6 ਜੁਲਾਈ 2025: ਹਿਮਾਚਲ ਪ੍ਰਦੇਸ਼ (himachal pradesh) ਵਿੱਚ ਅੱਜ ਦੋ ਥਾਵਾਂ ‘ਤੇ ਬੱਦਲ ਫਟਣ ਦੀਆਂ ਘਟਨਾਵਾਂ ਵਾਪਰੀਆਂ। ਊਨਾ ਵਿੱਚ ਭਾਰੀ ਮੀਂਹ ਤੋਂ ਬਾਅਦ ਸਵਾਨ ਨਦੀ ਭਰ ਗਈ। ਮੰਡੀ ਜ਼ਿਲ੍ਹੇ ਦੇ ਚੌਹਰਘਾਟੀ ਸਿਲਹਬੁਧਾਨੀ ਦੇ ਕੋਰਟਾਂਗ ਨਾਲੇ ਵਿੱਚ ਸਵੇਰੇ 2.30 ਵਜੇ ਬੱਦਲ ਫਟਣ ਤੋਂ ਬਾਅਦ ਹੜ੍ਹ ਆ ਗਿਆ। ਇਸ ਘਟਨਾ ਕਾਰਨ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਹੈ।
ਦੂਜੇ ਪਾਸੇ, ਅੱਜ ਸਵੇਰੇ ਚੰਬਾ ਦੇ ਚੁਰਾਹ ਵਿੱਚ ਬੱਦਲ ਫਟਣ ਦੀ ਘਟਨਾ ਵਾਪਰੀ, ਜਿਸ ਕਾਰਨ ਕਾਂਗੇਲਾ ਨਾਲੇ ਵਿੱਚ ਹੜ੍ਹ (flood) ਕਾਰਨ ਨਵਾਂ ਬਣਿਆ ਪੁਲ ਰੁੜ੍ਹ ਗਿਆ। ਪੁਲ ਦੇ ਰੁੜ੍ਹ ਜਾਣ ਕਾਰਨ ਇਲਾਕੇ ਦੀਆਂ ਚਾਰ ਪੰਚਾਇਤਾਂ ਦੁਨੀਆ ਦੇ ਬਾਕੀ ਹਿੱਸਿਆਂ ਤੋਂ ਪੂਰੀ ਤਰ੍ਹਾਂ ਕੱਟ ਗਈਆਂ। ਇਹ ਪੁਲ ਦੋ ਸਾਲ ਪਹਿਲਾਂ ਵੀ ਹੜ੍ਹ ਵਿੱਚ ਵਹਿ ਗਿਆ ਸੀ।
ਅੱਜ ਸਵੇਰੇ 5 ਵਜੇ ਤੋਂ ਊਨਾ ਵਿੱਚ ਭਾਰੀ ਮੀਂਹ ਪੈ ਰਿਹਾ ਹੈ। ਇਸ ਕਾਰਨ ਸਵਾਨ ਨਦੀ ਓਵਰਫਲੋ (overflow) ਹੋ ਰਹੀ ਹੈ। ਊਨਾ ਵਿੱਚ ਕਈ ਘਰਾਂ ਵਿੱਚ ਪਾਣੀ ਭਰਨ ਦੀ ਖ਼ਬਰ ਹੈ। ਸਵਾਨ ਨਦੀ ਦਾ ਪਾਣੀ ਊਨਾ ਤੋਂ ਲਗਭਗ 15 ਕਿਲੋਮੀਟਰ ਬਾਅਦ ਸਤਲੁਜ ਨਦੀ ਵਿੱਚ ਮਿਲ ਜਾਵੇਗਾ ਅਤੇ ਨੰਗਲ ਵਿਖੇ ਪੰਜਾਬ ਵਿੱਚ ਦਾਖਲ ਹੋਵੇਗਾ। ਇਸ ਕਾਰਨ ਪੰਜਾਬ ਵਿੱਚ ਵੀ ਹੜ੍ਹ ਵਰਗੀ ਸਥਿਤੀ ਪੈਦਾ ਹੋ ਸਕਦੀ ਹੈ।
Read More: Himachal Pradesh: ਮੰਡੀ ‘ਚ 4 ਥਾਵਾਂ ‘ਤੇ ਫਟੇ ਬੱਦਲ, 1 ਦੀ ਮੌ.ਤ
