ਚੰਡੀਗੜ੍ਹ , 7 ਅਗਸਤ 2021 : ਡਾ.ਬਲਵਿੰਦਰ ਸਿੰਘ ਸੂਚ ਨੇ ਅੱਜ 06-08-2021 ਨੂੰ ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਦੇ ਬਾਇਓਟੈਕਨਾਲੌਜੀ ਵਿਭਾਗ ਦੇ ਮੁਖੀ ਵਜੋਂ ਕਾਰਜਭਾਰ ਸੰਭਾਲ ਲਿਆ ਹੈ। ਡਾ. ਸੂਚ ਨੇ ਪੀਐਚ.ਡੀ. ਬਾਇਓਟੈਕਨਾਲੌਜੀ ਤੋਂ ਇਲਾਵਾ ਐਲ.ਐਲ.ਬੀ ਅਤੇ ਐਮ.ਬੀ.ਏ. ਦੀ ਡਿਗਰੀ ਕੀਤੀ ਹੋਈ ਹੈ।
ਉਨ੍ਹਾਂ ਕੋਲ 14 ਸਾਲਾਂ ਤੋਂ ਵੱਧ ਦਾ ਅਧਿਆਪਨ ਅਤੇ ਖੋਜ ਅਨੁਭਵ ਹੈ। ਉਨ੍ਹਾਂ ਨੇ ਯੂ.ਜੀ.ਸੀ. ਅਤੇ ਡੀ.ਬੀ.ਟੀ.- ਭਾਰਤ ਸਰਕਾਰ ਦੁਆਰਾ ਫੰਡ ਕੀਤੇ ਗਏ ਖੋਜ ਪ੍ਰੋਜੈਕਟ ਕੀਤੇ ਹਨ ਅਤੇ ਆਪਣੀ ਖੋਜ ਲਈ ਉਨ੍ਹਾਂ ਨੇ 5 ਪੇਟੈਂਟ ਵੀ ਪ੍ਰਾਪਤ ਕੀਤੇ ਹਨ। ਉਨ੍ਹਾਂ ਨੇ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਰਸਾਲਿਆਂ ਵਿੱਚ ਬਹੁਤ ਸਾਰੇ ਪ੍ਰਕਾਸ਼ਨ ਪ੍ਰਕਾਸ਼ਤ ਕੀਤੇ ਹਨ।
ਇਸ ਤੋਂ ਪਹਿਲਾਂ, ਉਨ੍ਹਾਂ ਨੇ ਪੰਜਾਬ ਰਾਜ ਵਿਗਿਆਨ ਅਤੇ ਤਕਨਾਲੋਜੀ, ਚੰਡੀਗੜ੍ਹ ਵਿਖੇ ਛੇ ਸਾਲਾਂ ਤੱਕ ਸਾਇੰਸਦਾਨ (ਪੇਟੈਂਟ) ਵਜੋਂ ਵੀ ਕੰਮ ਕੀਤਾ ਹੈ ਅਤੇ ਉਹ ਪੇਟੈਂਟ ਦਫਤਰ, ਭਾਰਤ ਸਰਕਾਰ ਦੇ ਇੱਕ ਰਜਿਸਟਰਡ ਪੇਟੈਂਟ ਅਟਾਰਨੀ ਹੈ। ਉਨ੍ਹਾਂ ਨੇ ਨੈਸ਼ਨਲ ਬਾਲ ਵਿਗਿਆਨ ਕਾਂਗਰਸ, ਜੋ ਕਿ ਡੀ.ਐਸ.ਟੀ. ਭਾਰਤ ਸਰਕਾਰ ਦਾ ਇੱਕ ਪੈਨ ਇੰਡੀਆ ਪ੍ਰੋਗਰਾਮ ਹੈ, ਵਿੱਚ 10 ਸਾਲਾਂ ਤੋਂ ਵੱਧ ਸਮੇਂ ਲਈ ਸਟੇਟ ਅਕਾਦਮਿਕ ਕੋਆਰਡੀਨੇਟਰ ਵਜੋਂ ਵੀ ਸੇਵਾ ਨਿਭਾਈ ਹੈ ਅਤੇ ਹੁਣ ਉਹ ਇਸ ਪ੍ਰੋਗਰਾਮ ਲਈ ਡੀ.ਐਸ.ਟੀ.- ਭਾਰਤ ਸਰਕਾਰ ਦੀ ਰਾਸ਼ਟਰੀ ਅਕਾਦਮਿਕ ਕਮੇਟੀ ਦੇ ਮੈਂਬਰ ਹਨ।
