ਜਨਤਕ ਛੁੱਟੀ 2026: Public Holidays Punjab 2026, Complete Punjab Holidays List: ਪੰਜਾਬ ਸਰਕਾਰ ਨੇ ਸਾਲ 2026 ਲਈ ਸਰਕਾਰੀ ਅਦਾਰਿਆਂ, ਸਕੂਲ, ਕਾਲਜਾਂ ਅਤੇ ਹੋਰ ਵਿੱਦਿਅਕ ਅਦਾਰਿਆਂ ‘ਚ ਸਰਕਾਰੀ ਛੁੱਟੀਆਂ ਦਾ ਐਲਾਨ ਕੀਤਾ ਹੈ | ਪੰਜਾਬ ਸਰਕਾਰ ਨੇ ਛੁੱਟੀਆਂ ਲਈ ਸਾਲ 2026 ਲਈ ਕੈਲੰਡਰ ਜਾਰੀ ਕੀਤਾ ਹੈ।
ਇਸ ਸਾਲ ਕਰਮਚਾਰੀਆਂ ਨੂੰ ਪਿਛਲੇ ਸਾਲਾਂ ਦੇ ਮੁਕਾਬਲੇ ਘੱਟ ਛੁੱਟੀਆਂ ਮਿਲਣਗੀਆਂ, ਉੱਥੇ ਲਗਾਤਾਰ ਤਿੰਨ ਲੰਮੇ ਵੀਕਐਂਡ ਆਰਾਮ ਪ੍ਰਦਾਨ ਕਰਨਗੇ। ਘੱਟ ਛੁੱਟੀਆਂ ਦੇ ਬਾਵਜੂਦ, 2026 ਦਾ ਕੈਲੰਡਰ ਕਰਮਚਾਰੀਆਂ ਲਈ ਖਾਸ ਰਾਹਤ ਲਿਆਉਂਦਾ ਹੈ | ਇਸਦੇ ਨਾਲ ਮਾਪੇ ਆਪਣੇ ਬੱਚਿਆਂ ਲਈ ਘੁੰਮਣ ਦਾ ਪਲਾਨ ਬਣਾ ਸਕਦੇ ਹਨ | ਇਸ ਲਈ ਵਿਦਿਆਰਥੀਆਂ, ਮਾਪਿਆਂ ਅਤੇ ਅਧਿਆਪਕਾਂ ਨੂੰ ਆਉਣ ਵਾਲੀਆਂ ਜਨਤਕ ਛੁੱਟੀਆਂ 2026 ਬਾਰੇ ਜਾਣੂ ਹੋਣਾ ਚਾਹੀਦਾ ਹੈ।
ਪੰਜਾਬ ਭਰ ਦੇ ਸਕੂਲ ਅਤੇ ਹੋਰ ਸੰਸਥਾਵਾਂ ਕਈ ਤਰ੍ਹਾਂ ਦੀਆਂ ਗਜ਼ਟਿਡ ਛੁੱਟੀਆਂ ਅਤੇ ਸਰਕਾਰੀ ਛੁੱਟੀਆਂ ਮਨਾਉਂਦੀਆਂ ਹਨ, ਇਹ ਛੁੱਟੀਆਂ ਸੱਭਿਆਚਾਰਕ, ਖੇਤਰੀ ਅਤੇ ਕੌਮੀ ਸਮਾਗਮਾਂ ਨਾਲ ਸਬੰਧਤ ਹੁੰਦੀਆਂ ਹਨ। ਲੇਖ ‘ਚ ਅਸੀਂ ਪੰਜਾਬ ‘ਚ ਸਰਕਾਰੀ ਛੁੱਟੀਆਂ ਜਾਂ ਜਨਤਕ ਛੁੱਟੀਆਂ ਦੇ ਕੈਲੰਡਰ 2026 ਦੇ ਵੇਰਵੇ ਸਾਂਝੇ ਕੀਤੇ ਹਨ |
ਜਨਵਰੀ ਮਹੀਨੇ 2026 ‘ਚ ਛੁੱਟੀਆਂ (Holidays in January 2026)
01 ਜਨਵਰੀ, 2026: ਪੰਜਾਬ ਸਰਕਰ ਦੇ ਕੈਲੰਡਰ 2026 ਮੁਤਾਬਕ 1 ਜਨਵਰੀ 2026 ਨੂੰ ਨਵੇਂ ਸਾਲ (New Year 2026) ਦੀ ਰਾਖਵੀਂ ਛੁੱਟੀ ਐਲਾਨੀ ਗਈ ਹੈ । ਇਹ ਇੱਕ ਅਜਿਹਾ ਜਸ਼ਨ ਹੈ ਜੋ ਇੱਕ ਨਵੇਂ ਕੈਲੰਡਰ ਸਾਲ ਦੀ ਸ਼ੁਰੂਆਤ ਨੂੰ ਦਰਸਾਉਂਦਾ ਹੈ। ਦੁਨੀਆ ਭਰ ‘ਚ ਅਤੇ ਭਾਰਤ ਦੇ ਅੰਦਰ ਜਸ਼ਨ ਮਨਾਏ ਜਾਂਦੇ ਹਨ |
13 ਜਨਵਰੀ 2026: ਲੋਹੜੀ 2026 (Lohri 2026): ਹਰ ਸਾਲ 13 ਜਨਵਰੀ ਨੂੰ ਲੋਹੜੀ ਦਾ ਤਿਉਹਾਰ ਮਨਾਇਆ ਜਾਂਦਾ ਹੈ, ਜੋ ਸਰਦੀਆਂ ਦੇ ਅੰਤ ਅਤੇ ਹਾੜੀ ਦੀ ਫਸਲ ਦੀ ਵਾਢੀ ਦਾ ਜਸ਼ਨ ਮਨਾਉਂਦਾ ਹੈ। ਇਸ ਦਿਨ, ਲੋਕ ਅੱਗ ਬਾਲਦੇ ਹਨ, ਰਵਾਇਤੀ ਗੀਤ ਗਾਉਂਦੇ ਹਨ, ਅਤੇ ਮੂੰਗਫਲੀ, ਤਿਲ, ਚੌਲ ਅਤੇ ਰੇਵੜੀਆਂ ਵਰਗੀਆਂ ਚੀਜ਼ਾਂ ਭੇਟ ਕਰਦੇ ਹਨ। ਇਹ ਤਿਉਹਾਰ ਉੱਤਰੀ ਭਾਰਤੀ ਸੂਬਿਆਂ ਜਿਵੇਂ ਕਿ ਪੰਜਾਬ, ਹਰਿਆਣਾ, ਹਿਮਾਚਲ ਪ੍ਰਦੇਸ਼ ਅਤੇ ਦਿੱਲੀ ‘ਚ ਉਤਸ਼ਾਹ ਨਾਲ ਮਨਾਇਆ ਜਾਂਦਾ ਹੈ। ਇਸ ਦਿਨ ਪੰਜਾਬ ਦੇ ਸਕੂਲਾਂ, ਕਾਲਜਾਂ ਅਤੇ ਹੋਰ ਸਰਕਾਰੀ ਅਦਾਰਿਆਂ ‘ਚ ਜਨਤਕ ਛੁੱਟੀ (ਸਰਕਾਰੀ ਛੁੱਟੀ) ਰਹੇਗੀ।
17 ਜਨਵਰੀ 2026: ਪੰਜਾਬ ‘ਚ 17 ਜਨਵਰੀ ਨੂੰ ਭਗਵਾਨ ਆਦਿ ਨਾਥ ਜੀ ਨਿਰਵਾਣ ਦਿਵਸ ਮਨਾਇਆ ਜਾਵੇਗਾ | ਇਸ ਦਿਨ ਪੰਜਾਬ ਦੇ ਸਕੂਲਾਂ, ਕਾਲਜਾਂ ਅਤੇ ਹੋਰ ਸਰਕਾਰੀ ਅਦਾਰਿਆਂ ‘ਚ ਸਰਕਾਰੀ ਛੁੱਟੀ ਰਹੇਗੀ।
23 ਜਨਵਰੀ 2026: ਇਸ ਸਾਲ ਬਸੰਤ ਪੰਚਮੀ ਸ਼ੁੱਕਰਵਾਰ, 23 ਜਨਵਰੀ ਨੂੰ ਮਨਾਈ ਜਾਵੇਗੀ। ਇਹ ਤਿਉਹਾਰ ਮਾਘ ਮਹੀਨੇ ਦੇ ਸ਼ੁਕਲ ਪੱਖ ਦੀ ਪੰਚਮੀ ਤਿਥੀ ਨੂੰ ਮਨਾਇਆ ਜਾਂਦਾ ਹੈ, ਜੋ 23 ਜਨਵਰੀ ਨੂੰ ਸਵੇਰੇ 02:28 ਵਜੇ ਸ਼ੁਰੂ ਹੁੰਦਾ ਹੈ ਅਤੇ 24 ਜਨਵਰੀ ਨੂੰ ਸਵੇਰੇ 01:46 ਵਜੇ ਖਤਮ ਹੁੰਦਾ ਹੈ। ਇਸ ਦਿਨ ਪੰਜਾਬ ‘ਚ ਸਰਕਾਰੀ ਅਤੇ ਹੋਰ ਅਦਾਰਿਆਂ ‘ਚ ਸਰਕਾਰੀ ਛੁੱਟੀ ਰਹੇਗੀ।
23 ਜਨਵਰੀ 2026: ਜਨਮ ਦਿਹਾੜਾ ਸਤਿਗੁਰੂ ਰਾਮ ਸਿੰਘ ਜੀ: ਬਾਬਾ ਰਾਮ ਸਿੰਘ ਦਾ ਜਨਮ 3 ਫਰਵਰੀ 1816 ਨੂੰ ਪੰਚਮੀ ਬਸੰਤ ਵਾਲੇ ਦਿਨ ਸੰਮਤ 1872 ਬਿਕਰਮੀ) ‘ਚ ਮਾਈ ਸਦਾ ਕੌਰ ਦੀ ਕੁੱਖੋਂ ਪਿੰਡ ਭੈਣੀ ਰਾਈਆਂ (ਲੁਧਿਆਣਾ) ਵਿਖੇ ਬਾਬਾ ਜੱਸਾ ਸਿੰਘ ਦੇ ਘਰ ਹੋਇਆ ਸੀ। ਬਾਬਾ ਰਾਮ ਸਿੰਘ ਜੀ ਦੇ ਜਨਮ ਦਿਹਾੜੇ ਮੌਕੇ ਪੰਜਾਬ ਦੇ ਸਕੂਲਾਂ, ਕਾਲਜਾਂ ਅਤੇ ਹੋਰ ਸਰਕਾਰੀ ਅਦਾਰਿਆਂ ‘ਚ ਜਨਤਕ ਛੁੱਟੀ (ਸਰਕਾਰੀ ਛੁੱਟੀ) ਰਹੇਗੀ।
ਫਰਵਰੀ ਮਹੀਨੇ 2026 ‘ਚ ਛੁੱਟੀਆਂ (Holidays in February 2026)
01 ਫਰਵਰੀ 2026: ਇਸ ਸਾਲ ਗੁਰੂ ਰਵਿਦਾਸ ਦਾ ਜਨਮ ਦਿਹਾੜਾ ਐਤਵਾਰ, 1 ਫਰਵਰੀ 2026 ਨੂੰ ਮਨਾਇਆ ਜਾਵੇਗਾ। ਇਹ ਜਨਮ ਦਿਨ ਹਿੰਦੂ ਕੈਲੰਡਰ ਦੇ ਅਨੁਸਾਰ ਮਾਘ ਪੂਰਨਿਮਾ ਨੂੰ ਮਨਾਇਆ ਜਾਂਦਾ ਹੈ। ਇਸ ਦਿਨ ਪੰਜਾਬ ‘ਚ ਸਰਕਾਰੀ ਅਤੇ ਹੋਰ ਅਦਾਰਿਆਂ ‘ਚ ਸਰਕਾਰੀ ਛੁੱਟੀ ਰਹੇਗੀ।
15 ਫਰਵਰੀ, 2026: ਇਸ ਸਾਲ ਮਹਾਸ਼ਿਵਰਾਤਰੀ 2026 (Mahashivratri 2026) ਬੁੱਧਵਾਰ, 15 ਫਰਵਰੀ, 2025 ਨੂੰ ਧੂਮਧਾਮ ਨਾਲ ਮਨਾਈ ਜਾਵੇਗੀ। ਹਿੰਦੂ ਭਾਈਚਾਰੇ ਲਈ ਮਹਾਸ਼ਿਵਰਾਤਰੀ ਬੇਹੱਦ ਖਾਸ ਦਿਨ ਹੁੰਦਾ ਹੈ | ਇਸ ਦਿਨ ਪੰਜਾਬ ਦੇ ਸਕੂਲਾਂ, ਕਾਲਜਾਂ ਅਤੇ ਹੋਰ ਸਰਕਾਰੀ ਅਦਾਰਿਆਂ ‘ਚ ਛੁੱਟੀ ਰਹੇਗੀ।
