DC ਬਨਾਮ GG, 12 ਦਸੰਬਰ 2026: ਗੁਜਰਾਤ ਜਾਇੰਟਸ ਨੇ ਦਿੱਲੀ ਕੈਪੀਟਲਜ਼ (Gujarat Giants beat Delhi Capitals) ਨੂੰ ਚਾਰ ਦੌੜਾਂ ਨਾਲ ਹਰਾਇਆ। ਐਤਵਾਰ ਨੂੰ ਮੁੰਬਈ ਦੇ ਡੀਵਾਈ ਪਾਟਿਲ ਸਟੇਡੀਅਮ ਵਿੱਚ ਖੇਡੇ ਗਏ ਮਹਿਲਾ ਪ੍ਰੀਮੀਅਰ ਲੀਗ ਦੇ ਚੌਥੇ ਮੈਚ ਵਿੱਚ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ, ਗੁਜਰਾਤ ਨੇ 20 ਓਵਰਾਂ ਵਿੱਚ 10 ਵਿਕਟਾਂ ‘ਤੇ 209 ਦੌੜਾਂ ਬਣਾਈਆਂ। ਜਵਾਬ ਵਿੱਚ, ਦਿੱਲੀ ਨਿਰਧਾਰਤ ਓਵਰਾਂ ਵਿੱਚ 5 ਵਿਕਟਾਂ ‘ਤੇ ਸਿਰਫ 205 ਦੌੜਾਂ ਹੀ ਬਣਾ ਸਕੀ। ਇਹ ਦੋ ਦਿਨਾਂ ਵਿੱਚ ਦਿੱਲੀ ਦੀ ਲਗਾਤਾਰ ਦੂਜੀ ਹਾਰ ਹੈ। ਟੀਮ ਨੂੰ ਪਹਿਲਾਂ ਸ਼ਨੀਵਾਰ ਨੂੰ ਮੁੰਬਈ ਇੰਡੀਅਨਜ਼ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
ਦਿੱਲੀ ਕੈਪੀਟਲਜ਼ ਦੀ ਪਾਰੀ
210 ਦੌੜਾਂ ਦੇ ਚੁਣੌਤੀਪੂਰਨ ਟੀਚੇ ਦਾ ਪਿੱਛਾ ਕਰਦੇ ਹੋਏ, ਦਿੱਲੀ ਕੈਪੀਟਲਜ਼ 20 ਓਵਰਾਂ ਵਿੱਚ ਸਿਰਫ 205 ਦੌੜਾਂ ਹੀ ਬਣਾ ਸਕੀ ਅਤੇ ਮੈਚ 4 ਦੌੜਾਂ ਨਾਲ ਹਾਰ ਗਈ। ਓਪਨਰ ਲਿਜ਼ੇਲ ਲੀ ਨੇ ਦਿੱਲੀ ਲਈ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ, 54 ਗੇਂਦਾਂ ਵਿੱਚ 86 ਦੌੜਾਂ ਬਣਾਈਆਂ। ਉਸਦੀ ਪਾਰੀ ਵਿੱਚ 12 ਚੌਕੇ ਅਤੇ 3 ਛੱਕੇ ਸ਼ਾਮਲ ਸਨ। ਲੀ ਨੇ ਸ਼ੈਫਾਲੀ ਵਰਮਾ (14) ਨਾਲ 41 ਦੌੜਾਂ ਜੋੜੀਆਂ ਅਤੇ ਫਿਰ ਲੌਰਾ ਵੋਲਵਾਰਡਟ (38 ਗੇਂਦਾਂ ਵਿੱਚ 77 ਦੌੜਾਂ) ਨਾਲ ਦੂਜੀ ਵਿਕਟ ਲਈ 90 ਦੌੜਾਂ ਦੀ ਮਹੱਤਵਪੂਰਨ ਸਾਂਝੇਦਾਰੀ ਕੀਤੀ। 15ਵੇਂ ਓਵਰ ਵਿੱਚ ਲੀ ਦੇ ਆਊਟ ਹੋਣ ਤੋਂ ਬਾਅਦ ਗੁਜਰਾਤ ਨੇ ਵਾਪਸੀ ਕੀਤੀ।
ਰਾਜੇਸ਼ਵਰੀ ਗਾਇਕਵਾੜ ਨੇ ਚਿਨੇਲ ਹੈਨਰੀ (7) ਨੂੰ ਆਊਟ ਕੀਤਾ, ਜਿਸ ਨਾਲ ਦਿੱਲੀ ਦਬਾਅ ਵਿੱਚ ਆ ਗਈ। ਆਖਰੀ ਓਵਰਾਂ ਵਿੱਚ, ਕਪਤਾਨ ਜੇਮੀਮਾ ਰੌਡਰਿਗਜ਼ (15) ਅਤੇ ਵੋਲਵਾਰਡਟ ਨੇ 23 ਗੇਂਦਾਂ ਵਿੱਚ 58 ਦੌੜਾਂ ਜੋੜ ਕੇ ਮੈਚ ਨੂੰ ਰੋਮਾਂਚਕ ਬਣਾ ਦਿੱਤਾ। ਦਿੱਲੀ ਨੂੰ ਆਖਰੀ ਓਵਰ ਵਿੱਚ 7 ਦੌੜਾਂ ਦੀ ਲੋੜ ਸੀ, ਪਰ ਸੋਫੀ ਡੇਵਾਈਨ ਨੇ ਦਬਾਅ ਹੇਠ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ, ਦੋਵਾਂ ਬੱਲੇਬਾਜ਼ਾਂ ਨੂੰ ਆਊਟ ਕੀਤਾ ਅਤੇ ਗੁਜਰਾਤ ਨੂੰ ਸਿਰਫ਼ 2 ਦੌੜਾਂ ਦੇ ਕੇ ਯਾਦਗਾਰ ਜਿੱਤ ਹਾਸਲ ਕਰਵਾਈ।
Read More: IND ਬਨਾਮ NZ: ਭਾਰਤ ਨੇ ਨਿਊਜ਼ੀਲੈਂਡ ਖ਼ਿਲਾਫ ਵਨਡੇ ‘ਚ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਚੁਣੀ
