ਲਖਨਊ 21 ਮਾਰਚ 2024: ਅੱਜ ਮਹਾਨ ਸ਼ਹਿਨਾਈ ਵਾਦਕ ਭਾਰਤ ਰਤਨ ਉਸਤਾਦ ਬਿਸਮਿੱਲ੍ਹਾ ਖਾਨ (Bismillah Khan) ਦਾ ਜਨਮ ਦਿਨ ਹੈ। ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੇ ਵੀਰਵਾਰ ਨੂੰ ਭਾਰਤ ਰਤਨ ਬਿਸਮਿੱਲ੍ਹਾ ਖਾਨ ਨੂੰ ਉਨ੍ਹਾਂ ਦੇ ਜਨਮ ਦਿਨ ‘ਤੇ ਸ਼ਰਧਾਂਜਲੀ ਭੇਟ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੀ ਸ਼ਹਿਨਾਈ ਤੋਂ ਨਿਕਲਣ ਵਾਲੇ ਅਦਭੁਤ ਸੁਰ ਭਾਰਤ ਦੀ ਅਲੌਕਿਕ ਸੰਗੀਤਕ ਯਾਤਰਾ ਦੀ ਅਦਭੁਤ ਝਾਕੀ ਹੈ ।
ਯੋਗੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਐਕਸ’ ‘ਤੇ ਆਪਣੇ ਸੰਦੇਸ਼ ‘ਚ ਕਿਹਾ ਕਿ ‘ਭਾਰਤ ਰਤਨ’ ਉਸਤਾਦ ਬਿਸਮਿੱਲਾ ਖਾਨ ਨੇ ਸ਼ਹਿਨਾਈ ਵਜਾਉਣ ਨੂੰ ਅਧਿਆਤਮਿਕ ਅਭਿਆਸ ਅਤੇ ਪੂਜਾ ਦੇ ਰੂਪ ਵਜੋਂ ਅਪਣਾਇਆ।
ਜਿਕਰਯੋਗ ਹੈ ਕਿ ਉਸਤਾਦ ਬਿਸਮਿੱਲ੍ਹਾ ਖਾਨ (Bismillah Khan) ਦਾ ਜਨਮ 21 ਮਾਰਚ 1916 ਨੂੰ ਉੜੀਸਾ ਦੇ ਸ਼ਾਹਬਾਦ ਜ਼ਿਲ੍ਹੇ ਵਿੱਚ ਹੋਇਆ ਸੀ। ਇਹ ਉਸਤਾਦ ਬਿਸਮਿੱਲਾ ਖਾਨ ਸਨ ਜਿਨ੍ਹਾਂ ਨੇ ਸ਼ਹਿਨਾਈ ਨੂੰ ਦੁਨੀਆ ਵਿਚ ਇਕ ਵੱਖਰੀ ਪਛਾਣ ਦਿੱਤੀ। ਉਸਤਾਦ ਬਿਸਮਿੱਲਾ ਹਿੰਦੁਸਤਾਨੀ ਸ਼ਾਸਤਰੀ ਸੰਗੀਤ ਦੇ ਮੋਢੀ ਸਨ। ਸ਼ਹਿਨਾਈ ਪਹਿਲਾਂ ਸਿਰਫ਼ ਰਵਾਇਤੀ ਪ੍ਰੋਗਰਾਮਾਂ ਵਿੱਚ ਹੀ ਵਜਾਈ ਜਾਂਦੀ ਸੀ, ਪਰ ਉਸਤਾਦ ਬਿਸਮਿੱਲ੍ਹਾ ਖ਼ਾਨ ਨੇ ਇਸ ਨੂੰ ਹਰ ਮੰਚ ‘ਤੇ ਲਿਆਉਣ ਦਾ ਕੰਮ ਕੀਤਾ।
