ਚੰਡੀਗੜ੍ਹ ,10 ਫਰਵਰੀ 2023: (IND vs AUS) ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਚਾਰ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਪਹਿਲਾ ਮੈਚ ਨਾਗਪੁਰ ‘ਚ ਖੇਡਿਆ ਜਾ ਰਿਹਾ ਹੈ। ਦੂਜੇ ਦਿਨ ਦੀ ਖੇਡ ਸਮਾਪਤ ਹੋ ਗਈ ਹੈ। ਇਸ ਮੈਚ ਵਿੱਚ ਆਸਟਰੇਲੀਆ ਨੇ ਪਹਿਲੀ ਪਾਰੀ ਵਿੱਚ 177 ਦੌੜਾਂ ਬਣਾਈਆਂ ਸਨ। ਜਵਾਬ ਵਿੱਚ ਭਾਰਤ ਨੇ ਸੱਤ ਵਿਕਟਾਂ ਗੁਆ ਕੇ 321 ਦੌੜਾਂ ਬਣਾਈਆਂ। ਭਾਰਤ ਕੋਲ 144 ਦੌੜਾਂ ਦੀ ਬੜ੍ਹਤ ਹੈ ਅਤੇ ਅਕਸ਼ਰ ਪਟੇਲ ਰਵਿੰਦਰ ਜਡੇਜਾ ਦੇ ਨਾਲ ਕ੍ਰੀਜ਼ ‘ਤੇ ਹਨ।

ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ 120 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਅਕਸ਼ਰ ਪਟੇਲ 52 ਅਤੇ ਰਵਿੰਦਰ ਜਡੇਜਾ 66 ਦੌੜਾਂ ਬਣਾ ਕੇ ਖੇਡ ਰਹੇ ਹਨ। ਪਹਿਲੀ ਪਾਰੀ ਦੇ ਆਧਾਰ ‘ਤੇ ਭਾਰਤ ਨੂੰ 144 ਦੌੜਾਂ ਦੀ ਬੜ੍ਹਤ ਮਿਲ ਗਈ ਹੈ। ਟੀਮ ਇੰਡੀਆ ਦੇ ਅਜੇ ਤਿੰਨ ਵਿਕਟ ਬਾਕੀ ਹਨ। ਅਜਿਹੇ ‘ਚ ਭਾਰਤ ਮੈਚ ਦੇ ਤੀਜੇ ਦਿਨ ਵੱਡਾ ਸਕੋਰ ਬਣਾਉਣਾ ਚਾਹੇਗਾ, ਤਾਂ ਕਿ ਮੈਚ ਦੀ ਚੌਥੀ ਪਾਰੀ ‘ਚ ਬੱਲੇਬਾਜ਼ੀ ਨਾ ਕਰਨੀ ਪਵੇ।