ਚੰਡੀਗੜ੍ਹ, 14 ਮਈ 2024: ਅੱਜ ਆਈ.ਪੀ.ਐੱਲ 2024 ਦੇ 64ਵੇਂ ਮੈਚ ਵਿੱਚ ਦਿੱਲੀ ਕੈਪੀਟਲਜ਼ (Delhi Capitals)  ਦਾ ਸਾਹਮਣਾ ਲਖਨਊ ਸੁਪਰ ਜਾਇੰਟਸ ਨਾਲ ਹੈ। ਇਹ ਮੈਚ ਦਿੱਲੀ ਦੇ ਅਰੁਣ ਜੇਤਲੀ ਸਟੇਡੀਅਮ ‘ਚ ਖੇਡਿਆ ਜਾ ਰਿਹਾ ਹੈ। ਇਹ ਦਿੱਲੀ ਕੈਪੀਟਲਜ਼ ਲਈ ਕਰੋ ਜਾਂ ਮਰੋ ਦਾ ਮੈਚ ਹੈ। ਜੇਕਰ ਦਿੱਲੀ ਦੀ ਟੀਮ ਹਾਰ ਜਾਂਦੀ ਹੈ ਤਾਂ ਉਹ ਪਲੇਆਫ ਦੀ ਦੌੜ ਤੋਂ ਬਾਹਰ ਹੋ ਜਾਵੇਗੀ।

ਇਸ ਦੇ ਨਾਲ ਹੀ ਦਿੱਲੀ (Delhi Capitals) ਦੀ ਟੀਮ ਨੂੰ ਨੈੱਟ ਰਨ ਰੇਟ ਨੂੰ ਸਕਾਰਾਤਮਕ ਬਣਾਉਣ ਲਈ ਸਿਰਫ਼ ਜਿੱਤ ਹੀ ਨਹੀਂ ਬਲਕਿ ਵੱਡੇ ਫਰਕ ਨਾਲ ਜਿੱਤਣੀ ਪਵੇਗੀ। ਦਿੱਲੀ ਅਤੇ ਲਖਨਊ ਦੋਵਾਂ ਦੇ 12-12 ਅੰਕ ਹਨ। ਦਿੱਲੀ ਦਾ ਇਹ 14ਵਾਂ ਮੈਚ ਹੈ, ਜਦਕਿ ਲਖਨਊ ਦਾ 13ਵਾਂ ਮੈਚ ਹੈ।

ਦਿੱਲੀ ਨੂੰ ਪਹਿਲਾ ਝਟਕਾ ਪਹਿਲੇ ਹੀ ਓਵਰ ਵਿੱਚ ਲੱਗਾ। ਟੂਰਨਾਮੈਂਟ ਵਿੱਚ ਸ਼ਾਨਦਾਰ ਬੱਲੇਬਾਜ਼ੀ ਕਰਨ ਵਾਲੇ ਜੈਕ ਫਰੇਜ਼ਰ ਮੈਕਗਰਕ ਆਪਣਾ ਖਾਤਾ ਵੀ ਨਹੀਂ ਖੋਲ੍ਹ ਸਕੇ। ਅਰਸ਼ਦ ਖਾਨ ਨੇ ਉਨ੍ਹਾਂ ਨੂੰ ਨਵੀਨ ਉਲ ਹੱਕ ਹੱਥੋਂ ਕੈਚ ਕਰਵਾਇਆ।