ਅੰਮ੍ਰਿਤਸਰ/ਚੰਡੀਗੜ੍ਹ, 04 ਦਸੰਬਰ 2025: ਵੀਰਵਾਰ ਸਵੇਰੇ ਚੰਡੀਗੜ੍ਹ ਅਤੇ ਅੰਮ੍ਰਿਤਸਰ ਹਵਾਈ ਅੱਡਿਆਂ ‘ਤੇ ਵੀ ਚੇਨ-ਇਨ ਸਿਸਟਮ ਖਾਮੀਆਂ ਦਾ ਪ੍ਰਭਾਵ ਪਿਆ ਹੈ। ਇਸ ਕਾਰਨ ਚੰਡੀਗੜ੍ਹ ਹਵਾਈ ਅੱਡੇ ਤੋਂ ਕਈ ਉਡਾਣਾਂ ਸਮੇਂ ਸਿਰ ਦੇਰੀ ਨਾਲ ਰਵਾਨਾ ਹੋਈਆਂ। ਇਸ ਦੌਰਾਨ ਇੰਡੀਗੋ ਦੀਆਂ ਉਡਾਣਾਂ ਖਾਸ ਤੌਰ ‘ਤੇ ਪ੍ਰਭਾਵਿਤ ਹੋਈਆਂ। ਅੱਜ ਸਵੇਰੇ 11 ਵਜੇ ਤੱਕ, ਚੰਡੀਗੜ੍ਹ ਤੋਂ ਸੱਤ ਉਡਾਣਾਂ ਪ੍ਰਭਾਵਿਤ ਹੋਈਆਂ।
ਅੰਮ੍ਰਿਤਸਰ ਦੇ ਸ੍ਰੀ ਗੁਰੂ ਰਾਮਦਾਸ ਜੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਰਵਾਨਾ ਹੋਣ ਵਾਲੀਆਂ ਕਈ ਇੰਡੀਗੋ ਉਡਾਣਾਂ ਮੰਗਲਵਾਰ ਨੂੰ ਸਮੇਂ ਸਿਰ ਰਵਾਨਾ ਨਹੀਂ ਹੋ ਸਕੀਆਂ, ਜਿਸ ਕਾਰਨ ਯਾਤਰੀਆਂ ਨੂੰ ਕਾਫ਼ੀ ਅਸੁਵਿਧਾ ਦਾ ਸਾਹਮਣਾ ਕਰਨਾ ਪਿਆ। ਅੰਮ੍ਰਿਤਸਰ ਤੋਂ ਮੁੰਬਈ ਜਾਣ ਵਾਲੀ ਫਲਾਈਟ 6E278 ਸਮੇਂ ਸਿਰ ਨਹੀਂ ਰਵਾਨਾ ਹੋਈ। ਅੰਮ੍ਰਿਤਸਰ-ਦਿੱਲੀ ਰੂਟ ‘ਤੇ ਚੱਲਣ ਵਾਲੀਆਂ ਫਲਾਈਟ 6E5215 ਅਤੇ 6E2506 ਵੀ ਰਵਾਨਾ ਨਹੀਂ ਹੋ ਸਕੀਆਂ।
ਇਸਦੇ ਨਾਲ ਹੀ ਅੰਮ੍ਰਿਤਸਰ-ਸ਼੍ਰੀਨਗਰ ਫਲਾਈਟ 6E6164 ਵੀ ਉਡਾਣ ਭਰਨ ‘ਚ ਅਸਫਲ ਰਹੀ, ਜਿਸ ਕਾਰਨ ਇਸ ਰੂਟ ‘ਤੇ ਯਾਤਰੀਆਂ ਨੂੰ ਵਿਕਲਪਿਕ ਪ੍ਰਬੰਧ ਕਰਨ ਲਈ ਮਜਬੂਰ ਹੋਣਾ ਪਿਆ। ਅੰਮ੍ਰਿਤਸਰ ਤੋਂ ਪੁਣੇ ਜਾਣ ਵਾਲੀ ਫਲਾਈਟ 6E6129, ਜੋ ਕਿ ਰਾਤ 11:50 ਵਜੇ ਰਵਾਨਾ ਹੋਣੀ ਸੀ, ਸਵੇਰੇ 4:56 ਵਜੇ ਦੇਰੀ ਨਾਲ ਰਵਾਨਾ ਹੋਈ।
ਇਹ ਉਡਾਣਾਂ ਹੋਈਆਂ ਪ੍ਰਭਾਵਿਤ:-
ਚੰਡੀਗੜ੍ਹ ਤੋਂ ਮੁੰਬਈ ਦੀ ਉਡਾਣ ਸਵੇਰੇ 5:15 ਵਜੇ ਦੀ ਬਜਾਏ ਸਵੇਰੇ 8:05 ਵਜੇ ਰਵਾਨਾ ਹੋਈ।
ਇਸੇ ਤਰ੍ਹਾਂ, ਚੰਡੀਗੜ੍ਹ ਤੋਂ ਦਿੱਲੀ ਲਈ ਸਵੇਰੇ 5:20 ਵਜੇ ਦੀ ਉਡਾਣ ਸਵੇਰੇ 8:20 ਵਜੇ ਰਵਾਨਾ ਹੋਈ।
ਲਖਨਊ ਲਈ ਸਵੇਰੇ 5:55 ਵਜੇ ਦੀ ਉਡਾਣ ਸਵੇਰੇ 6:13 ਵਜੇ ਰਵਾਨਾ ਹੋਈ।
ਚੰਡੀਗੜ੍ਹ ਤੋਂ ਹੈਦਰਾਬਾਦ ਲਈ ਸਵੇਰੇ 6:25 ਵਜੇ ਦੀ ਉਡਾਣ ਸਵੇਰੇ 9:15 ਵਜੇ ਰਵਾਨਾ ਹੋਈ।
ਪਟਨਾ ਲਈ ਸਵੇਰੇ 7:30 ਵਜੇ ਦੀ ਉਡਾਣ ਸਵੇਰੇ 8:17 ਵਜੇ ਰਵਾਨਾ ਹੋਈ।
ਚੰਡੀਗੜ੍ਹ ਤੋਂ ਜੈਪੁਰ ਲਈ ਸਵੇਰੇ 7:35 ਵਜੇ ਦੀ ਉਡਾਣ ਸਵੇਰੇ 8:01 ਵਜੇ ਰਵਾਨਾ ਹੋਈ।
ਚੰਡੀਗੜ੍ਹ ਤੋਂ ਬੰਗਲੁਰੂ ਲਈ ਸਵੇਰੇ 8:00 ਵਜੇ ਦੀ ਉਡਾਣ ਸਵੇਰੇ 9:55 ਵਜੇ ਰਵਾਨਾ ਹੋਈ।
Read More: ਚਾਲਕ ਦਲ ਦੀ ਘਾਟ ਕਾਰਨ ਇੰਡੀਗੋ ਦੀਆਂ ਫਲਾਈਟਾਂ ਪ੍ਰਭਾਵਿਤ, ਯਾਤਰੀ ਹੋਏ ਖੱਜਲ-ਖੁਆਰ
