26 ਸਤੰਬਰ 2024: ਬਰਨਾਲਾ ਦੀ ਤਪਾ ਮੰਡੀ ਦੇ ਵਿੱਚ ਨੌਜਵਾਨ ਦਾ ਸ਼ਰੇਆਮ ਬਜਾਰ ਦੇ ਵਿੱਚ ਕਿਰਚਾਂ ਮਾਰ ਕੇ ਕਤਲ ਕੀਤਾ ਗਿਆ| ਦੱਸ ਦੇਈਏ ਕਿ ਫ਼ਲਾਂ ਦੇ ਪੈਸੇ ਮੰਗਣ ‘ਤੇ ਇਸ ਵਾਰਦਾਤ ਨੂੰ ਅੰਜ਼ਾਮ ਦਿੱਤਾ ਗਿਆ ਹੈ| ਮ੍ਰਿਤਕ ਦੀ ਪਹਿਚਾਣ ਅਮਨਦੀਪ ਸਿੰਘ ਵਜੋਂ ਹੋਈ ਹੈ|

ਉੱਥੇ ਹੀ ਇਹ ਵੀ ਜਾਣਕਾਰੀ ਮਿਲੀ ਹੈ ਕਿ ਮ੍ਰਿਤਕ ਨੌਜਵਾਨ ਆਪਣੇ ਭਰਾ ਦੇ ਨਾਲ ਫ਼ਲਾਂ ਦੀ ਰੇਹੜੀ ਲਗਾਉਂਦਾ ਸੀ| ਕੁਝ ਅਣਪਛਾਤੀਆਂ ਦੇ ਵਲੋਂ ਫ਼ਲਾਂ ਦੇ ਪੈਸਿਆਂ ਨੂੰ ਲੈ ਕੇ ਬਹਿਸ ਹੋਈ, ਜਿਸ ਦੌਰਾਨ ਅਣਪਛਾਤੀਆਂ ਦੇ ਵਲੋਂ ਸ਼ਰੇਆਮ ਬਜ਼ਾਰ ਦੇ ਵਿਚ ਨੌਜਵਾਨ ਨੂੰ ਮੌਤ ਦੇ ਘਾਟ ਉਤਾਰਿਆ ਗਿਆ| ਦੱਸ ਦੇਈਏ ਕਿ ਅਣਪਛਾਤੀਆਂ ਨੇ ਨਸ਼ਾ ਕੀਤਾ ਹੋਇਆ ਸੀ| ਦੋਵੇਂ ਭਰਾਵਾਂ ‘ਤੇ ਹਮਲਾ ਕੀਤਾ ਗਿਆ ਜਿਥੇ ਅਮਨਦੀਪ ਦੀ ਮੌਤ ਹੋ ਜਾਂਦੀ ਹੀ ‘ਤੇ ਦੂਜਾ ਨੌਜਵਾਨ ਜਖ਼ਮੀ ਹੋ ਗਿਆ ਹੈ|