ਚੰਡੀਗੜ੍ਹ, 21 ਨਵੰਬਰ 2024: AAP Candidate: ਦਿੱਲੀ ‘ਚ ਆਮ ਆਦਮੀ ਪਾਰਟੀ (Aam Aadmi Party) ਨੇ ਵਿਧਾਨ ਸਭਾ ਚੋਣਾਂ 2025 ਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਆਮ ਆਦਮੀ ਪਾਰਟੀ (Aam Aadmi Party) ਨੇ ਅੱਜ ਪੀਏਸੀ ਦੀ ਬੈਠਕ ਸੱਦੀ ਹੈ। ਆਮ ਆਦਮੀ ਪਾਰਟੀ ਦੀ ਸਰਵਉੱਚ ਫੈਸਲਾ ਲੈਣ ਵਾਲੀ ਸੰਸਥਾ ਪੀਏਸੀ ਦੀ ਬੈਠਕ ਹੋ ਰਹੀ ਹੈ | ਪੀਏਸੀ ਦੀ ਬੈਠਕ ‘ਚ ਦਿੱਲੀ ਵਿਧਾਨ ਸਭਾ 2025 ਦੀਆਂ ਚੋਣਾਂ ਲਈ ਉਮੀਦਵਾਰਾਂ ਦੇ ਨਾਵਾਂ ‘ਤੇ ਚਰਚਾ ਕੀਤੀ ਹੈ ।
ਇਸਦੇ ਨਾਲ ਹੀ ਆਮ ਆਦਮੀ ਪਾਰਟੀ (AAP) ਨੇ ਅੱਜ ਉਮੀਦਵਾਰਾਂ ਦੀ ਪਹਿਲੀ ਸੂਚੀ ਜਾਰੀ ਕਰ ਦਿੱਤੀ ਹੈ।
ਇਨ੍ਹਾਂ 11 ਆਗੂਆਂ ਨੂੰ ਮਿਲੀ ਟਿਕਟ “-
ਛਤਰਪੁਰ ਤੋਂ ਬ੍ਰਹਮਾ ਸਿੰਘ
ਕਿਰਾੜੀ ਤੋਂ ਅਨਿਲ ਝਾਅ
ਵਿਸ਼ਵਾਸ ਨਗਰ ਤੋਂ ਦੀਪਕ ਸਿੰਗਲਾ
ਰੋਹਤਾਸ ਨਗਰ ਤੋਂ ਸਰਿਤਾ ਸਿੰਘ
ਲਕਸ਼ਮੀ ਨਗਰ ਤੋਂ ਬੀਬੀ ਤਿਆਗੀ
ਸੀਲਮਪੁਰ ਤੋਂ ਆਪ ਜ਼ੁਬੈਰ ਚੌਧਰੀ
ਬਦਰਪੁਰ ਤੋਂ ਰਾਮ ਸਿੰਘ
ਸੀਮਾਪੁਰੀ ਤੋਂ ਚੋਣ ਵੀਰ ਸਿੰਘ ਧੀਂਗਾਨ
ਘੋਂਡਾ ਤੋਂ ਗੌਰਵ ਸ਼ਰਮਾ
ਟਿਆਲਾ ਤੋਂ ‘ਆਪ’ ਸੋਮੇਸ਼ ਸ਼ੌਕੀਨ
ਕਰਾਵਲ ਨਗਰ ਤੋਂ ਮਨੋਜ ਤਿਆਗੀ
ਦਿੱਲੀ ਵਿਧਾਨ ਸਭਾ 2025 ਦੀਆਂ ਚੋਣਾਂ ਲਈ ਉਮੀਦਵਾਰਾਂ ਦੇ ਨਾਵਾਂ ‘ਤੇ PAC ਦੀ ਬੈਠਕ ‘ਚ ਕਈ ਅਹਿਮ ਮੁੱਦਿਆਂ ‘ਤੇ ਫੈਸਲੇ ਵਿਚਾਰੇ ਜਾਣਗੇ | ਫਿਲਹਾਲ ਦਿੱਲੀ ਵਿਧਾਨ ਸਭਾ ਚੋਣਾਂ ਦੀਆਂ ਤਾਰੀਖ਼ਾਂ ਦਾ ਅਜੇ ਐਲਾਨ ਨਹੀਂ ਹੋਇਆ ਹੈ।
ਜਿਕਰੀਯੋਗ ਹੈ ਕਿ ਆਮ ਆਦਮੀ ਪਾਰਟੀ ਨੂੰ ਵਿਧਾਨ ਸਭਾ ਚੋਣਾਂ ‘ਚ ਪੰਜਾਬ ਤੋਂ ਇਲਾਵਾ ਕਿਸੇ ਹੋਰ ਸੂਬੇ ‘ਚ ਕੁਝ ਖਾਸ ਨਹੀਂ ਕਰ ਸਕੀ | ਆਮ ਆਦਮੀ ਪਾਰਟੀ ਅਗਾਮੀ ਚੋਣਾਂ ਲਈ ਇੰਡੀਆ ਗਠਜੋੜ ਨਾਲ ਵੀ ਸੀਟਾਂ ਦੀ ਵੰਡ ਕਰ ਸਕਦੀ ਹੈ | ਇਸ ਸਮੇਂ ਦਿੱਲੀ ਸਰਕਾਰ ਦੀ ਕਮਾਨ ਆਤਿਸ਼ੀ ਸੰਭਾਲ ਰਹੇ ਹਨ |