ਮਾਰਚ ਮਹੀਨੇ 2026 ‘ਚ ਛੁੱਟੀਆਂ (Holidays in March 2026)
04 ਮਾਰਚ 2026: ਹੋਲੀ 2026: ਰੰਗਾਂ ਦਾ ਤਿਉਹਾਰ ਹੋਲੀ, ਫੱਗਣ ਦੀ ਪੂਰਨਿਮਾ ਜਾਂ ਹੋਲਿਕਾ ਦਹਨ ਤੋਂ ਅਗਲੇ ਦਿਨ ਮਨਾਏ ਜਾਣ ਵਾਲੇ ਪ੍ਰਮੁੱਖ ਹਿੰਦੂ ਤਿਉਹਾਰਾਂ ‘ਚੋਂ ਇੱਕ ਹੈ। ਇਸ ਸਾਲ 2026 ‘ਚ ਹੋਲੀ ਦਾ ਤਿਉਹਾਰ ਬੁੱਧਵਾਰ, 4 ਮਾਰਚ ਨੂੰ ਮਨਾਈ ਜਾਵੇਗੀ। ਇਸ ਦਿਨ ਪੰਜਾਬ ਦੇ ਸਕੂਲਾਂ, ਕਾਲਜਾਂ ਅਤੇ ਹੋਰ ਸਰਕਾਰੀ ਅਦਾਰਿਆਂ ‘ਚ ਜਨਤਕ ਛੁੱਟੀ (ਸਰਕਾਰੀ ਛੁੱਟੀ) ਰਹੇਗੀ।
21 ਮਾਰਚ 2026: ਈਦ-ਉੱਲ-ਫਿਤਰ 2026: ਈਦ ਅਲ-ਫਿਤਰ, ਜਿਸਨੂੰ ਮਿੱਠੀ ਈਦ ਵੀ ਕਿਹਾ ਜਾਂਦਾ ਹੈ, ਇੱਕ ਪ੍ਰਮੁੱਖ ਮੁਸਲਿਮ ਤਿਉਹਾਰ ਹੈ ਜੋ ਰੋਜ਼ੇ ਜਾਂ ਵਰਤ ਖੋਲਣ ਦਾ ਤਿਉਹਾਰ ਹੈ। ਇਹ ਇਸਲਾਮੀ ਹਿਜਰੀ ਕੈਲੰਡਰ ਦੇ ਮੁਤਾਬਕ ਸ਼ਾਵਾਲ ਮਹੀਨੇ ਦੇ ਪਹਿਲੇ ਦਿਨ ਮਨਾਇਆ ਜਾਂਦਾ ਹੈ। ਇਸ ਸਾਲ ਪੰਜਾਬ ‘ਚ 21 ਮਾਰਚ ਨੂੰ ਈਦ-ਉੱਲ-ਫਿਤਰ ‘ਤੇ ਸਰਕਾਰੀ ਸਕੂਲਾਂ, ਕਾਲਜਾਂ ਅਤੇ ਹੋਰ ਸਰਕਾਰੀ ਅਦਾਰਿਆਂ ‘ਚ ਜਨਤਕ ਛੁੱਟੀ (ਸਰਕਾਰੀ ਛੁੱਟੀ) ਰਹੇਗੀ।
23 ਮਾਰਚ 2026: (Shaheedi Diwas 2026) 23 ਮਾਰਚ ਨੂੰ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ, ਰਾਜਗੁਰੂ ਅਤੇ ਸੁਖਦੇਵ ਦੇ ਸ਼ਹੀਦੀ ਦਿਵਸ ਵਜੋਂ ਮਨਾਇਆ ਜਾਂਦਾ ਹੈ। ਇਸ ਦਿਨ ਦੇਸ਼ ਦੇ ਤਿੰਨ ਮਹਾਨ ਦੇਸ਼ ਭਗਤਾਂ, ਸ਼ਹੀਦ-ਏ-ਆਜ਼ਮ ਸਰਦਾਰ ਭਗਤ ਸਿੰਘ, ਸ਼ਹੀਦ ਰਾਜਗੁਰੂ ਅਤੇ ਸ਼ਹੀਦ ਸੁਖਦੇਵ ਨੂੰ ਫਾਂਸੀ ਦਿੱਤੀ ਸੀ। ਇਸ ਦਿਨ ਪੰਜਾਬ ‘ਚ ਸਰਕਾਰੀ ਛੁੱਟੀ ਰਹੇਗੀ।
26 ਮਾਰਚ 2026: ਇਸ ਸਾਲ ਰਾਮ ਨੌਮੀ 2026 ਵੀਰਵਾਰ, 26 ਮਾਰਚ ਨੂੰ ਮਨਾਈ ਜਾਵੇਗੀ। ਇਹ ਤਿਉਹਾਰ ਹਿੰਦੂ ਕੈਲੰਡਰ ਦੇ ਮੁਤਾਬਕ ਚੈਤ ਮਹੀਨੇ ਦੇ ਸ਼ੁਕਲ ਪੱਖ ਦੇ ਨੌਵੇਂ ਦਿਨ ਆਉਂਦਾ ਹੈ। ਰਾਮ ਨੌਮੀ ਲਈ ਦੁਪਹਿਰ ਦਾ ਸ਼ੁਭ ਸਮਾਂ 26 ਮਾਰਚ ਨੂੰ ਸਵੇਰੇ 11:13 ਵਜੇ ਤੋਂ ਦੁਪਹਿਰ 1:41 ਵਜੇ ਦੇ ਵਿਚਕਾਰ ਹੈ। ਇਸ ਦਿਨ ਪੰਜਾਬ ‘ਚ ਗਜ਼ਟਿਡ ਛੁੱਟੀ ਰਹੇਗੀ।
