ਚੰਡੀਗ੍ਹੜ, 20 ਅਪ੍ਰੈਲ 2023: ਵੀਰਵਾਰ ਸ਼ਾਮ ਨੂੰ ਦਿੱਲੀ-ਐਨਸੀਆਰ (Delhi-NCR) ਵਿੱਚ ਮੌਸਮ ਦਾ ਪੈਟਰਨ ਅਚਾਨਕ ਬਦਲ ਗਿਆ। ਦਿੱਲੀ ਦੇ ਕਈ ਇਲਾਕਿਆਂ ‘ਚ ਗਰਜ ਨਾਲ ਬਾਰਿਸ਼ ਪਈ । ਸ਼ਾਮ ਨੂੰ ਪਈ ਬਾਰਿਸ਼ ਕਾਰਨ ਕਈ ਇਲਾਕਿਆਂ ਵਿੱਚ ਜਾਮ ਵੀ ਦੇਖਣ ਨੂੰ ਮਿਲਿਆ। ਬਾਰਿਸ਼ ਕਾਰਨ ਤਾਪਮਾਨ ‘ਚ ਗਿਰਾਵਟ ਦਰਜ ਕੀਤੀ ਗਈ। ਦਿਨ ਭਰ ਪੈ ਰਹੀ ਕੜਾਕੇ ਦੀ ਗਰਮੀ ਤੋਂ ਲੋਕ ਪ੍ਰੇਸ਼ਾਨ ਰਹੇ ਪਰ ਸ਼ਾਮ ਤੱਕ ਬਾਰਿਸ਼ ਪੈਣ ਨਾਲ ਲੋਕਾਂ ਨੇ ਰਾਹਤ ਮਹਿਸੂਸ ਕੀਤੀ।
ਆਈਜੀਆਈ ਏਅਰਪੋਰਟ, ਕਨਾਟ ਪਲੇਸ, ਦਿੱਲੀ ਵਿੱਚ ਲਾਲ ਕਿਲਾ ਅਤੇ ਐਨਸੀਆਰ ਵਿੱਚ ਛਪਰੋਲਾ, ਨੋਇਡਾ, ਦਾਦਰੀ, ਗ੍ਰੇਟਰ ਨੋਇਡਾ, ਫਰੀਦਾਬਾਦ, ਹਾਂਸੀ, ਰੋਹਤਕ, ਭਿਵਾਨੀ, ਚਰਖੀ ਦਾਦਰੀ, ਸੋਹਨਾ, ਰੇਵਾੜੀ, ਨਾਰਨੌਲ, ਨੂਹ, ਪਿਲਖੁਆ, ਗੁਲੋਟੀ, ਸਿਆਨਾ, ਸੰਭਲ, ਸਿਕੰਦਰਾਬਾਦ, ਚੰਦੌਸੀ, ਬੁਲੰਦਸ਼ਹਿਰ, ਜਹਾਂਗੀਰਾਬਾਦ, ਅਨੂਪਸ਼ਹਿਰ ਹੋਰ ਕਈ ਇਲਾਕਿਆਂ ਵਿੱਚ ਮੀਂਹ ਪਿਆ।
