ਲੁਧਿਆਣਾ, 07 ਫਰਵਰੀ 2026: ਸੀਟੀ ਯੂਨੀਵਰਸਿਟੀ ਦੇ ਸਕੂਲ ਆਫ਼ ਡਿਜ਼ਾਇਨ ਐਂਡ ਇਨੋਵੇਸ਼ਨ ਵੱਲੋਂ “ਰੈਪ ਐਂਡ ਰੀ-ਰੈਪ-ਫੈਸ਼ਨ ਰੀਇਮੇਜਿੰਡ” ਨਾਮਕ ਇੱਕ ਫੈਸ਼ਨ ਸ਼ੋਅ ਦਾ ਕਰਵਾਇਆ ਗਿਆ। ਇਹ ਸਮਾਗਮ ਰਚਨਾਤਮਕਤਾ, ਸਸਟੇਨੇਬਿਲਟੀ ਅਤੇ ਆਧੁਨਿਕ ਡਿਜ਼ਾਇਨ ਸੋਚ ਦਾ ਸੁੰਦਰ ਮੇਲ ਸੀ।
ਇਹ ਫੈਸ਼ਨ ਸ਼ੋਅ ਇਸ ਗੱਲ ਦਾ ਪ੍ਰਮਾਣ ਸੀ ਕਿ ਪੁਰਾਣੇ ਅਤੇ ਵਰਤੇ ਹੋਏ ਸਮਾਨ ਨੂੰ ਨਵੇਂ ਢੰਗ ਨਾਲ ਦੁਬਾਰਾ ਸੋਚ ਕੇ ਆਧੁਨਿਕ ਫੈਸ਼ਨ ਤਿਆਰ ਕੀਤਾ ਜਾ ਸਕਦਾ ਹੈ। ਵਿਦਿਆਰਥੀਆਂ ਨੇ ਆਪਣੀ ਡਿਜ਼ਾਇਨ ਸਮਝ ਅਤੇ ਹੁਨਰ ਨਾਲ ਸਧਾਰਣ ਸਮੱਗਰੀ ਨੂੰ ਪਹਿਨਣ ਯੋਗ ਕਲਾ ‘ਚ ਬਦਲ ਦਿੱਤਾ।
ਇਸ ਫੈਸ਼ਨ ਸ਼ੋਅ ‘ਚ ਦੋ ਵਿਸ਼ੇਸ਼ ਥੀਮਾਂ ਪੇਸ਼ ਕੀਤੀਆਂ ਗਈਆਂ, ਜੋ ਜ਼ਿੰਮੇਵਾਰ ਅਤੇ ਰਚਨਾਤਮਕ ਫੈਸ਼ਨ ਦੀ ਸੋਚ ਨੂੰ ਦਰਸਾਉਂਦੀਆਂ ਸਨ। ਪਹਿਲੀ ਥੀਮ ਪੁਰਾਣੀਆਂ ਕੰਬਲਾਂ ਤੋਂ ਤਿਆਰ ਕੀਤੇ ਗਏ ਡਿਜ਼ਾਇਨਾਂ ’ਤੇ ਆਧਾਰਿਤ ਸੀ। ਵਿਦਿਆਰਥੀਆਂ ਨੇ ਟੈਕਸਚਰ, ਲੇਅਰਿੰਗ, ਸਟਰਕਚਰ ਅਤੇ ਸਿਲੂਐਟ ਨਾਲ ਪ੍ਰਯੋਗ ਕਰਦੇ ਹੋਏ ਸਧਾਰਣ ਕੰਬਲਾਂ ਨੂੰ ਆਧੁਨਿਕ ਫੈਸ਼ਨ ਪਹਿਰਾਵਿਆਂ ਵਿੱਚ ਤਬਦੀਲ ਕੀਤਾ।
ਇਨ੍ਹਾਂ ਅਨੋਖੇ ਡਿਜ਼ਾਇਨਾਂ ਨੇ ਸਾਬਤ ਕੀਤਾ ਕਿ ਸਸਟੇਨੇਬਲ ਫੈਸ਼ਨ ਵੀ ਆਕਰਸ਼ਕ ਅਤੇ ਹਾਈ-ਫੈਸ਼ਨ ਹੋ ਸਕਦਾ ਹੈ। ਦੂਜੀ ਥੀਮ ਪਰੰਪਰਾਗਤ ਸ਼ਾਲਾਂ ਦੀ ਰਚਨਾਤਮਕ ਡ੍ਰੇਪਿੰਗ ’ਤੇ ਕੇਂਦਰਿਤ ਸੀ। ਵਿਦਿਆਰਥੀਆਂ ਨੇ ਵਿਰਾਸਤੀ ਕੱਪੜਿਆਂ ਨੂੰ ਆਧੁਨਿਕ ਡਿਜ਼ਾਇਨਾਂ ਵਿੱਚ ਢਾਲਦੇ ਹੋਏ ਉਨ੍ਹਾਂ ਦੀ ਸਾਂਸਕ੍ਰਿਤਿਕ, ਭਾਵਨਾਤਮਕ ਅਤੇ ਇਤਿਹਾਸਕ ਮਹੱਤਤਾ ਨੂੰ ਕਾਇਮ ਰੱਖਿਆ। ਇਸ ਭਾਗ ਨੇ ਪਰੰਪਰਾ ਅਤੇ ਆਧੁਨਿਕਤਾ ਦੇ ਸੁੰਦਰ ਮਿਲਾਪ ਨੂੰ ਬਖੂਬੀ ਦਰਸਾਇਆ।
ਦੋਵਾਂ ਥੀਮਾਂ ਨੇ ਮਿਲ ਕੇ ਇਹ ਸੰਦੇਸ਼ ਦਿੱਤਾ ਕਿ ਫੈਸ਼ਨ ਸਿਰਫ਼ ਖਪਤ ਨਹੀਂ, ਸਗੋਂ ਇੱਕ ਸੋਚ-ਵਿਚਾਰ ਨਾਲ ਕੀਤਾ ਗਿਆ ਜ਼ਿੰਮੇਵਾਰ ਰਚਨਾਤਮਕ ਕੰਮ ਹੋਣਾ ਚਾਹੀਦਾ ਹੈ। “ਰੈਪ ਐਂਡ ਰੀ-ਰੈਪ – ਫੈਸ਼ਨ ਰੀਇਮੇਜਿੰਡ” ਵਿਦਿਆਰਥੀਆਂ ਲਈ ਇੱਕ ਐਸਾ ਮੰਚ ਬਣਿਆ, ਜਿੱਥੇ ਉਨ੍ਹਾਂ ਨੇ ਆਪਣੀ ਡਿਜ਼ਾਇਨ ਯੋਗਤਾ, ਪ੍ਰਯੋਗਾਤਮਕ ਸੋਚ ਅਤੇ ਸਸਟੇਨੇਬਲ ਫੈਸ਼ਨ ਪ੍ਰਤੀ ਆਪਣੀ ਵਚਨਬੱਧਤਾ ਨੂੰ ਰੈਂਪ ’ਤੇ ਪ੍ਰਭਾਵਸ਼ਾਲੀ ਢੰਗ ਨਾਲ ਦਰਸਾਇਆ।
ਇਸ ਸਮਾਗਮ ਨੇ ਐਕਸਪੀਰੀਐਂਸ਼ਲ ਲਰਨਿੰਗ ਨੂੰ ਉਤਸ਼ਾਹਿਤ ਕੀਤਾ ਅਤੇ ਵਿਦਿਆਰਥੀਆਂ ਨੂੰ ਹਥੋਂ-ਕੰਮ ਦਾ ਅਨੁਭਵ ਪ੍ਰਦਾਨ ਕੀਤਾ। ਇਹ ਫੈਸ਼ਨ ਸ਼ੋਅ ਯੂਨੀਵਰਸਿਟੀ ਦੀ ਉਸ ਸੋਚ ਨੂੰ ਵੀ ਦਰਸਾਉਂਦਾ ਹੈ, ਜੋ ਵਿਦਿਆਰਥੀਆਂ ਨੂੰ ਉਦਯੋਗ ਲਈ ਤਿਆਰ ਕਰਨ ਅਤੇ ਭਵਿੱਖ ਦੇ ਡਿਜ਼ਾਇਨ ਵਿੱਚ ਦੁਬਾਰਾ ਵਰਤੋਂ ਅਤੇ ਨਵਾਟਰਤਾ ਨੂੰ ਮਹੱਤਵ ਦਿੰਦੀ ਹੈ।
ਆਯੋਜਕਾਂ ਨੇ ਇਸ ਸਫ਼ਲ ਸਮਾਗਮ ਲਈ ਯੂਨੀਵਰਸਿਟੀ ਪ੍ਰਬੰਧਨ ਦਾ ਦਿਲੋਂ ਧੰਨਵਾਦ ਕੀਤਾ, ਜਿਨ੍ਹਾਂ ਦੇ ਲਗਾਤਾਰ ਸਹਿਯੋਗ ਅਤੇ ਦੂਰਦਰਸ਼ੀ ਨੇਤ੍ਰਿਤਵ ਨਾਲ ਇਹ ਸਮਾਗਮ ਸੰਭਵ ਹੋ ਸਕਿਆ। ਇਸਦੇ ਨਾਲ ਹੀ ਮੋਨੂ ਸ਼ਰਮਾ, ਹੈੱਡ – ਸਕੂਲ ਆਫ਼ ਡਿਜ਼ਾਇਨ ਐਂਡ ਇਨੋਵੇਸ਼ਨ, ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ਗਿਆ, ਜਿਨ੍ਹਾਂ ਦੀ ਰਚਨਾਤਮਕ ਅਗਵਾਈ ਅਤੇ ਮਾਰਗਦਰਸ਼ਨ ਨੇ ਵਿਦਿਆਰਥੀਆਂ ਅਤੇ ਫੈਕਲਟੀ ਨੂੰ ਨਵੀਂ ਦਿਸ਼ਾ ਦਿੱਤੀ।
ਡਾ. ਸਿਮਰਨਜੀਤ ਕੌਰ ਗਿੱਲ, ਪ੍ਰੋ ਵਾਈਸ ਚਾਂਸਲਰ ਨੇ ਇਸ ਪਹਿਲ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ “ਰੈਪ ਐਂਡ ਰੀ-ਰੈਪ-ਫੈਸ਼ਨ ਰੀਇਮੇਜਿੰਡ’ ਸਾਡੀ ਯੂਨੀਵਰਸਿਟੀ ਦੀ ਸਸਟੇਨੇਬਿਲਟੀ, ਰਚਨਾਤਮਕਤਾ ਅਤੇ ਅਨੁਭਵਾਤਮਕ ਸਿੱਖਿਆ ਪ੍ਰਤੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ। ਵਿਦਿਆਰਥੀਆਂ ਵੱਲੋਂ ਰੋਜ਼ਮਰ੍ਹਾ ਅਤੇ ਪਰੰਪਰਾਗਤ ਸਮੱਗਰੀ ਨੂੰ ਜ਼ਿੰਮੇਵਾਰ ਫੈਸ਼ਨ ‘ਚ ਬਦਲਣਾ ਬਹੁਤ ਪ੍ਰੇਰਣਾਦਾਇਕ ਹੈ।”
ਮੋਨੂ ਸ਼ਰਮਾ, ਹੈੱਡ-ਸਕੂਲ ਆਫ਼ ਡਿਜ਼ਾਇਨ ਐਂਡ ਇਨੋਵੇਸ਼ਨ ਨੇ ਵਿਦਿਆਰਥੀਆਂ ਦੀ ਸਰਾਹਨਾ ਕਰਦਿਆਂ ਕਿਹਾ ਕਿ “ਇਹ ਫੈਸ਼ਨ ਸ਼ੋਅ ਇਸ ਗੱਲ ਦੀ ਸ਼ਾਨਦਾਰ ਮਿਸਾਲ ਹੈ ਕਿ ਨਵਾਟਰਤਾ ਅਤੇ ਸਸਟੇਨੇਬਿਲਟੀ ਇਕੱਠੇ ਚੱਲ ਸਕਦੇ ਹਨ। ਐਸੀਆਂ ਪਹਿਲਾਂ ਵਿਦਿਆਰਥੀਆਂ ਨੂੰ ਜ਼ਿੰਮੇਵਾਰ ਸੋਚ, ਡਿਜ਼ਾਇਨ ਅਤੇ ਰਚਨਾਤਮਕ ਉਦਯੋਗ ਦੀਆਂ ਬਦਲਦੀਆਂ ਲੋੜਾਂ ਲਈ ਤਿਆਰ ਕਰਦੀਆਂ ਹਨ।”
Read More: ਸੀਟੀ ਗਰੁੱਪ ਆਫ਼ ਇੰਸਟੀਚਿਊਸ਼ਨਜ਼ ਵਿਖੇ ਵਿਸ਼ਵ ਕੈਂਸਰ ਦਿਵਸ ਜਾਗਰੂਕਤਾ ਪ੍ਰੋਗਰਾਮ