31 ਮਾਰਚ 2026: ਮਹਾਵੀਰ ਜਯੰਤੀ ਇੱਕ ਪ੍ਰਮੁੱਖ ਤਿਉਹਾਰ ਹੈ ਜੋ ਜੈਨ ਧਰਮ ਦੇ ਪੈਰੋਕਾਰਾਂ ਦੁਆਰਾ ਮਨਾਇਆ ਜਾਂਦਾ ਹੈ, ਜੋ ਕਿ ਭਾਰਤ ਭਰ ਦੇ ਬਹੁਤ ਸਾਰੇ ਭਾਈਚਾਰਿਆਂ ‘ਚ ਇੱਕ ਪ੍ਰਮੁੱਖ ਧਰਮ ਹੈ। ਮਹਾਵੀਰ ਜਯੰਤੀ 2026 ਮੰਗਲਵਾਰ, 31 ਮਾਰਚ ਨੂੰ ਮਨਾਈ ਜਾਵੇਗੀ | ਇਸ ਦਿਨ ਪੰਜਾਬ ਦੇ ਸਕੂਲਾਂ, ਕਾਲਜਾਂ ਅਤੇ ਹੋਰ ਸਰਕਾਰੀ ਅਦਾਰਿਆਂ ‘ਚ ਜਨਤਕ ਛੁੱਟੀ (ਸਰਕਾਰੀ ਛੁੱਟੀ) ਰਹੇਗੀ।
ਅਪ੍ਰੈਲ ਮਹੀਨੇ 2026 ‘ਚ ਛੁੱਟੀਆਂ (Holidays in April 2026)
03 ਅਪ੍ਰੈਲ, 2026: ਅੰਗਰੇਜ਼ੀ ਕੈਲੰਡਰ ਦੇ ਮੁਤਾਬਕ ਗੁੱਡ ਫਰਾਈਡੇ (Good Friday 2026) ਦੀ ਤਾਰੀਖ ਹਰ ਸਾਲ ਬਦਲਦੀ ਰਹਿ ਰਹਿੰਦੀ ਹੈ। ਇਸ ਵਾਰ ਗੁੱਡ ਫਰਾਈਡੇ 03 ਅਪ੍ਰੈਲ 2026 ਨੂੰ ਮਨਾਇਆ ਜਾਵੇਗਾ। ਇਸ ਦਿਨ ਈਸਾਈ ਭਾਈਚਾਰੇ ਦੇ ਲੋਕ ਕਾਲੇ ਕੱਪੜੇ ਪਾ ਕੇ ਚਰਚ ਆਉਂਦੇ ਹਨ ਅਤੇ ਪ੍ਰਭੂ ਯਿਸੂ ਨੂੰ ਯਾਦ ਕਰਦੇ ਹਨ।
08 ਅਪ੍ਰੈਲ 2026: ਸ਼੍ਰੀ ਗੁਰੂ ਨਾਭਾ ਦਾਸ ਜੀ ਦਾ ਜਨਮ ਦਿਵਸ (Sri Guru Nabha Dass Jayanti 2026) ਹਰ ਸਾਲ 8 ਅਪ੍ਰੈਲ ਨੂੰ ਪੂਰੇ ਭਾਰਤ ਸਮੇਤ ਪੰਜਾਬ ‘ਚ ਵੀ ਮਨਾਇਆ ਜਾਂਦਾ ਹੈ। ਇਸ ਦਿਨ ਪੰਜਾਬ ਦੇ ਸਕੂਲਾਂ, ਕਾਲਜਾਂ ਅਤੇ ਹੋਰ ਸਰਕਾਰੀ ਅਦਾਰਿਆਂ ‘ਚ ਸਰਕਾਰੀ ਛੁੱਟੀ ਰਹੇਗੀ |
14 ਅਪ੍ਰੈਲ, 2026: ਵਿਸਾਖੀ (Baisakhi 2026) ਦਾ ਤਿਉਹਾਰ ਪੰਜਾਬ ਭਰ ‘ਚ ਹਰ ਸਾਲ 13 ਅਪ੍ਰੈਲ ਨੂੰ ਮਨਾਇਆ ਜਾਂਦਾ ਹੈ। ਇਸ ਤਿਉਹਾਰ ਨੂੰ ਪੰਜਾਬ ਦੇ ਲੋਕ ਬੜੇ ਉਤਸ਼ਾਹ ਨਾਲ ਮਨਾਉਂਦੇ। ਵਿਸਾਖੀ ਦਾ ਤਿਉਹਾਰ 14 ਅਪ੍ਰੈਲ ਨੂੰ ਪੰਜਾਬ ਅਤੇ ਪੂਰੇ ਦੇਸ਼ ‘ਚ ਵੀ ਮਨਾਇਆ ਜਾਂਦਾ ਹੈ। ਵਿਸਾਖੀ ਫਸਲਾਂ ਦੇ ਪੱਕਣ ਦੀ ਖੁਸ਼ੀ ‘ਚ ਮਨਾਇਆ ਜਾਂਦਾ ਹੈ |
14 ਅਪ੍ਰੈਲ 2026: ਡਾ. ਅੰਬੇਡਕਰ ਜਯੰਤੀ 2026 ਮੰਗਲਵਾਰ 14 ਅਪ੍ਰੈਲ ਨੂੰ ਮਨਾਈ ਜਾਵੇਗੀ। ਇਹ ਦਿਨ ਭਾਰਤੀ ਸੰਵਿਧਾਨ ਦੇ ਨਿਰਮਾਤਾ, ਸਮਾਜ ਸੁਧਾਰਕ ਅਤੇ ਦਲਿਤ ਅਧਿਕਾਰਾਂ ਦੇ ਚੈਂਪੀਅਨ ਡਾ. ਭੀਮ ਰਾਓ ਅੰਬੇਡਕਰ ਦੇ ਜਨਮ ਦਿਨ ਦੀ ਯਾਦ ਦਿਵਾਉਂਦਾ ਹੈ।
19 ਅਪ੍ਰੈਲ 2026: ਇਸ ਸਾਲ (Lord Parashuram Jayanti 2026) ਭਗਵਾਨ ਪਰਸ਼ੂਰਾਮ ਜਯੰਤੀ 19 ਅਪ੍ਰੈਲ ਨੂੰ ਮਨਾਈ ਜਾਵੇਗੀ। ਪਰਸ਼ੂਰਾਮ ਜਯੰਤੀ ਖਾਸ ਕਰਕੇ ਗੁਜਰਾਤ, ਹਿਮਾਚਲ ਪ੍ਰਦੇਸ਼, ਰਾਜਸਥਾਨ ਅਤੇ ਹਰਿਆਣਾ ‘ਚ ਮਨਾਈ ਜਾਂਦੀ ਹੈ। ਹਿੰਦੂ ਧਰਮ ਗ੍ਰੰਥਾਂ ਮੁਤਾਬਕ ਭਗਵਾਨ ਪਰਸ਼ੂਰਾਮ ਜੀ ਨੂੰ ਭਗਵਾਨ ਵਿਸ਼ਨੂੰ ਦਾ ਛੇਵਾਂ ਅਵਤਾਰ ਮੰਨਿਆ ਜਾਂਦਾ ਹੈ। ਪਰਸ਼ੂਰਾਮ ਜੀ ਦੇ ਪਿਤਾ ਦਾ ਨਾਮ ਜਮਦਗਨੀ ਅਤੇ ਮਾਤਾ ਦਾ ਨਾਮ ਰੇਣੁਕਾ ਸੀ।
