ਮੋਹਾਲੀ, 24 ਦਸੰਬਰ 2025: ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ ਨੇ ਆਪਣੀ ਬ੍ਰਾਂਡ ਐਂਬੈਸਡਰ ਅਤੇ ਵਿਸ਼ਵ ‘ਚ ਕੱਪ ਸੋਨ ਤਮਗਾ ਜੇਤੂ ਮੁੱਕੇਬਾਜ਼ ਨੂਪੁਰ ਨੂੰ 10 ਲੱਖ ਰੁਪਏ ਨਕਦ ਇਨਾਮ ਨਾਲ ਸਨਮਾਨਿਤ ਕੀਤਾ ਹੈ। ਇਹ ਇਨਾਮ ਸੀਜੀਸੀ ਯੂਨੀਵਰਸਿਟੀ (ਮੋਹਾਲੀ) ਵੱਲੋਂ ਵਿਸ਼ਵ ਕੱਪ 2025 ‘ਚ ਸੋਨ ਤਮਗਾ ਜਿੱਤਣ ਦੇ ਸਨਮਾਨ ‘ਚ ਦਿੱਤਾ ਗਿਆ। ਇਹ ਵਿਸ਼ਵ ਕੱਪ 16 ਤੋਂ 20 ਨਵੰਬਰ 2025 ਤੱਕ ਗ੍ਰੇਟਰ ਨੋਇਡਾ, ਉੱਤਰ ਪ੍ਰਦੇਸ਼ ‘ਚ ਹੋਇਆ ਸੀ।
ਇਹ ਅੰਤਰਰਾਸ਼ਟਰੀ ਚੈਂਪੀਅਨਸ਼ਿਪ ਬਾਕਸਿੰਗ ਫੈਡਰੇਸ਼ਨ ਆਫ ਇੰਡੀਆ ਵੱਲੋਂ ਵਿਸ਼ਵ ਬਾਕਸਿੰਗ ਦੇ ਸਹਿਯੋਗ ਨਾਲ ਕਰਵਾਈ, ਜਿਸ ‘ਚ 18 ਦੇਸ਼ਾਂ ਤੋਂ 130 ਤੋਂ ਵੱਧ ਉੱਚ ਪੱਧਰੀ ਮੁੱਕੇਬਾਜ਼ਾਂ ਨੇ ਭਾਗ ਲਿਆ। ਕਠਿਨ ਮੁਕਾਬਲੇ ਵਾਲੇ ਇਸ ਟੂਰਨਾਮੈਂਟ ‘ਚ ਨੂਪੁਰ ਵੱਲੋਂ ਹਾਸਲ ਕੀਤਾ ਸਵਰਨ ਪਦਕ ਉਸਦੀ ਮਿਹਨਤ, ਅਨੁਸ਼ਾਸਨ ਅਤੇ ਦ੍ਰਿੜ ਨਿਸ਼ਚੇ ਦਾ ਪ੍ਰਮਾਣ ਬਣਿਆ।
ਇਸ ਮੌਕੇ ‘ਤੇ ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ ਵੱਲੋਂ ਇੱਕ ਵਿਸ਼ੇਸ਼ ਸਨਮਾਨ ਸਮਾਗਮ ਦਾ ਕੀਤਾ ਗਿਆ, ਜਿਸ ਦੌਰਾਨ ਨੂਪੁਰ ਨੂੰ 10 ਲੱਖ ਰੁਪਏ ਦਾ ਚੈਕ ਪ੍ਰਦਾਨ ਕੀਤਾ ਗਿਆ। ਸਮਾਗਮ ‘ਚ ਰਸ਼ਪਾਲ ਸਿੰਘ ਧਾਲੀਵਾਲ, ਫਾਦਰ ਆਫ਼ ਐਜੂਕੇਸ਼ਨ ਅਤੇ ਚਾਂਸਲਰ, ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ; ਅਰਸ਼ ਧਾਲੀਵਾਲ,ਮੈਨੇਜਿੰਗ ਡਾਇਰੈਕਟਰ; ਡਾ. ਸੁਸ਼ੀਲ ਪਰਾਸ਼ਰ, ਐਗਜ਼ਿਕਿਊਟਿਵ ਡਾਇਰੈਕਟਰ, ਡੀਸੀਪੀਡੀ; ਮਿਸਟਰ ਸਤੀਸ਼ ਕੇ. ਸਰਹਦੀ, ਸੀਨੀਅਰ ਸਪੋਰਟਸ ਡਾਇਰੈਕਟਰ ਅਤੇ ਮਿਸਟਰ ਲਵਦੀਪ ਮਾਨ, ਹੈੱਡ ਸਪੋਰਟਸ ਹਾਜ਼ਰ ਸਨ।
ਇਸ ਮੌਕੇ ਚੈਂਪੀਅਨ ਨੂੰ ਵਧਾਈ ਦਿੰਦਿਆਂ ਰਸ਼ਪਾਲ ਸਿੰਘ ਧਾਲੀਵਾਲ, ਫਾਦਰ ਆਫ ਐਜੂਕੇਸ਼ਨ ਅਤੇ ਮਾਣਯੋਗ ਚਾਂਸਲਰ, ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ ਨੇ ਕਿਹਾ, “ਵਿਸ਼ਵ ਪੱਧਰ ’ਤੇ ਨੂਪੁਰ ਦੀ ਇਹ ਉਪਲਬਧੀ ਦ੍ਰਿੜਤਾ, ਅਨੁਸ਼ਾਸਨ ਅਤੇ ਆਤਮ-ਵਿਸ਼ਵਾਸ ਦੀ ਤਾਕਤ ਨੂੰ ਦਰਸਾਉਂਦੀ ਹੈ। ਸੀਜੀਸੀ ਯੂਨੀਵਰਸਿਟੀ, ਮੋਹਾਲੀ ਦੀ ਬਰਾਂਡ ਐਂਬੈਸਡਰ ਵਜੋਂ ਉਹ ਸਾਡੀਆਂ ਸੰਸਥਾਗਤ ਮੁੱਲਾਂ ਦੀ ਸੱਚੀ ਪ੍ਰਤੀਨਿਧੀ ਹੈ ਅਤੇ ਦੇਸ਼ ਭਰ ਦੇ ਨੌਜਵਾਨ ਖਿਡਾਰੀਆਂ ਲਈ ਪ੍ਰੇਰਣਾ ਹੈ। ਉਸ ਦੀ ਸਫਲਤਾ ਦੇਸ਼ ਲਈ ਮਾਣ ਲਿਆਉਣ ਵਾਲੇ ਚੈਂਪੀਅਨ ਤਿਆਰ ਕਰਨ ਦੀ ਸਾਡੀ ਦ੍ਰਿਸ਼ਟੀ ਨੂੰ ਮਜ਼ਬੂਤ ਕਰਦੀ ਹੈ।”
ਇਸ ਮੌਕੇ ਮੈਨੇਜਿੰਗ ਡਾਇਰੈਕਟਰ ਅਰਸ਼ ਧਾਲੀਵਾਲ ਨੇ ਕਿਹਾ, “ਨੂਪੁਰ ਦਾ ਵਰਲਡ ਕੱਪ ਸਵਰਨ ਪਦਕ ਦੇਸ਼ ਲਈ ਮਾਣ ਅਤੇ ਸੀਜੀਸੀ ਯੂਨੀਵਰਸਿਟੀ,ਮੋਹਾਲੀ ਲਈ ਇੱਕ ਮਹੱਤਵਪੂਰਨ ਉਪਲਬੱਧੀ ਹੈ। ਉਸ ਦੀ ਯਾਤਰਾ ਉਤਕ੍ਰਿਸ਼ਟਤਾ, ਸਹਿਨਸ਼ੀਲਤਾ ਅਤੇ ਸਮਰਪਣ ਨੂੰ ਦਰਸਾਉਂਦੀ ਹੈ, ਜਿਹੜੀਆਂ ਗੁਣਵੱਤਾਵਾਂ ਅਸੀਂ ਹਰ ਵਿਦਿਆਰਥੀ ਅਤੇ ਖਿਡਾਰੀ ‘ਚ ਵਿਕਸਿਤ ਕਰਨ ਦੀ ਕੋਸ਼ਿਸ਼ ਕਰਦੇ ਹਾਂ। ਅਸੀਂ ਉੱਚ ਪੱਧਰ ’ਤੇ ਮੁਕਾਬਲਾ ਕਰਨ ਵਾਲੇ ਖਿਡਾਰੀਆਂ ਨੂੰ ਪੂਰਾ ਸਹਿਯੋਗ ਦੇਣ ਲਈ ਵਚਨਬੱਧ ਹਾਂ।”
ਯੂਨੀਵਰਸਿਟੀ ਪ੍ਰਬੰਧਨ ਨੇ ਨੂਪੁਰ ਦੀ ਖੇਡ ਭਾਵਨਾ ਅਤੇ ਸਮਰਪਣ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਨੂਪੁਰ ਅਤੇ ਉਸਦੀਆਂ ਉਪਲਬਧੀਆਂ ਆਉਣ ਵਾਲੀ ਪੀੜ੍ਹੀ ਦੇ ਖਿਡਾਰੀਆਂ ਨੂੰ ਪ੍ਰੇਰਿਤ ਕਰਦੀਆਂ ਰਹਿਣਗੀਆਂ।
Read More: ਸੀਜੀਸੀ ਲਾਂਡਰਾਂ ਦੇ CEC ਤੇ CBSA ਨੂੰ ਇੰਸਟੀਚਿਊਸ਼ਨ ਆਫ਼ ਹੈਪੀਨੈੱਸ ਮਾਨਤਾ 2025-26 ਨਾਲ ਕੀਤਾ ਸਨਮਾਨਿਤ
