26 ਦਸੰਬਰ 2024: ਦਿੱਲੀ (delhi) ਦੇ ਨਾਲ ਲੱਗਦੇ ਗ੍ਰੇਟਰ ਨੋਇਡਾ (Greater Noida West) ਵੈਸਟ ‘ਚ ਸਥਿਤ ਸਵਾਸਥਮ (Swastham Hospital) ਹਸਪਤਾਲ ‘ਚ ਅਚਾਨਕ ਭਿਆਨਕ ਅੱਗ (fire) ਲੱਗ ਗਈ, ਜਿਸ ਤੋਂ ਬਾਅਦ ਹਫੜਾ-ਦਫੜੀ ਦਾ ਮਾਹੌਲ ਬਣ ਗਿਆ। ਅੱਗ ਇੰਨੀ ਤੇਜ਼ੀ ਨਾਲ ਫੈਲ ਗਈ ਕਿ ਇਸ ਨੇ ਹਸਪਤਾਲ (hospital) ਦੀ ਪਹਿਲੀ (first floor) ਮੰਜ਼ਿਲ ਅਤੇ ਉਥੇ ਖੜ੍ਹੇ ਵਾਹਨਾਂ ਨੂੰ ਆਪਣੀ ਲਪੇਟ ‘ਚ ਲੈ ਲਿਆ। ਹਸਪਤਾਲ ‘ਚ ਅੱਗ ਲੱਗਣ ਦੀ ਵੀਡੀਓ ਵੀ ਸੋਸ਼ਲ (social media) ਮੀਡੀਆ ‘ਤੇ ਸਾਹਮਣੇ ਆਈ ਹੈ, ਜਿਸ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਹਸਪਤਾਲ ਦੇ ਸਾਹਮਣੇ ਅੱਗ (fire) ਲੱਗ ਰਹੀ ਹੈ ਅਤੇ ਵਾਹਨ ਸੜ ਰਹੇ ਹਨ।
ਅੱਗ ਲੱਗਣ ਤੋਂ ਬਾਅਦ ਹਸਪਤਾਲ (hospital) ਦੇ ਸਟਾਫ ਨੇ ਮੌਕੇ ‘ਤੇ ਪਹੁੰਚ ਕੇ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ। ਆਸ-ਪਾਸ ਦੇ ਲੋਕ ਵੀ ਮਦਦ ਲਈ ਇਕੱਠੇ ਹੋ ਗਏ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਲੋਕ ਹਸਪਤਾਲ ਦੀ ਮਦਦ ਨਾਲ ਅੱਗ ਬੁਝਾਉਣ ‘ਚ ਲੱਗੇ ਹੋਏ ਹਨ।
ਇਹ ਘਟਨਾ ਹੋਰ ਵੀ ਚਿੰਤਾਜਨਕ ਬਣ ਗਈ ਕਿਉਂਕਿ ਹਸਪਤਾਲ ਦੇ ਨਾਲ ਹੀ ਇੱਕ ਪਲੇ ਸਕੂਲ ਸਥਿਤ ਹੈ। ਜੇਕਰ ਅੱਗ ਸਕੂਲ ਤੱਕ ਪਹੁੰਚ ਜਾਂਦੀ ਤਾਂ ਕੋਈ ਵੱਡਾ ਹਾਦਸਾ ਵਾਪਰ ਸਕਦਾ ਸੀ ਪਰ ਖੁਸ਼ਕਿਸਮਤੀ ਇਹ ਰਹੀ ਕਿ ਹਸਪਤਾਲ ‘ਚ ਅੱਗ ‘ਤੇ ਕਾਬੂ ਪਾ ਕੇ ਪਲੇ ਸਕੂਲ ਦੇ ਬੱਚਿਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ |
ਅੱਗ ਕਿਵੇਂ ਲੱਗੀ ਇਹ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ। ਵੀਡੀਓ (video) ‘ਚ ਦੇਖਿਆ ਜਾ ਰਿਹਾ ਹੈ ਕਿ ਹਸਪਤਾਲ( hospital) ਦੇ ਨੇੜੇ ਹੀ ਬਿਜਲੀ ਵਿਭਾਗ ਦਾ ਟਰਾਂਸਫਾਰਮਰ ਵੀ ਮੌਜੂਦ ਹੈ ਅਤੇ ਇਹ ਜਾਂਚ ਦਾ ਵਿਸ਼ਾ ਹੈ ਕਿ ਅੱਗ ਲਾਪਰਵਾਹੀ ਕਾਰਨ ਲੱਗੀ ਜਾਂ ਇਹ ਹਾਦਸਾ ਸੀ।
ਫਿਲਹਾਲ ਅੱਗ ‘ਤੇ ਕਾਬੂ ਪਾ ਲਿਆ ਗਿਆ ਹੈ ਪਰ ਰਾਹਤ ਕਾਰਜ ਅਜੇ ਵੀ ਜਾਰੀ ਹਨ।