ਮਈ ਮਹੀਨੇ 2026 ‘ਚ ਛੁੱਟੀਆਂ (Holidays in May 2026)
01 ਮਈ 2026: ਦੇਸ਼ ਭਰ ‘ਚ ਮਈ ਦਿਵਸ ਹਰ ਸਾਲ 1 ਮਈ ਨੂੰ ਮਨਾਇਆ ਜਾਂਦਾ ਹੈ ਅਤੇ ਇਹ ਅੰਤਰਰਾਸ਼ਟਰੀ ਮਜ਼ਦੂਰ ਦਿਵਸ ਦੇ ਸਨਮਾਨ ‘ਚ ਮਨਾਇਆ ਜਾਂਦਾ ਹੈ, ਜੋ ਕਿ ਦੁਨੀਆ ਭਰ ਦੇ ਕਈ ਦੇਸ਼ਾਂ ‘ਚ ਅੰਤਰਰਾਸ਼ਟਰੀ ਮਜ਼ਦੂਰ ਲਹਿਰ ਦੇ ਪ੍ਰਤੀਕ ਵਜੋਂ ਮਨਾਇਆ ਜਾਂਦਾ ਹੈ। ਇਸ ਦਿਨ ਪੰਜਾਬ ਦੇ ਸਕੂਲਾਂ, ਕਾਲਜਾਂ ਅਤੇ ਹੋਰ ਸਰਕਾਰੀ ਅਦਾਰਿਆਂ ‘ਚ ਜਨਤਕ ਛੁੱਟੀ (ਸਰਕਾਰੀ ਛੁੱਟੀ) ਰਹੇਗੀ।
27 ਮਈ 2026: ਈਦ-ਉੱਲ-ਜੂਹਾ (ਬਕਰੀਦ) ਦੁਨੀਆ ਭਰ ‘ਚ ਮੁਸਲਮਾਨ ਭਾਈਚਾਰਾ ਇਸਨੂੰ ਬਹੁਤ ਉਤਸ਼ਾਹ ਨਾਲ ਮਨਾਉਂਦੇ ਹਨ। ਇਹ ਇਸਲਾਮੀ ਧਰਮ ‘ਚ ਛੁੱਟੀ ਹੁੰਦੀ ਹੈ। ਇਸ ਸਾਲ 2026 ‘ਚ, ਬਕਰੀਦ ਬੁੱਧਵਾਰ, 27 ਮਈ ਨੂੰ ਹੈ ਅਤੇ ਸਰਕਾਰੀ ਅਦਾਰਿਆਂ ‘ਚ ਸਰਕਾਰੀ ਛੁੱਟੀ ਰਹੇਗੀ |
ਜੂਨ ਮਹੀਨੇ 2026 ‘ਚ ਛੁੱਟੀਆਂ (Holidays in June 2026)
18 ਜੂਨ 2026: ਇਸ ਸਾਲ 18 ਜੂਨ ਨੂੰ ਚੌਥੇ ਪਾਤਸ਼ਾਹ ਸ੍ਰੀ ਗੁਰੂ ਰਾਮਦਾਸ ਜੀ ਦੇ ਸਪੁੱਤਰ ਸ੍ਰੀ ਗੁਰੂ ਅਰਜਨ ਦੇਵ ਜੀ ਸ਼ਹੀਦੀ ਦਿਵਸ ਸ਼ਰਧਾ ਭਾਵਨਾ ਨਾਲ ਮਨਾਇਆ ਜਾਵੇਗਾ | ਸੰਗਤਾਂ ਗੁਰੂ ਘਰ ਜਾ ਕੇ ਪੰਜਵੇ ਪਾਤਸ਼ਾਹ ਧੰਨ-ਧੰਨ ਸ੍ਰੀ ਗੁਰੂ ਅਰਜਨ ਦੇਵ ਜੀ ਦੇ ਸ਼ਹੀਦੀ ਦਿਵਸ ਮੌਕੇ ਉਨ੍ਹਾਂ ਨੂੰ ਕੋਟਿ ਕੋਟਿ ਪ੍ਰਣਾਮ ਕਰਦੇ ਹਨ। ਇਸ ਦਿਨ ਸੂਬੇ ਭਰ ਦੇ ਸਕੂਲਾਂ, ਕਾਲਜਾਂ ਅਤੇ ਹੋਰ ਸਰਕਾਰੀ ਅਦਾਰਿਆਂ ‘ਚ ਜਨਤਕ ਛੁੱਟੀ (ਸਰਕਾਰੀ ਛੁੱਟੀ) ਰਹੇਗੀ।
29 ਜੂਨ 2026: (Sant Kabir Jayanti 2026) ਇਸ ਨਾਲ ਸਾਲ 29 ਜੂਨ 2026 ਨੂੰ ਮਹਾਨ ਸੰਤ ਕਬੀਰ ਜਯੰਤੀ ਕਬੀਰ ਦਾਸ ਜੀ ਦੇ ਜਨਮ ਦਿਨ ਮਨਾਇਆ ਜਾਵੇਗਾ | ਇਸ ਦਿਨ ਪੰਜਾਬ ਭਰ ‘ਚ ਸਾਲਾਨਾ ਸਮਾਗਮ ਹੁੰਦਾ ਹੈ। ਮਹਾਨ ਸੰਤ ਕਬੀਰ ਜੀ ਇੱਕ ਪ੍ਰਸਿੱਧ ਕਵੀ, ਸੰਤ ਅਤੇ ਸਮਾਜ ਸੁਧਾਰਕ ਸਨ। ਇਸ ਦਿਨ ਪੰਜਾਬ ਸਮੇਤ ਦੇਸ਼ ਭਰ ਦੇ ਸਰਕਾਰੀ ਅਦਾਰਿਆਂ ‘ਚ ਜਨਤਕ ਛੁੱਟੀ ਰਹੇਗੀ।
ਜੁਲਾਈ ਮਹੀਨੇ 2026 ‘ਚ ਛੁੱਟੀਆਂ (Holidays in July 2026)
