ਸਪੋਰਟਸ, 08 ਸਤੰਬਰ 2025: ENG ਬਨਾਮ SA: ਇੰਗਲੈਂਡ ਨੇ ਤੀਜੇ ਵਨਡੇ ਮੈਚ ‘ਚ ਦੱਖਣੀ ਅਫਰੀਕਾ ਨੂੰ 342 ਦੌੜਾਂ ਨਾਲ ਹਰਾ ਦਿੱਤਾ। ਇਹ ਵਨਡੇ ਇਤਿਹਾਸ ‘ਚ ਦੌੜਾਂ ਦੇ ਫ਼ਰਕ ਨਾਲ ਸਭ ਤੋਂ ਵੱਡੀ ਜਿੱਤ ਦਾ ਰਿਕਾਰਡ ਸੀ। ਇਸ ਤੋਂ ਪਹਿਲਾਂ ਭਾਰਤ ਨੇ 2023 ‘ਚ ਸ਼੍ਰੀਲੰਕਾ ਨੂੰ 317 ਦੌੜਾਂ ਨਾਲ ਹਰਾਇਆ ਸੀ। ਇਹ ਹਾਰ ਵਨਡੇ ਕ੍ਰਿਕਟ ਦੇ ਇਤਿਹਾਸ ‘ਚ ਕਿਸੇ ਵੀ ਟੀਮ ਦੀ ਸਭ ਤੋਂ ਵੱਡੀ ਦੌੜਾਂ ਦੇ ਫਰਕ ਨਾਲ ਹੋਈ ਹਾਰ ਬਣ ਗਈ। ਪਿਛਲਾ ਰਿਕਾਰਡ ਭਾਰਤ ਨੇ 2023 ‘ਚ ਬਣਾਇਆ ਸੀ ਜਦੋਂ ਉਨ੍ਹਾਂ ਨੇ ਸ਼੍ਰੀਲੰਕਾ ਨੂੰ 317 ਦੌੜਾਂ ਨਾਲ ਹਰਾਇਆ ਸੀ।
ਐਤਵਾਰ ਨੂੰ ਇੰਗਲੈਂਡ ਨੇ ਸਾਊਥੈਂਪਟਨ ‘ਚ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 414 ਦੌੜਾਂ ਬਣਾਈਆਂ। ਪ੍ਰੋਟੀਆ ਟੀਮ ਸਿਰਫ਼ 72 ਦੌੜਾਂ ‘ਤੇ ਆਲ ਆਊਟ ਹੋ ਗਈ। ਇਸ ਦੇ ਬਾਵਜੂਦ, ਦੱਖਣੀ ਅਫਰੀਕਾ ਨੇ ਵਨਡੇ ਸੀਰੀਜ਼ 2-1 ਨਾਲ ਜਿੱਤ ਲਈ। ਇੰਗਲੈਂਡ ਵੱਲੋਂ ਜੈਕਬ ਬੈਥਲ ਅਤੇ ਜੋ ਰੂਟ ਨੇ ਸੈਂਕੜੇ ਲਗਾਏ। ਇਸ ਦੇ ਨਾਲ ਹੀ ਤੇਜ਼ ਗੇਂਦਬਾਜ਼ ਜੋਫਰਾ ਆਰਚਰ ਨੇ 4 ਵਿਕਟਾਂ ਲਈਆਂ।
ਇਸ ਤੋਂ ਪਹਿਲਾਂ ਇੰਗਲੈਂਡ ਦੀ ਸਭ ਤੋਂ ਵੱਡੀ ਜਿੱਤ 2018 ‘ਚ ਆਈ ਸੀ, ਜਦੋਂ ਉਨ੍ਹਾਂ ਨੇ ਆਸਟ੍ਰੇਲੀਆ ਨੂੰ 242 ਦੌੜਾਂ ਨਾਲ ਹਰਾਇਆ ਸੀ। ਦੱਖਣੀ ਅਫਰੀਕਾ ਨੇ ਇੰਗਲੈਂਡ ਵਿਰੁੱਧ ਆਪਣਾ ਸਭ ਤੋਂ ਘੱਟ ਸਕੋਰ ਵੀ ਬਣਾਇਆ ਸੀ। ਟੀਮ 2008 ‘ਚ 83 ਦੌੜਾਂ ‘ਤੇ ਆਲ ਆਊਟ ਹੋ ਗਈ ਸੀ। ਇਹ ਵਨਡੇ ‘ਚ ਦੱਖਣੀ ਅਫਰੀਕਾ ਦਾ ਦੂਜਾ ਸਭ ਤੋਂ ਘੱਟ ਸਕੋਰ ਸੀ। ਟੀਮ 1993 ‘ਚ ਆਸਟ੍ਰੇਲੀਆ ਵਿਰੁੱਧ 69 ਦੌੜਾਂ ‘ਤੇ ਵੀ ਸਿਮਟ ਗਈ ਹੈ।
ਦੱਖਣੀ ਅਫਰੀਕਾ ਨੇ ਦ ਰੋਜ਼ ਬਾਊਲ ਸਟੇਡੀਅਮ ‘ਚ ਫੀਲਡਿੰਗ ਕਰਨ ਦਾ ਫੈਸਲਾ ਕੀਤਾ। ਬੇਨ ਡਕੇਟ ਅਤੇ ਜੈਮੀ ਸਮਿਥ ਨੇ ਇੰਗਲੈਂਡ ਨੂੰ ਮਜ਼ਬੂਤ ਸ਼ੁਰੂਆਤ ਦਿੱਤੀ। ਦੋਵਾਂ ਨੇ 8ਵੇਂ ਓਵਰ ‘ਚ ਪੰਜਾਹ ਦੀ ਸਾਂਝੇਦਾਰੀ ਕੀਤੀ। ਡਕੇਟ 31 ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਉਸ ਤੋਂ ਬਾਅਦ ਸਮਿਥ ਟੀਮ ਨੂੰ 100 ਦੌੜਾਂ ਤੋਂ ਪਾਰ ਲੈ ਗਿਆ। ਜੈਮੀ ਸਮਿਥ 62 ਦੌੜਾਂ ਬਣਾ ਕੇ ਆਊਟ ਹੋ ਗਿਆ।