ਉਹ ਨਿਰੰਤਰ ਸੋਚ (ਪੰਜਾਬੀ ਵਿਗਿਆਨ ਮੈਗਜ਼ੀਨ) ਦੇ ਸਹਿਯੋਗੀ ਸੰਪਾਦਕ ਵੀ ਹਨ ਅਤੇ ਕਈ ਅੰਤਰਰਾਸ਼ਟਰੀ ਰਸਾਲਿਆਂ ਦੇ ਸਮੀਖਿਅਕ ਵਜੋਂ ਕੰਮ ਕਰ ਰਹੇ ਹਨ। ਉਹ ਆਈ.ਪੀ.ਆਰ ਦੀ ਜਾਗਰੂਕਤਾ ਲਈ ਕੰਮ ਕਰਨ ਵਾਲੀਆਂ ਬਹੁਤ ਸਾਰੀਆਂ ਸੰਸਥਾਵਾਂ ਨਾਲ ਜੁੜੇ ਹੋਏ ਹਨ।
ਡਾ. ਸੂਚ ਨੇ ਕਿਹਾ ਕਿ ਵਿਭਾਗ ਵਿੱਚ ਚਲ ਰਹੇ ਅਕਾਦਮਿਕ ਅਤੇ ਖੋਜ ਕਾਰਜਾਂ ਵਿੱਚ ਹੋਰ ਤੇਜੀ ਲਿਆਂਦੀ ਜਾਵੇਗੀ ਅਤੇ ਇਸ ਲਈ ਬਾਇਓਟੈਕਨਾਲੋਜੀ ਦੀਆਂ ਨਾਮੀ ਸੰਸਥਾਵਾਂ ਨਾਲ ਰਾਬਤਾ ਕਾਇਮ ਕਰਕੇ ਵਿਭਾਗ ਅਤੇ ਵਿਦਿਆਰਥੀਆਂ ਦੇ ਉਜਵਲ ਭਵਿੱਖ ਲਈ ਵਿਸ਼ੇਸ਼ ਉਪਰਾਲੇ ਕੀਤੇ ਜਾਣਗੇ।
ਇਸ ਮੌਕੇ ਡੀਨ, ਅਕਾਦਮਿਕ ਮਾਮਲੇ ਪੋ੍. ਬੀ.ਐਸ. ਸੰਧੂ, ਕੰਟਰੋਲਰ ਪ੍ਰੀਖਿਆਵਾਂ ਪ੍ਰੋ. ਜਸਵੀਰਇੰਦਰ ਸਿੰਘ ਖੱਟਰ, ਪ੍ਰੋ. ਡੀ.ਪੀ. ਸਿੰਘ, ਮੁਖੀ, ਬਾਟਨੀ ਵਿਭਾਗ, ਡਾ. ਪਰਮਵੀਰ ਸਿੰਘ, ਐਨ.ਐਸ.ਐਸ. ਕੋਆਰਡੀਨੇਟਰ ਅਤੇ ਪ੍ਰੋ. ਰਾਮ ਸਰੂਪ ਸਿੰਘ, ਸਾਬਕਾ ਮੁਖੀ ਅਤੇ ਡੀਨ ਲਾਈਫ਼ ਸਾਇੰਸਜ਼ ਨੇ ਵਿਸ਼ੇਸ਼ ਰੂਪ ਵਿੱਚ ਸ਼ਿਰਕਤ ਕੀਤੀ ਅਤੇ ਡਾ. ਸੂਚ ਨੂੰ ਮੁਖੀ ਵਿਭਾਗ ਦੇ ਅਹੁੱਦੇ ਲਈ ਆਪਣੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ।
