡੂੰਘੇ ਬੋਰ ਲਾਉਣਾ, ਲਿਕੁਇਡ ਅਤੇ ਸੋਲਿਡ ਵੇਸਟ ਪ੍ਰਬੰਧਨ, ਸਮਾਰਟ ਪਿੰਡ ਬਣਾਉਣ, ਖੇਡ ਮੈਦਾਨਾਂ ਦੀ ਉਸਾਰੀ, ਤਲਾਬਾਂ ਤੇ ਨਿਕਾਸੀ ਛੱਪੜਾਂ ਦੀ ਉਸਾਰੀ ਆਦਿ ਦੇ ਕਾਰਜ ਨੇਪਰੇ ਚਾੜ੍ਹੇ ਜਾਣਗੇ।
ਉਨ੍ਹਾਂ ਕਿਹਾ ਕਿ ਨਵੀਆਂ ਬਣੀਆਂ ਪੰਚਾਇਤਾਂ ਦੀਆਂ ਮੰਗਾਂ ਦੇ ਆਧਾਰ ’ਤੇ ਇਹ ਗ੍ਰਾਂਟਾਂ ਬਿਨਾਂ ਕਿਸੇ ਪੱਖਪਾਤ ਤੋਂ ਪਿੰਡਾਂ ਦੇ ਵਿਕਾਸ ਲਈ ਦਿੱਤੀਆਂ ਗਈਆਂ ਹਨ।
ਉਨ੍ਹਾਂ ਪੰਚਾਇਤ ਮੈਂਬਰਾਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਰਾਸ਼ੀ ਦੀ ਸੁਚੱਜੀ ਵਰਤੋਂ ਯਕੀਨੀ ਬਣਾਉਣ। ਉਨ੍ਹਾਂ ਭਰੋਸਾ ਦਿਵਾਇਆ ਕਿ ਪਿੰਡਾਂ ਦੇ ਵਿਕਾਸ ਲਈ ਫੰਡਾਂ ਦੀ ਕੋਈ ਕਮੀ ਨਹੀਂ ਆਉਣ ਦਿੱਤੀ ਜਾਵੇਗੀ।
ਸਮਾਰੋਹ ਦੌਰਾਨ ਵੱਖ ਵੱਖ ਪਿੰਡਾਂ ਨੂੰ ਗ੍ਰਾਂਟਾਂ ਦੀ ਵੰਡ ਕੀਤੀ ਗਈ ਜਿਸ ਵਿੱਚ ਪਿੰਡ ਭਟੋਆ ਨੂੰ 12 ਲੱਖ ਤਲਾਬ ਅਤੇ ਗੰਦੇ ਨਾਲੇ ਦੀ ਉਸਾਰੀ ਲਈ , ਪਿੰਡ ਪਹਾੜੋਚੱਕ ਨੂੰ 4 ਲੱਖ ਰੁਪਏ ਗੰਦੇ ਨਾਲੇ ਦੀ ਉਸਾਰੀ ਲਈ, ਮੈਰਾਂਕਲ੍ਹਾ ਨੂੰ 5 ਲੱਖ ਰੁਪਏ ਡੂੰਘੇ ਬੋਰ ਲਈ, ਪਿੰਡ ਬਲੌਰ ਨੂੰ 8 ਲੱਖ ਰੁਪਏ ਗੰਦੇ ਨਾਲੇ ਦੀ ਉਸਾਰੀ ਲਈ, ਪਿੰਡ ਸ਼ਾਹੂਚੱਕ ਨੂੰ 5 ਲੱਖ ਰੁਪਏ ਗੰਦੇ ਨਾਲੇ ਦੀ ਨਿਕਾਸੀ ਲਈ, ਪਿੰਡ ਗੁਰੂ ਨਾਭਾ ਦਾਸ ਬਸਤੀ ਨੂੰ 5 ਲੱਖ ਰੁਪਏ ਡੂੰਘੇ ਬੋਰ ਲਈ, ਪਿੰਡ ਮਦਾਰਪੁਰ ਨੂੰ 7 ਲੱਖ ਰੁਪਏ ਛੱਪੜ ਅਤੇ ਕਮਿਊਨਿਟੀ ਹਾਲ ਦੀ ਉਸਾਰੀ ਲਈ, ਪਿੰਡ ਆਸਾ ਬਾਨੋ ਨੂੰ 5 ਲੱਖ ਰੁਪਏ ਡੂੰਘੇ ਬੋਰ ਲਈ, ਪਿੰਡ ਗੋਤਰਾ ਲਾਹੜੀ ਨੂੰ 10 ਲੱਖ ਰੁਪਏ ਡੂੰਘੇ ਬੋਰ ਲਈ ਪਾਈਪਾਂ ਪਾਉਣ ਵਾਸਤੇ, ਪਿੰਡ ਰਮਕਾਲਮਾ ਨੂੰ 11.40 ਲੱਖ ਰੁਪਏ ਪੀਣ ਵਾਲੇ ਪਾਣੀ ਅਤੇ ਕਮਿਊਨਿਟੀ ਹਾਲ ਦੀ ਉਸਾਰੀ ਲਈ, ਪਿੰਡ ਰਾਜਪਰੂਰਾ ਨੂੰ 2 ਲੱਖ ਰੁਪਏ ਸੋਲਰ ਪੰਪ ਲਈ, ਪਿੰਡ ਰਕਵਾਲ ਨੂੰ 5 ਲੱਖ ਰੁਪਏ ਗੰਦੇ ਨਾਲੇ ਦੀ ਨਿਕਾਸੀ ਲਈ, ਪਿੰਡ ਰਛਪਾਲਵਾਂ ਨੂੰ 3 ਲੱਖ ਗੰਦੇ ਪਾਣੀ ਦੀ ਨਿਕਾਸੀ ਲਈ, ਪਿੰਡ ਬਾਰਠ ਸਾਹਿਬ ਨੂੰ 3 ਲੱਖ ਗੰਦੇ ਨਾਲੇ ਦੀ ਨਿਕਾਸੀ ਲਈ, ਪਿੰਡ ਸਿਹੋੜਾਕਲ੍ਹਾ ਨੂੰ 8 ਲੱਖ ਰੁਪਏ ਗੰਦੇ ਨਾਲੇ ਦੀ ਨਿਕਾਸੀ ਲਈ, ਪਿੰਡ ਦਰਸੋਪੁਰ ਨੂੰ 7 ਲੱਖ ਰੁਪਏ ਗੰਦੇ ਨਾਲੇ ਦੀ ਉਸਾਰੀ ਲਈ, ਪਿੰਡ ਫਿਰੋਜ਼ਪੁਰ ਕਲਾਂ ਨੂੰ 5 ਲੱਖ ਰੁਪਏ ਛੱਪੜ ਦੀ ਉਸਾਰੀ ਲਈ, ਪਿੰਡ ਅੰਬੀ ਖੜਕੜਾ ਨੂੰ 3 ਲੱਖ ਰੁਪਏ ਗੰਦੇ ਨਾਲੇ ਲਈ, ਪਿੰਡ ਪਤਰਾਲਮਾ ਟਿੱਕਾ ਸਤੀਨ ਨੂੰ 3 ਲੱਖ ਰੁਪਏ ਡੂੰਘੇ ਬੋਰ ਲਈ, ਪਿੰਡ ਸਮਰਾਲਾ ਨੂੰ 7 ਲੱਖ ਰੁਪਏ ਛੱਪੜ ਅਤੇ ਗੰਦੇ ਨਾਲੇ ਲਈ, ਪਿੰਡ ਗੁਜਰਾਤ ਨੂੰ 4 ਲੱਖ ਰੁਪਏ ਡੂੰਘੇ ਬੋਰ ਲਈ, ਪਿੰਡ ਬਗਿਆਲ ਨੂੰ 3 ਲੱਖ ਰੁਪਏ ਗੰਦੇ ਨਾਲੇ ਲਈ, ਪਿੰਡ ਜਖਵੜ ਨੂੰ 3 ਲੱਖ ਗੰਦੇ ਨਾਲੇ ਲਈ, ਪਿੰਡ ਕੋਹਲੀਆਂ ਨੂੰ 17 ਲੱਖ ਰੁਪਏ ਕਮਿਊਨਿਟੀ ਹਾਲ ਲਈ, ਪਿੰਡ ਨੱਕੀ ਨੂੰ 7 ਲੱਖ ਰੁਪਏ ਕਮਿਊਨਟੀ ਹਾਲ ਲਈ, ਪਿੰਡ ਮਨਵਾਲ ਉੱਪਰਲਾ ਨੂੰ 4 ਲੱਖ ਰੁਪਏ ਕਮਿਊਨਿਟੀ ਹਾਲ ਲਈ, ਪਿੰਡ ਘੋਹ ਨੂੰ 7 ਲੱਖ ਰੁਪਏ ਕਮਿਊਨਿਟੀ ਹਾਲ ਲਈ, ਪਿੰਡ ਜਕਰੋਰ ਨੂੰ 7 ਲੱਖ ਰੁਪਏ ਖੇਡ ਮੈਦਾਨ ਲਈ, ਪਿੰਡ ਕਟਾਰੂਚੱਕ ਨੂੰ 7 ਲੱਖ ਰੁਪਏ ਕਮਿਊਨਿਟੀ ਹਾਲ ਲਈ ਅਤੇ 8.5 ਲੱਖ ਰੁਪਏ ਸਮਾਰਟ ਪਿੰਡ ਮੁਹਿੰਮ ਲਈ, ਪਿੰਡ ਚਸਮਾ ਨੂੰ 