117 ਦੌੜਾਂ ‘ਤੇ 2 ਵਿਕਟਾਂ ਗੁਆਉਣ ਤੋਂ ਬਾਅਦ, ਜੋ ਰੂਟ ਅਤੇ ਜੈਕਬ ਬੈਥਲ ਨੇ ਇੰਗਲੈਂਡ ਦੀ ਕਮਾਨ ਸੰਭਾਲੀ। ਦੋਵਾਂ ਨੇ 40 ਓਵਰਾਂ ਬਾਅਦ ਟੀਮ ਦਾ ਸਕੋਰ 299 ਤੱਕ ਪਹੁੰਚਾਇਆ। ਤੀਜੀ ਵਿਕਟ ਲਈ ਦੋਵਾਂ ਵਿਚਕਾਰ 182 ਦੌੜਾਂ ਦੀ ਸਾਂਝੇਦਾਰੀ ਹੋਈ। ਬੈਥਲ 110 ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਉਸ ਤੋਂ ਬਾਅਦ, ਕਪਤਾਨ ਹੈਰੀ ਬਰੂਕ ਵੀ ਸਿਰਫ਼ 3 ਦੌੜਾਂ ਬਣਾ ਕੇ ਪੈਵੇਲੀਅਨ ਪਰਤ ਗਿਆ।
ਰੂਟ ਨੇ ਟੀਮ ਨੂੰ 350 ਦੇ ਪਾਰ ਪਹੁੰਚਾਇਆ। ਉਹ 100 ਦੌੜਾਂ ਬਣਾਉਣ ਤੋਂ ਬਾਅਦ ਕੈਚ ਆਊਟ ਹੋ ਗਿਆ। ਉਸ ਤੋਂ ਬਾਅਦ, ਵਿਕਟਕੀਪਰ ਜੋਸ ਬਟਲਰ ਨੇ 62 ਅਤੇ ਵਿਲ ਜੈਕਸ ਨੇ 19 ਦੌੜਾਂ ਬਣਾ ਕੇ ਟੀਮ ਨੂੰ 414 ਦੌੜਾਂ ਤੱਕ ਪਹੁੰਚਾਇਆ। ਦੱਖਣੀ ਅਫਰੀਕਾ ਵੱਲੋਂ ਕੋਰਬਿਨ ਬੋਸ਼ ਅਤੇ ਕੇਸ਼ਵ ਮਹਾਰਾਜ ਨੇ 2-2 ਵਿਕਟਾਂ ਲਈਆਂ। ਇੱਕ ਬੱਲੇਬਾਜ਼ ਵੀ ਰਨ ਆਊਟ ਹੋ ਗਿਆ।
415 ਦੌੜਾਂ ਦੇ ਵੱਡੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਦੱਖਣੀ ਅਫਰੀਕਾ ਦੀ ਸ਼ੁਰੂਆਤ ਖਰਾਬ ਰਹੀ। ਜੋਫਰਾ ਆਰਚਰ ਨੇ ਪਹਿਲੇ ਹੀ ਓਵਰ ‘ਚ ਏਡਨ ਮਾਰਕਰਮ ਨੂੰ ਕੈਚ ਆਊਟ ਕਰ ਦਿੱਤਾ। 7 ਦੌੜਾਂ ‘ਤੇ 4 ਵਿਕਟਾਂ ਗੁਆਉਣ ਤੋਂ ਬਾਅਦ, ਟੀਮ ਨੇ 24 ਦੌੜਾਂ ‘ਤੇ 6 ਵਿਕਟਾਂ ਗੁਆ ਦਿੱਤੀਆਂ। ਕੇਸ਼ਵ ਮਹਾਰਾਜ ਪਾਰੀ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ, ਪਰ ਉਹ ਵੀ 17 ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਉਸ ਤੋਂ ਬਾਅਦ ਨੈਂਡਰੇ ਬਰਗਰ ਨਾਲ ਪਾਰੀ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ, ਪਰ ਉਹ 20 ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਜਿਵੇਂ ਹੀ ਉਹ ਪੈਵੇਲੀਅਨ ਵਾਪਸ ਆਇਆ, ਦੱਖਣੀ ਅਫਰੀਕਾ 72 ਦੌੜਾਂ ਬਣਾ ਕੇ ਆਲ ਆਊਟ ਹੋ ਗਿਆ।
Read More: ਦੱਖਣੀ ਅਫਰੀਕਾ ਤੇ ਆਇਰਲੈਂਡ ਖਿਲਾਫ਼ T20 ਸੀਰੀਜ਼ ਲਈ ਇੰਗਲੈਂਡ ਟੀਮ ਦਾ ਐਲਾਨ
