ਚੰਡੀਗੜ੍ਹ, 27 ਜਨਵਰੀ 2024: ਚੰਡੀਗੜ੍ਹ ਦੇ ਪਹਿਲੇ ਹਾਕੀ ਓਲੰਪੀਅਨ ਸੁਖਬੀਰ ਸਿੰਘ ਗਿੱਲ ਲਗਭਗ 17 ਸਾਲਾਂ ਤੱਕ ਬ੍ਰੇਨ ਟਿਊਮਰ ਨਾਲ ਜੂਝਣ ਤੋਂ ਬਾਅਦ 48 ਸਾਲ ਦੀ ਉਮਰ ਵਿੱਚ ਪੂਰੇ ਹੋ ਗਏ । ਸਾਬਕਾ ਭਾਰਤੀ ਮਿਡਫੀਲਡਰ ਨੇ ਸ਼ੁੱਕਰਵਾਰ ਦੁਪਹਿਰ ਨੂੰ ਸੈਕਟਰ 49 ਸਥਿਤ ਆਪਣੀ ਰਿਹਾਇਸ਼ ‘ਤੇ ਆਖਰੀ ਸਾਹ ਲਿਆ। ਉਨ੍ਹਾਂ ਨੇ ਸਿਡਨੀ ਓਲੰਪਿਕ (2000), ਕੁਆਲਾਲੰਪੁਰ ਵਿੱਚ ਹਾਕੀ ਵਿਸ਼ਵ ਕੱਪ (2002) ਅਤੇ ਕੋਲੋਨ (ਜਰਮਨੀ) ਵਿੱਚ 2002 ਵਿੱਚ ਐਫਆਈਐਚ ਚੈਂਪੀਅਨਜ਼ ਟਰਾਫੀ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕੀਤੀ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਚੰਡੀਗੜ੍ਹ ਦਾ ਨਾਮ ਰੌਸ਼ਨ ਕੀਤਾ।