ਦੇਸ਼, 24 ਦਸੰਬਰ 2025: ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਨੇ ਮੰਗਲਵਾਰ ਨੂੰ ਕਿਹਾ ਕਿ ਦੇਸ਼ ‘ਚ ਅੱਜ ਜੋ ਹਿੰਦੂ-ਮੁਸਲਿਮ ਸਮੱਸਿਆਵਾਂ ਹਨ, ਉਹ ਕਾਂਗਰਸ ਪਾਰਟੀ ਦੇ ਧਰਮ ਨਿਰਪੱਖਤਾ ਦੇ ਸੰਕਲਪ ਅਤੇ ਵੋਟ ਬੈਂਕ ਦੀ ਰਾਜਨੀਤੀ ਕਾਰਨ ਹਨ। ਕਾਂਗਰਸ ਨੇ ਧਰਮ ਨਿਰਪੱਖਤਾ ਦੀ ਗਲਤ ਵਿਆਖਿਆ ਕੀਤੀ ਹੈ।”
ਗਡਕਰੀ ਦੇ ਮੁਤਾਬਕ “ਸੈਕੂਲਰਰਿਜਮ ਦਾ ਅਰਥ ਧਰਮ ਨਿਰਪੱਖਤਾ ਜਾਂ ਕਿਸੇ ਇੱਕ ਭਾਈਚਾਰੇ ਨੂੰ ਖੁਸ਼ ਕਰਨਾ ਨਹੀਂ ਹੈ। ਇਸਦਾ ਅਸਲ ਅਰਥ ‘ਸਰਵ ਧਰਮ ਸਮਭਾਵ’ ਹੈ, ਜਿਸਦਾ ਅਰਥ ਹੈ ਸਾਰੇ ਧਰਮਾਂ ਲਈ ਬਰਾਬਰ ਸਤਿਕਾਰ, ਸਾਰਿਆਂ ਲਈ ਨਿਆਂ ਅਤੇ ਸਾਰਿਆਂ ਲਈ ਬਰਾਬਰ ਵਿਵਹਾਰ ਕਰਨ ਹੈ।”
ਗਡਕਰੀ ਦਿੱਲੀ ‘ਚ ਰਾਜਸਥਾਨ ਵਿਧਾਨ ਸਭਾ ਦੇ ਸਪੀਕਰ ਪ੍ਰੋਫੈਸਰ ਵਾਸੂਦੇਵ ਦੇਵਨਾਨੀ ਦੀ ਕਿਤਾਬ, “ਸਨਾਤਨ ਸੰਸਕ੍ਰਿਤੀ ਦੀ ਅਟਲ ਦ੍ਰਿਸ਼ਟੀ” ਦੇ ਲਾਂਚ ਸਮਾਗਮ ‘ਚ ਬੋਲ ਰਹੇ ਸਨ। ਉਪ ਰਾਸ਼ਟਰਪਤੀ ਸੀ.ਪੀ. ਰਾਧਾਕ੍ਰਿਸ਼ਨਨ ਵੀ ਮੌਜੂਦ ਸਨ।
ਸਾਬਕਾ ਪ੍ਰਧਾਨ ਮੰਤਰੀ ਅਟਲ ਬਿਹਾਰੀ ਵਾਜਪਾਈ ਦੇ ਬਿਆਨ ਨੂੰ ਦੁਹਰਾਉਂਦੇ ਹੋਏ, ਉਨ੍ਹਾਂ ਕਿਹਾ ਕਿ ਭਾਰਤ ਪਹਿਲਾਂ ਧਰਮ ਨਿਰਪੱਖ ਸੀ, ਅੱਜ ਧਰਮ ਨਿਰਪੱਖ ਹੈ ਅਤੇ ਹਮੇਸ਼ਾ ਰਹੇਗਾ। ਇਹ ਭਾਜਪਾ-ਆਰ.ਐਸ.ਐਸ. ਕਾਰਨ ਨਹੀਂ ਹੈ, ਸਗੋਂ ਭਾਰਤੀ, ਹਿੰਦੂ ਅਤੇ ਸਨਾਤਨ ਸੱਭਿਆਚਾਰ ਕਾਰਨ ਹੈ, ਜੋ ਦੁਨੀਆ ਦੀ ਭਲਾਈ ਦੀ ਸਿੱਖਿਆ ਦਿੰਦਾ ਹੈ।
ਭਾਰਤੀ ਸੱਭਿਆਚਾਰ ਸਹਿਣਸ਼ੀਲ, ਹਮਦਰਦ ਅਤੇ ਸਮਾਵੇਸ਼ੀ ਹੈ ਅਤੇ ਇਤਿਹਾਸ ‘ਚ ਕਿਸੇ ਹਿੰਦੂ ਰਾਜੇ ਵੱਲੋਂ ਧਾਰਮਿਕ ਸਥਾਨਾਂ ਨੂੰ ਤਬਾਹ ਕਰਨ ਦੀ ਕੋਈ ਉਦਾਹਰਣ ਨਹੀਂ ਹੈ। ਗਡਕਰੀ ਨੇ ਕਿਹਾ ਕਿ ਆਧੁਨਿਕੀਕਰਨ ਸੱਭਿਅਤਾ ਦੇ ਆਤਮਵਿਸ਼ਵਾਸ ‘ਤੇ ਅਧਾਰਤ ਹੋਣਾ ਚਾਹੀਦਾ ਹੈ। ਇਸ ਮੌਕੇ ਭਾਜਪਾ ਆਗੂ ਸੁਧਾਂਸ਼ੂ ਤ੍ਰਿਵੇਦੀ ਅਤੇ ਸੇਵਾਮੁਕਤ ਲੈਫਟੀਨੈਂਟ ਜਨਰਲ ਵੀਜੀ ਖੰਡਾਰੇ ਵੀ ਮੌਜੂਦ ਸਨ।
Read More: ਜਰਮਨੀ ਦੌਰੇ ਦੌਰਾਨ ਰਾਹੁਲ ਗਾਂਧੀ ਨੇ ਭਾਜਪਾ ਸਰਕਾਰ ‘ਤੇ ਸੰਵਿਧਾਨ ਖ਼ਤਮ ਕਰਨ ਦਾ ਲਗਾਇਆ ਦੋਸ਼