6 ਲੱਖ ਰੁਪਏ ਕਮਿਊਨਟੀ ਹਾਲ ਲਈ, ਪਿੰਡ ਸ਼ਾਹੂਚੱਕ ਨੂੰ 7 ਲੱਖ ਰੁਪਏ ਕਮਿਊਨਿਟੀ ਹਾਲ ਲਈ, ਪਿੰਡ ਡੇਰਾ ਬਾਬਾ ਬਸੰਤਪੁਰੀ ਨੂੰ 8 ਲੱਖ ਰੁਪਏ ਕਮਿਊਨਟੀ ਹਾਲ ਅਤੇ 1.69 ਲੱਖ ਰੁਪਏ ਸਮਾਰਟ ਪਿੰਡ ਮੁਹਿੰਮ ਲਈ, ਪਿੰਡ ਸੁਕਾਲਗੜ੍ਹ ਨੂੰ 6.5 ਲੱਖ ਰੁਪਏ ਕਮਿਊਨਿਟੀ ਹਾਲ ਲਈ, ਖੜਕੜਾ ਨੂੰ 1 ਲੱਖ ਰੁਪਏ ਸੋਲਰ ਲਾਈਟਾਂ ਲਈ, ਪਿੰਡ ਫਰਵਾਲ ਨੂੰ 2 ਲੱਖ ਲਿਕੁਇਡ ਵੇਸਟ ਪ੍ਰਬੰਧਨ ਲਈ, ਪਿੰਡ ਭਾਖੜੀ ਨੂੰ 1.5 ਲੱਖ ਰੁਪਏ ਸੋਲਿਡ ਵੇਸਟ ਪ੍ਰਬੰਧਨ ਲਈ, ਪਿੰਡ ਰਕਵਾਲ ਨੂੰ 2 ਲੱਖ ਰੁਪਏ ਵਿਕਾਸ ਕਾਰਜਾਂ ਲਈ, ਪਿਡ ਹੈਜਾਤੀਚੱਕ ਨੂੰ 1 ਲੱਖ ਰੁਪਏ ਸੋਲਰ ਲਾਈਟਾਂ ਲਈ, ਚੜਕ ਨੂੰ 2 ਲੱਖ ਰੁਪਏ ਲਿਕੁਇਡ ਵੇਸਟ ਪ੍ਰਬੰਧਨ ਲਈ, ਮੁੱਠੀ ਨੂੰ 2 ਲੱਖ ਰੁਪਏ ਵਿਕਾਸ ਕਾਰਜਾਂ ਲਈ, ਮਿਰਜ਼ਾਪੁਰ ਨੂੰ 3 ਲੱਖ ਰੁਪਏ ਸੋਲਰ ਲਾਈਟਾਂ ਅਤੇ ਨਾਲੀਆਂ ਲਈ, ਪਹਾੜੀਪੁਰ ਨੂੰ 1.5 ਲੱਖ ਰੁਪਏ ਸੋਲਿਡ ਵੇਸਟ ਪ੍ਰਬੰਧਨ ਲਈ, ਝਲੋਆ ਨੂੰ 3 ਲੱਖ ਰੁਪਏ ਲਿਕੁਇਡ ਵੇਸਟ ਪ੍ਰਬੰਧਨ ਲਈ ਕੋਟਲੀ ਮੁਗ਼ਲਾਂ ਨੂੰ 2 ਲੱਖ ਰੁਪਏ ਵਿਕਾਸ ਕਾਰਜਾਂ ਲਈ ਅਤੇ ਸਹਾਰਨਪੁਰ ਨੂੰ 10 ਲੱਖ ਰੁਪਏ ਸ਼ਹੀਦੀ ਗੇਟ ਦੇ ਨਿਰਮਾਣ ਲਈ ਦਿੱਤੇ ਗਏ।
ਇਸ ਮੌਕੇ ਉੱਤੇ ਹੋਰਨਾਂ ਤੋਂ ਇਲਾਵਾ ਸਰਵਸ੍ਰੀ ਨਰੇਸ਼ ਸੈਣੀ ਜਿਲ੍ਹਾ ਪ੍ਰਧਾਨ ਬੀ.ਸੀ. ਵਿੰਗ, ਪਵਨ ਕੁਮਾਰ ਫੋਜੀ ਬਲਾਕ ਪ੍ਰਧਾਨ, ਸੂਬੇਦਾਰ ਕੁਲਵੰਤ ਸਿੰਘ ਬਲਾਕ ਪ੍ਰਧਾਨ, ਖੁਸਬੀਰ ਕਾਟਲ, ਰਾਜਾ ਬਕਨੋਰ, ਪਿੰਡ ਕਟਾਰੂਚੱਕ ਸਰਪੰਚ ਉਰਮਿਲਾ ਦੇਵੀ, ਸੌਰਭ ਬਹਿਲ, ਭੁਪਿੰਦਰ ਸਿੰਘ ਠਾਕੁਰ ਆਦਿ ਹਾਜ਼ਿਰ ਸਨ।