31 ਜੁਲਾਈ 2026: ਅੰਮ੍ਰਿਤਸਰ ਵਿਖੇ ਜਲ੍ਹਿਆਂਵਾਲਾ ਬਾਗ ਕਤਲੇਆਮ ਦਾ ਬਦਲਾ ਲੈਣ ਵਾਲੇ ਕ੍ਰਾਂਤੀਕਾਰੀ ਦੀ ਯਾਦ ‘ਚ ਸ਼ਹੀਦ ਊਧਮ ਸਿੰਘ ਸ਼ਹੀਦੀ ਦਿਵਸ 31 ਜੁਲਾਈ, 2026 ਨੂੰ ਪੰਜਾਬ ਸਮੇਤ ਹਰਿਆਣਾ ‘ਚ ਮਨਾਇਆ ਜਾਵੇਗਾ। ਇਸ ਦਿਨ ਸਰਕਾਰੀ ਅਦਾਰਿਆਂ ਤੇ ਸਕੂਲਾਂ ‘ਚ ਵੀ ਗਜ਼ਟਿਡ ਛੁੱਟੀ ਰਹੇਗੀ |
ਅਗਸਤ ਮਹੀਨੇ 2026 ‘ਚ ਛੁੱਟੀਆਂ (Holidays in August 2026)
15 ਅਗਸਤ 2026: ਹਰ ਸਾਲ ਦੇਸ਼ ਭਰ ‘ਚ ਆਜ਼ਾਦੀ ਦਿਵਸ 15 ਅਗਸਤ ਨੂੰ ਮਨਾਇਆ ਜਾਂਦਾ ਹੈ, ਜੋ 1947 ‘ਚ ਉਸ ਦਿਨ ਦੀ ਯਾਦ ‘ਚ ਮਨਾਇਆ ਜਾਂਦਾ ਹੈ ਜਦੋਂ ਭਾਰਤ ਬ੍ਰਿਟਿਸ਼ ਸ਼ਾਸਨ ਤੋਂ ਆਜ਼ਾਦ ਹੋਇਆ ਸੀ। ਇਸ ਸਾਲ ਆਜ਼ਾਦੀ ਦਿਵਸ ਸ਼ਨੀਵਾਰ ਨੂੰ ਪੈ ਰਿਹਾ ਹੈ ਅਤੇ ਇਸ ਦਿਨ ਪੰਜਾਬ ਦੇ ਸਕੂਲਾਂ, ਕਾਲਜਾਂ ਅਤੇ ਹੋਰ ਸਰਕਾਰੀ ਅਦਾਰਿਆਂ ‘ਚ ਜਨਤਕ ਛੁੱਟੀ ਰਹੇਗੀ।
ਸਤੰਬਰ ਮਹੀਨੇ 2026 ‘ਚ ਛੁੱਟੀਆਂ (Holidays in September 2026)
04 ਸਤੰਬਰ 2026: ਇਸ ਸਾਲ 2026 ‘ਚ ਜਨਮ ਅਸ਼ਟਮੀ ਸ਼ੁੱਕਰਵਾਰ, 04 ਸਤੰਬਰ ਨੂੰ ਮਨਾਈ ਜਾਵੇਗੀ। ਹਰ ਸਾਲ ਭਗਵਾਨ ਕ੍ਰਿਸ਼ਨ ਜਨਮ ਅਸ਼ਟਮੀ ਦੀ ਤਾਰੀਖ ਅਕਸਰ ਅਨਿਸ਼ਚਿਤ ਹੁੰਦੀ ਹੈ। ਅਕਸਰ, ਕ੍ਰਿਸ਼ਨ ਜਨਮ ਅਸ਼ਟਮੀ ਦੋ ਵੱਖ-ਵੱਖ ਦਿਨਾਂ ‘ਤੇ ਆਉਂਦੀ ਹੈ। ਇਸ ਦਿਨ ਸਰਕਾਰੀ ਅਦਾਰਿਆਂ ‘ਚ ਸਰਕਾਰੀ ਛੁੱਟੀ ਰਹੇਗੀ |
ਅਕਤੂਬਰ ਮਹੀਨੇ 2026 ‘ਚ ਛੁੱਟੀਆਂ (Holidays in October 2026)
02 ਅਕਤੂਬਰ 2026: 2 ਅਕਤੂਬਰ ਨੂੰ ਦੇਸ਼ ਭਰ ‘ਚ ਮਹਾਤਮਾ ਗਾਂਧੀ ਦੇ ਜਨਮ ਦਿਨ ਦਾ ਸਨਮਾਨ ਕਰਦੀ ਹੈ। ਭਾਰਤ ‘ਚ ਇਸ ਦਿਨ ਨੂੰ ਗਾਂਧੀ ਜਯੰਤੀ ਵਜੋਂ ਮਨਾਇਆ ਜਾਂਦਾ ਹੈ। ਇਸ ਦੀ ਪੰਜਾਬ ‘ਚ ਵੀ ਸਮਾਗਮ ਕਰਵਾ ਕੇ ਸ਼ਰਧਾਂਜਲੀ ਭੇਂਟ ਕਰਦੇ ਹਨ | ਇਸ ਦਿਨ ਸਕੂਲ ਅਤੇ ਕਾਲਜਾਂ ‘ਚ ਸਰਕਾਰੀ ਛੁੱਟੀ ਰਹੇਗੀ।
02 ਅਕਤੂਬਰ 2026: ਭਾਰਤ ਦੇ ਸਾਬਕਾ ਪ੍ਰਧਾਨ ਮੰਤਰੀ ਲਾਲ ਬਹਾਦਰ ਸ਼ਾਸਤਰੀ ਦਾ ਜਨਮ 2 ਅਕਤੂਬਰ, 1904 ਨੂੰ ਹੋਇਆ ਸੀ। ਉਨ੍ਹਾਂ ਦੀ ਸਾਦਗੀ ਅਤੇ ਨਿਮਰਤਾ ਦੀ ਬਹੁਤ ਸਾਰੇ ਲੋਕਾਂ ਨੇ ਪ੍ਰਸ਼ੰਸਾ ਕੀਤੀ। ਉਨ੍ਹਾਂ ਨੇ 1965 ਦੀ ਭਾਰਤ-ਪਾਕਿਸਤਾਨ ਜੰਗ ਦੌਰਾਨ “ਜੈ ਜਵਾਨ ਜੈ ਕਿਸਾਨ” ਦਾ ਨਾਅਰਾ ਦਿੱਤਾ ਸੀ। ਇਸ ਦਿਨ ਉਨ੍ਹਾਂ ਦੇ ਜਨਮਦਿਨ ਮੌਕੇ ਲਾਲ ਬਹਾਦਰ ਸ਼ਾਸਤਰੀ ਜਯੰਤੀ ਦੀ ਛੁੱਟੀ ਰਹੇਗੀ |
