ਦੇਸ਼, 18 ਅਕਤੂਬਰ 2025: ਫਿਲਮ ਨਿਰਦੇਸ਼ਕ, ਸੰਗੀਤਕਾਰ, ਲੇਖਕ, ਅਦਾਕਾਰ ਅਤੇ ਗਾਇਕ ਪਲਾਸ਼ ਮੁਛਾਲ ਨੇ ਸ਼ੁੱਕਰਵਾਰ ਨੂੰ ਇੰਦੌਰ ‘ਚ ਐਲਾਨ ਕੀਤਾ ਕਿ ਉਹ ਛੇਤੀ ਹੀ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੀ ਸਟਾਰ ਖਿਡਾਰਨ ਸਮ੍ਰਿਤੀ ਮੰਧਾਨਾ ਨਾਲ ਵਿਆਹ ਕਰਵਾਉਣ ਜਾ ਰਹੇ ਹਨ। ਪਲਾਸ਼ ਨੇ ਮੁਸਕਰਾਉਂਦੇ ਹੋਏ ਕਿਹਾ, “ਸਮ੍ਰਿਤੀ ਛੇਤੀ ਹੀ ਇੰਦੌਰ ਦੀ ਨੂੰਹ ਬਣੇਗੀ। ਇੰਦੌਰ ਮੇਰੇ ਅੰਦਰ ਵਸਦਾ ਹੈ।”
ਉਨ੍ਹਾਂ ਦੱਸਿਆ ਕਿ ਉਹ ਲੰਬੇ ਸਮੇਂ ਤੋਂ ਪੂਰੀ ਫਿਲਮ ਇੰਦੌਰ ‘ਚ ਸ਼ੂਟ ਕਰਨ ਦੀ ਇੱਛਾ ਰੱਖਦਾ ਸੀ, ਤਾਂ ਜੋ ਸ਼ਹਿਰ ਦੀਆਂ ਸੁੰਦਰ ਗਲੀਆਂ ਅਤੇ ਸਥਾਨਾਂ ਨੂੰ ਵੱਡੇ ਪਰਦੇ ‘ਤੇ ਦੇਖਿਆ ਜਾ ਸਕੇ। ਪਲਾਸ਼ ਨੇ ਖੁਲਾਸਾ ਕੀਤਾ ਕਿ ਮਹਿਲਾ ਕ੍ਰਿਕਟ ਟੀਮ ਦੀ ਉਪ-ਕਪਤਾਨ ਸਮ੍ਰਿਤੀ ਮੰਧਾਨਾ ਇਸ ਸਮੇਂ ਇੰਦੌਰ ‘ਚ ਮਹਿਲਾ ਕ੍ਰਿਕਟ ਵਿਸ਼ਵ ਕੱਪ ‘ਚ ਹਿੱਸਾ ਲੈ ਰਹੀ ਹੈ। ਭਾਰਤ-ਇੰਗਲੈਂਡ ਮੈਚ 19 ਅਕਤੂਬਰ ਨੂੰ ਉੱਥੇ ਖੇਡਿਆ ਜਾਵੇਗਾ। ਪਲਾਸ਼ ਨੇ ਕਿਹਾ ਕਿ ਉਹ ਭਾਰਤੀ ਟੀਮ ਅਤੇ ਸਮ੍ਰਿਤੀ ਦਾ ਮਨੋਬਲ ਵਧਾਉਣ ਲਈ ਸਟੇਡੀਅਮ ਜਾਣਗੇ |
ਪਲਾਸ਼ ਮੁੱਛਲ ਇਸ ਸਮੇਂ ਆਪਣੀ ਨਵੀਂ ਫਿਲਮ, “ਰਾਜੂ ਬੈਂਡ ਵਾਲਾ” ਦਾ ਨਿਰਦੇਸ਼ਨ ਕਰ ਰਹੇ ਹਨ। ਇਹ ਫਿਲਮ ਬੈਂਡ ਖਿਡਾਰੀਆਂ ਦੇ ਜੀਵਨ, ਸੰਘਰਸ਼ਾਂ ਅਤੇ ਭਾਵਨਾਵਾਂ ‘ਤੇ ਅਧਾਰਤ ਹੈ। ਇਸ ‘ਚ “ਪੰਚਾਇਤ” ਪ੍ਰਸਿੱਧੀ ਦੇ ਚੰਦਨ ਰਾਏ ਮੁੱਖ ਭੂਮਿਕਾ ‘ਚ ਹਨ, ਜਦੋਂ ਕਿ ਅਵਿਕਾ ਗੌਰ ਮੁੱਖ ਭੂਮਿਕਾ ‘ਚ ਹੈ।
Read More: ਅਭਿਸ਼ੇਕ ਸ਼ਰਮਾ ਤੇ ਸਮ੍ਰਿਤੀ ਮੰਧਾਨਾ ਨੂੰ ਮਿਲਿਆ ICC ਪਲੇਅਰ ਆਫ ਦਿ ਮੰਥ ਪੁਰਸਕਾਰ
