ਚੰਡੀਗੜ੍ਹ , 24 ਜੁਲਾਈ 2023: ਟਵਿੱਟਰ (Twitter) ਦਾ ਨਵਾਂ ਨਾਮ ਹੁਣ ‘ਐਕਸ’ ਹੈ। ਕੰਪਨੀ ਦੇ ਮਾਲਕ ਐਲੋਨ ਮਸਕ ਨੇ X.com ਨੂੰ Twitter.com ਨਾਲ ਲਿੰਕ ਕੀਤਾ ਹੈ। ਯਾਨੀ x.com ਲਿਖਣ ‘ਤੇ ਤੁਸੀਂ ਸਿੱਧੇ ਟਵਿੱਟਰ ਦੀ ਵੈੱਬਸਾਈਟ ‘ਤੇ ਪਹੁੰਚ ਜਾਓਗੇ। ਹੁਣ ਮਾਈਕ੍ਰੋਬਲਾਗਿੰਗ ਪਲੇਟਫਾਰਮ ਦਾ ਨੀਲੀ ਚਿੜੀ ਵਾਲਾ ਲੋਗੋ ਵੀ ਬਦਲ ਗਿਆ ਹੈ।
ਐਲਨ ਮਸਕ ਨੇ ਵੀ ਆਪਣੀ ਪ੍ਰੋਫਾਈਲ ਤਸਵੀਰ ਨੂੰ ਬਦਲ ਕੇ ‘ਐਕਸ’ ਕਰ ਦਿੱਤਾ ਹੈ। ਉਨ੍ਹਾਂ ਨੇ ਇੱਕ ਵੀਡੀਓ ਵੀ ਪਿੰਨ ਕੀਤਾ ਜਿਸ ਵਿੱਚ ਟਵਿੱਟਰ ਦਾ ਲੋਗੋ ਇੱਕ ਐਕਸ ਵਿੱਚ ਬਦਲਦਾ ਦਿਖਾਈ ਦੇ ਰਿਹਾ ਹੈ। ਐਕਸ ਇੱਕ ਅਜਿਹਾ ਪਲੇਟਫਾਰਮ ਹੋਵੇਗਾ ਜੋ ਸਭ ਕੁਝ ਪ੍ਰਦਾਨ ਕਰ ਸਕਦਾ ਹੈ, ਜਿਸ ਵਿੱਚ ਹੀ ਭੁਗਤਾਨ, ਬੈਂਕਿੰਗ ਅਤੇ ਈ-ਕਾਮਰਸ ਵਰਗੀਆਂ ਸੇਵਾਵਾਂ ਸ਼ਾਮਲ ਹਨ |
ਐਲਨ ਮਸਕ ਨੇ ਪਿਛਲੇ ਸਾਲ ਲਗਭਗ 44 ਅਰਬ ਡਾਲਰ ਵਿੱਚ ਟਵਿੱਟਰ (Twitter) ਖਰੀਦਿਆ ਸੀ। ਉਦੋਂ ਤੋਂ, ਉਹ ਟਵਿੱਟਰ ਤੋਂ ਮਾਲੀਆ ਪੈਦਾ ਕਰਨ ਲਈ ਸੰਘਰਸ਼ ਕਰ ਰਿਹਾ ਹੈ। ਐਲਨ ਮਸਕ ਨੇ ਸਿਰਫ ਮਾਲੀਆ ਲਈ ਬਲੂ ਟਿੱਕ ਚਲਾਈ । ਇਸ ਤੋਂ ਇਲਾਵਾ ਐਲਨ ਮਸਕ ਨੇ ਫ੍ਰੀ ਅਕਾਊਂਟ ਤੋਂ ਟਵੀਟ ਕਰਨ ਅਤੇ ਦੇਖਣ ‘ਤੇ ਵੀ ਸੀਮਾ ਲਗਾ ਦਿੱਤੀ ਹੈ।