11 ਅਕਤੂਬਰ , 2026: (Maharaja Agrasen Jayanti 2026) ਹਰ ਸਾਲ ਮਹਾਰਾਜਾ ਅਗਰਸੇਨ ਜਯੰਤੀ ਮਹਾਨ ਹਿੰਦੂ ਰਾਜਾ ਅਗਰਸੇਨ ਦੇ ਜਨਮ ਦਿਵਸ ਵਜੋਂ ਮਨਾਈ ਜਾਂਦੀ ਹੈ। ਮਹਾਰਾਜਾ ਅਗਰਸੇਨ ਦਾ ਜਨਮਦਿਨ ਹਿੰਦੂ ਕੈਲੰਡਰ ਦੇ ਅੱਸੂ ਦੇ ਚੌਥੇ ਦਿਨ ਮਨਾਇਆ ਜਾਂਦਾ ਹੈ। ਮਹਾਰਾਜਾ ਅਗਰਸੇਨ ਜਯੰਤੀ ਮੁੱਖ ਤੌਰ ‘ਤੇ ਪੰਜਾਬ, ਹਰਿਆਣਾ, ਉੱਤਰ ਪ੍ਰਦੇਸ਼ ਅਤੇ ਰਾਜਸਥਾਨ ‘ਚ ਮਨਾਈ ਜਾਂਦੀ ਹੈ |
20 ਅਕਤੂਬਰ 2026: ਇਸ ਸਾਲ ਦੁਸਹਿਰਾ 2026 ਮੰਗਲਵਾਰ, 20 ਅਕਤੂਬਰ ਨੂੰ ਮਨਾਇਆ ਜਾਵੇਗਾ। ਇਹ ਨੌਂ ਦਿਨਾਂ ਦੇ ਨਵਰਾਤਰੀ ਤਿਉਹਾਰ ਦਾ ਅੰਤਮ ਦਿਨ ਹੁੰਦਾ ਹੈ | ਇਹ ਤਿਉਹਾਰ ਬੁਰਾਈ ‘ਤੇ ਚੰਗਿਆਈ ਦੀ ਜਿੱਤ ਦਾ ਪ੍ਰਤੀਕ ਹੈ, ਕਿਉਂਕਿ ਭਗਵਾਨ ਰਾਮ ਨੇ ਇਸ ਦਿਨ ਰਾਵਣ ਨੂੰ ਮਾਰਿਆ ਸੀ।
26 ਅਕਤੂਬਰ 2026: (Maharishi Valmiki Jayanti 2026) ਇਸ ਵਾਰ ਭਗਵਾਨ ਮਹਾਰਿਸ਼ੀ ਵਾਲਮੀਕਿ ਜਯੰਤੀ 2026, ਦਿਨ ਸੋਮਵਾਰ, 26 ਅਕਤੂਬਰ ਨੂੰ ਮਨਾਈ ਜਾਵੇਗੀ। ਜਿਕਰਯੋਗ ਹੈ ਕਿ ਮਹਾਰਿਸ਼ੀ ਵਾਲਮੀਕਿ ਨੂੰ ਪਹਿਲੇ ਕਵੀ ਵਜੋਂ ਵੀ ਜਾਣਿਆ ਜਾਂਦਾ ਹੈ। ਮਹਾਰਿਸ਼ੀ ਵਾਲਮੀਕਿ ਜੀ ਨੇ ਸੰਸਕ੍ਰਿਤ ‘ਚ ਰਾਮਾਇਣ ਲਿਖੀ ਸੀ। ਇਸ ਦਿਨ ਸੂਬੇ ਦੇ ਸਕੂਲਾਂ, ਕਾਲਜਾਂ ਅਤੇ ਸਰਕਾਰੀ ‘ਚ ਸਰਕਾਰੀ ਛੁੱਟੀ ਹੋਵੇਗੀ।
ਨਵੰਬਰ ਮਹੀਨੇ 2026 ‘ਚ ਛੁੱਟੀਆਂ (Holidays in November 2026)
08 ਨਵੰਬਰ 2026: ਇਸ ਸਾਲ ਦੀਵਾਲੀ ਦਾ ਤਿਉਹਾਰ ਐਤਵਾਰ 08 ਨਵੰਬਰ ਨੂੰ ਮਨਾਇਆ ਜਾਵੇਗਾ । ਇਹ ਤਿਉਹਾਰ ਕੱਤਕ ਮੱਸਿਆ ਨੂੰ ਆਉਂਦਾ ਹੈ, ਅਤੇ ਆਲੇ ਦੁਆਲੇ ਦੇ ਦਿਨ ਧਨਤੇਰਸ (6 ਨਵੰਬਰ 2026), ਨਰਕ ਚਤੁਰਦਸ਼ੀ (7 ਨਵੰਬਰ 2026), ਗੋਵਰਧਨ ਪੂਜਾ (9 ਨਵੰਬਰ), ਅਤੇ ਭਾਈ ਦੂਜ (10 ਜਾਂ 11 ਨਵੰਬਰ) ਹਨ। ਇਸ ਦਿਨ ਸੂਬੇ ਭਰ ਦੇ ਸਕੂਲਾਂ, ਕਾਲਜਾਂ ਅਤੇ ਹੋਰ ਸਰਕਾਰੀ ਅਦਾਰਿਆਂ ‘ਚ ਸਰਕਾਰੀ ਛੁੱਟੀ (ਜਨਤਕ ਛੁੱਟੀ) ਰਹੇਗੀ।
09 ਨਵੰਬਰ 2026: ਵਿਸ਼ਵਕਰਮਾ ਦਿਵਸ 2026: ਦੀਵਾਲੀ ਤੋਂ ਇੱਕ ਦਿਨ ਬਾਅਦ ਦੇਸ਼ ਭਰ ‘ਚ ਵਿਸ਼ਵਕਰਮਾ ਪੂਜਾ ਜਾਂ ਵਿਸ਼ਵਕਰਮਾ ਜਯੰਤੀ 2026 ਬਹੁਤ ਸ਼ਰਧਾ ਭਾਵਨਾ ਨਾਲ ਮਨਾਈ ਜਾਂਦੀ ਹੈ। ਹਿੰਦੂ ਧਰਮ ‘ਚ ਵਿਸ਼ਵਕਰਮਾ ਨੂੰ ਬ੍ਰਹਿਮੰਡ ਦਾ ਪਹਿਲਾ ਸ਼ਿਲਪਕਾਰ ਕਿਹਾ ਜਾਂਦਾ ਹੈ |
16 ਨਵੰਬਰ 2026: (Sardar Kartar Singh Sarabha’s Martyrdom Day 2026) ਆਜ਼ਾਦੀ ਦੇ ਸੰਘਰਸ਼ ‘ਚ 18 ਸਾਲ ਦੀ ਉਮਰ ‘ਚ ਸ਼ਹੀਦ ਸਰਦਾਰ ਕਰਤਾਰ ਸਿੰਘ ਸਰਾਭਾ ਦਾ ਨਾਮ ਸਾਹਮਣੇ ਆਉਂਦਾ ਹੈ। ਹਰ ਸਾਲ ਦੀ ਤਰ੍ਹਾਂ ਕਰਤਾਰ ਸਿੰਘ ਸਰਾਭਾ ਦਾ ਸ਼ਹੀਦੀ ਦਿਵਸ 16 ਨਵੰਬਰ 2026 ਨੂੰ ਮਨਾਇਆ ਜਾਵੇਗਾ। ਇਸ ਦਿਨ ਸਕੂਲਾਂ, ਕਾਲਜਾਂ ਅਤੇ ਸਰਕਾਰੀ ਅਦਾਰਿਆਂ ‘ਚ ਜਨਤਕ ਛੁੱਟੀ ਰਹੇਗੀ।
24 ਨਵੰਬਰ 2026: (Sri Guru Nanak Jayanti 2025) ਸਿੱਖ ਧਰਮ ਦੇ ਮੋਢੀ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਪ੍ਰਕਾਸ਼ ਪੁਰਬ 05 ਨਵੰਬਰ 2026ਨੂੰ ਪੰਜਾਬ ਸਮੇਤ ਦੇਸ਼ ਭਰ ‘ਚ ਸ਼ਰਧਾ ਭਾਵਨਾ ਨਾਲ ਮਨਾਇਆ ਜਾਵੇਗਾ। ਇਹ ਦਿਨ ਸਿੱਖ ਭਾਈਚਾਰੇ ਲਈ ਕਾਫੀ ਅਹਿਮ ਹੈ। ਇਸ ਦਿਨ ਗੁਰੂ ਨਾਨਕ ਦੇਵ ਜੀ ਨੂੰ ਯਾਦ ਕੀਤਾ ਜਾਂਦਾ ਹੈ।
ਦਸੰਬਰ ਮਹੀਨੇ 2026 ‘ਚ ਛੁੱਟੀਆਂ (Holidays in December 2026)
14 ਦਸੰਬਰ 2026: ਹਿੰਦ ਦੀ ਚਾਦਰ ਨੌਵੇਂ ਪਾਤਸ਼ਾਹ ਸਾਹਿਬ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਸ਼ਹੀਦੀ ਦਿਵਸ ਇਸ 14 ਦਸੰਬਰ 2026 ਨੂੰ ਸ਼ਰਧਾ ਭਾਵਨਾ ਨਾਲ ਮਨਾਇਆ ਜਾਵੇਗਾ | ਇਸ ਦਿਨ ਸੂਬੇ ਭਰ ਦੇ ਸਕੂਲਾਂ ਸਮੇਤ ਹੋਰ ਸਰਕਾਰੀ ਅਦਾਰਿਆਂ ‘ਚ ਸਰਕਾਰੀ ਛੁੱਟੀ (ਜਨਤਕ ਛੁੱਟੀ) ਰਹੇਗੀ।
25 ਦਸੰਬਰ 2026: (Christmas 2026) 25 ਦਸੰਬਰ ਨੂੰ ਈਸਾਈ ਭਾਈਚਾਰੇ ਵੱਲੋਂ ਕ੍ਰਿਸਮਸ ਤਿਉਹਾਰ 2025 ਮਨਾਇਆ ਜਾਵੇਗਾ। ਈਸਾਈ ਭਾਈਚਾਰੇ ਦੇ ਲੋਕ ਕ੍ਰਿਸਮਸ ਵਾਲੇ ਦਿਨ ਚਰਚ ਚ ਪ੍ਰਾਰਥਨਾ ਕਰਦੇ ਹਨ, ਇੱਕ ਦੂਜੇ ਨੂੰ ਸ਼ੁਭਕਾਮਨਾਵਾਂ ਦਿੰਦੇ ਹਨ ਅਤੇ ਤੋਹਫ਼ਿਆਂ ਦਾ ਆਦਾਨ-ਪ੍ਰਦਾਨ ਕਰਦੇ ਹਨ।
28 ਦਸੰਬਰ 2026: ਪੰਜਾਬ ਸਰਕਾਰ ਦੇ ਕਲੰਡਰ ਮੁਤਾਬਕ 28 ਦਸੰਬਰ 2026, ਦਿਨ ਸੋਮਵਾਰ ਨੂੰ ਸ੍ਰੀ ਫਤਿਹਗੜ੍ਹ ਸਾਹਿਬ ਵਿਖੇ ਸ਼ਹੀਦੀ ਸਭਾ ਹੋਵੇਗੀ | ਇਸ ਦਿਨ ਪੰਜਾਬ ਸਰਕਾਰ ਨੇ ਸਰਕਾਰੀ ਛੁੱਟੀ ਦਾ ਐਲਾਨ ਕੀਤਾ ਹੈ |
Read More: ਜਨਤਕ ਛੁੱਟੀ 2026: ਪੰਜਾਬ ਸਰਕਾਰ ਵੱਲੋਂ ਸਾਲ 2026 ਲਈ ਛੁੱਟੀਆਂ ਦਾ ਕੈਲੰਡਰ ਜਾਰੀ
