ਚੰਡੀਗੜ੍ਹ, 15 ਮਾਰਚ 2025: DC vs MI Final 2025: ਮਹਿਲਾ ਪ੍ਰੀਮੀਅਰ ਲੀਗ ਦਾ ਤੀਜਾ ਐਡੀਸ਼ਨ ਆਪਣੇ ਆਖਰੀ ਪੜਾਅ ‘ਤੇ ਹੈ। ਖ਼ਿਤਾਬੀ ਮੁਕਾਬਲਾ ਸ਼ਨੀਵਾਰ ਨੂੰ ਦਿੱਲੀ ਕੈਪੀਟਲਜ਼ ਅਤੇ ਮੁੰਬਈ ਇੰਡੀਅਨਜ਼ ਵਿਚਕਾਰ ਖੇਡਿਆ ਜਾਵੇਗਾ। ਬ੍ਰੇਬੋਰਨ ਸਟੇਡੀਅਮ ‘ਚ ਖੇਡੇ ਜਾਣ ਵਾਲੇ ਇਸ ਮੈਚ ‘ਚ, ਦਿੱਲੀ ਆਪਣੇ ਖਿਤਾਬ ਦੇ ਸੋਕੇ ਨੂੰ ਖਤਮ ਕਰਨ ਦਾ ਟੀਚਾ ਰੱਖੇਗੀ ਜਦੋਂ ਕਿ ਮੁੰਬਈ ਦੂਜੀ ਵਾਰ ਟਰਾਫੀ ਜਿੱਤਣ ‘ਤੇ ਨਜ਼ਰ ਰੱਖੇਗੀ।
ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਚੁੱਕੀ ਮੇਗ ਲੈਨਿੰਗ ਮਹਿਲਾ ਕ੍ਰਿਕਟ ਦੀਆਂ ਸਭ ਤੋਂ ਸਫਲ ਕਪਤਾਨਾਂ ‘ਚੋਂ ਇੱਕ ਹੈ। ਲੈਨਿੰਗ ਅਤੇ ਉਸਦੀ ਟੀਮ ਆਪਣਾ ਪਹਿਲਾ WPL ਖਿਤਾਬ ਜਿੱਤਣ ਲਈ ਕੋਈ ਕਸਰ ਨਹੀਂ ਛੱਡਣਗੇ। ਦਿੱਲੀ ਦੀ ਪੁਰਸ਼ ਟੀਮ ਵੀ ਹੁਣ ਤੱਕ ਆਈਪੀਐਲ ਜਿੱਤਣ ‘ਚ ਅਸਫਲ ਰਹੀ ਹੈ। ਦਿੱਲੀ ਦੀ ਟੀਮ ਬਿਹਤਰ ਨੈੱਟ ਰਨ ਰੇਟ ਦੇ ਆਧਾਰ ‘ਤੇ ਸਿੱਧੇ ਫਾਈਨਲ ‘ਚ ਪ੍ਰਵੇਸ਼ ਕਰ ਗਈ ਜਦੋਂ ਕਿ ਮੁੰਬਈ ਦੀ ਟੀਮ ਨੇ ਐਲੀਮੀਨੇਟਰ ‘ਚ ਗੁਜਰਾਤ ਜਾਇੰਟਸ ਨੂੰ ਹਰਾ ਕੇ ਖਿਤਾਬੀ ਮੈਚ (DC vs MI Final) ‘ਚ ਜਗ੍ਹਾ ਬਣਾਈ।
ਨੈਟਲੀ ਸਾਈਵਰ ਬਰੰਟ ਅਤੇ ਹੇਲੀ ਮੈਥਿਊਜ਼ ਦੇ ਆਲਰਾਉਂਡ ਪ੍ਰਦਰਸ਼ਨ ਦੇ ਆਧਾਰ ‘ਤੇ, ਮੁੰਬਈ ਇੰਡੀਅਨਜ਼ ਦਿੱਲੀ ਕੈਪੀਟਲਜ਼ ਦੇ ਖਿਲਾਫ ਮਨਪਸੰਦ ਵਜੋਂ ਸ਼ੁਰੂਆਤ ਕਰੇਗੀ, ਜੋ ਮਹਿਲਾ ਪ੍ਰੀਮੀਅਰ ਲੀਗ ‘ਚ ਆਪਣੇ ਖਿਤਾਬ ਦੇ ਸੋਕੇ ਨੂੰ ਖਤਮ ਕਰਨ ਲਈ ਦ੍ਰਿੜ ਹਨ। ਸੀਵਰ ਬਰੰਟ (493 ਦੌੜਾਂ, ਨੌਂ ਵਿਕਟਾਂ) ਅਤੇ ਮੈਥਿਊਜ਼ (17 ਵਿਕਟਾਂ ਅਤੇ 304 ਦੌੜਾਂ) ਇਸ ਸਮੇਂ ਕ੍ਰਮਵਾਰ ਬੱਲੇਬਾਜ਼ੀ ਅਤੇ ਗੇਂਦਬਾਜ਼ੀ ਸੂਚੀ ‘ਚ ਸਿਖਰ ‘ਤੇ ਹਨ। ਜੇਕਰ ਇਹ ਦੋਵੇਂ ਆਪਣਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਦੇ ਹਨ, ਤਾਂ ਮੇਗ ਲੈਨਿੰਗ ਦੀ ਅਗਵਾਈ ਵਾਲੀ ਦਿੱਲੀ ਟੀਮ ਲਈ ਪਹਿਲੀ ਵਾਰ ਚੈਂਪੀਅਨ ਬਣਨਾ ਆਸਾਨ ਨਹੀਂ ਹੋਵੇਗਾ।
Read More: UPW vs DC: ਮਹਿਲਾ ਪ੍ਰੀਮੀਅਰ ਲੀਗ ਦੀ ਅੰਕ ਸੂਚੀ ‘ਚ ਦਿੱਲੀ ਕੈਪੀਟਲਜ਼ ਨੇ ਮੁੰਬਈ ਇੰਡੀਅਨਜ਼ ਨੂੰ ਪਛਾੜਿਆ
